香港巴士大典 :將300線途經的一段彌敦道南行的交通燈號配合300線的太子開車時間進行調校，使行走300線的巴士途經各燈位時燈號顯示為綠燈

想問, 當年係如何調校交通燈讓300線巴士可以直接行駛?

L. C. :

香港巴士大典 :將300線途經的一段彌敦道南行的交通燈號配合300線的太子開車時間進行調校，使行走300線的巴士途經各燈位時燈號顯示為綠燈

想問, 當年係如何調校交通燈讓300線巴士可以直接行駛?

感應器 ?

可能只不過係用行車同開車時間嚟計番行經至某交通燈嘅需時掛?其實係咪100%準時都未知。

相信係估算 300 號巴士正常行車下由總站開始沿彌敦道一帶所需時間
而調較附近燈位令 300 號巴士順燈
以此推斷，如果當年有其他路線站位/客量大致同 300 一樣，只要班司機認著 300 號盡量啄著或者做到差唔多"共同進退"
應該都可以食著條水享受埋順燈
又或者某日因事上客有阻濟，骨牌效應下每個站都儲多左客上客慢左，成程車燈位似乎會特別唔順


不過其實港島北英皇道高士威道一帶而家都有唔少燈係特別順
通常都係唔行東廊就得翻佢既獨市位 (其他地方話之你，呢段路連尊貴既私家車都要行嘛，點可以咁多盞紅燈 )

例如健威花園至炮台山腳如果好運一般可以順 5-6 盞燈，朝早 d 81S 529P 呢 d 東廊落黎如果好彩差唔多可以順到去山腳先需要停車
08 年初流感爆發小學幼稚園停課時，少左部分學生客之下搭 81 更試過即使站站停都順晒呢段路全部交通燈
(當然係 3A 黨，33xx 閂得門黎爭兩秒已經好大機會輸左)


炮台山地鐵站-邊寧頓街-怡和街都可以順，81 去翻幾年前兜銅鑼灣邊寧頓街三角形位時
每朝如果無乜人係清風街/皇仁上落，基本上可以由炮台山地鐵站起步去到怡和街東行電車總站隔離個燈位先需要再停紅燈


渣華道 ICAC-大酒店-英皇道對出又係可以順，722 渣華道無人落車可以直去到北角官小 (不過 722 都好少可連續幾個站無人落)
529 以前 90xx 年代非繁時由轉入渣華道開始通常可以飛到 5波 (如有 )，加上渣華道/北角官小未必有人落，
如果控制得好 (太古坊盞燈比起則魚涌地鐵站行人天橋盞燈早少少轉)，可以起步轉入渣華道後直衝到培志男童院 (960B 962C 969C 總站) 對面先需要停車


但私家車的士唔俾入 (對有錢人影響輕微 ) 、只得巴士電車行既英皇道東行係明顯差得多
每三盞燈起碼停一兩盞，入夜後甚至停得更多，盞盞都唔順 (聽過司機對話後自己觀察下先驚覺情況嚴重)，甚至轉燈無固定規律
好多時都要巴士電車助跑加埋車輛性能良好先容許到連續兩架車一齊過到燈尾，正常起步下排第二三四既車都係過唔切要逐盞燈停
以前情況都無咁嚴重，係 07 年後開始愈整愈誇張，搭巴士行英皇道亦愈黎愈耐


西行雖然因為無替代品要同有錢人共用馬路所以可以好順，但早幾年有紅小鬥車炒大鑊後加左唔少相機同埋陰濕位
以前由大酒店燈位起步到健康東街係可以岩岩好過到燈尾，係巴士 (特別係模範里無站既隧巴) 飛車景點之一，
呢個位紅小大炒車後加左相機，重連盞燈都難預左，近年再加多盞過路燈俾政府合署返工就慢上加慢
唯獨有一個巴士小巴貨車私家車的士共用既奇位 ---- 606 682 由英皇道至電照街/渣華道幾盞燈，短短幾條內街竟然試過停足晒呢五盞燈 (非路邊車輛阻慢轉彎累事)，誇張到連乘客都頗有微言


西行衰位重有健威花園前路口、糖水道路口、長康街路口、炮台山地鐵站路口前三個有相機
第一個時間比較難預，同健康東街一樣大部分巴士司機寧願碌到紅都好過咁樣
第二個一方面要留意追車客、二黎特別多人亂過馬路同企到好出等過馬路、中快線車速又高，好多時離站都要眼白白等到轉燈
第三個直頭係陷阱，隔離人象燈一眨佢就轉黃，眨三下已經紅燈，巴士停完站起步靠隔離人象燈黎預算轉燈時間好大機會過唔切，有時讓一讓人出站但突然轉燈齊齊急剎亦易生意外，後尾估計應該係太多人投訴先修正翻
炮台山地鐵站轉入油街條隊好多時又會阻著後面電車，雖然西行可以有同時直行加轉右既綠燈時間，但放得幾架轉彎既車電車已經過唔切焗著等第二轉，好多時交通繁忙少少就會變出兩條車龍，一邊係快線等轉入油街，隔離係起唔切步過燈儲出黎既電車龍


看似微不足道既道路調節方針，但小數怕長計，巴士電車咁樣愈行愈唔順，競爭力慢慢遞減，實在難免令人懷疑政府係咪有心出此下策盡量

Cheung Chun kit :相信係估算 300 號巴士正常行車下由總站開始沿彌敦道一帶所需時間
而調較附近燈位令 300 號巴士順燈
以此推斷，如果當年有其他路線站位/客量大致同 300 一樣，只要班司機認著 300 號盡量啄著或者做到差唔多"共同進退"
應該都可以食著條水享受埋順燈
又或者某日因事上客有阻濟，骨牌效應下每個站都儲多左客上客慢左，成程車燈位似乎會特別唔順

即係其實係運輸署set好成條彌敦道順燈, 咁九巴就用呢個Point黎做selling point?

只不過宜家部份路段(例如你所講的港島區)都有呢個安排, 只不過唔再用呢個黎做Selling Point?
還是會唔會關平均車速的減慢(199X年 -> 201X年)而令到就算有呢個Setting 都唔敢大Sell?