事情係咁的, 我的鄰居搬了我家對面數年, 佢地一家有三人, 近一兩年佢屋企的經濟支柱因工作遇上問題, 令她老婆的精神問題再現

到今年她的精神問題非常嚴重, 不知為何十分敵視我和我的家人十分敵視, 經常咀咒, 避開甚至胡亂責罵我的家人, 而且以我所知她搬到我家對面前, 在舊的住所亦經常失控, 甚至試過在家門口向人舞刀

我本身都以為她的家人可以照顧她, 但今年開始不知是否因為事情已變得太恐怖, 四個月來我已經不再在我的住所附近發現她的家人, 在她家門口亦不再聽到她家人的聲音, 我極懷疑她的家人逃走了留低她一個, 令我同家人的精神壓力巨大, 而且我的爸媽都是社會上的順民, 不會做大動作, 甚至報警都不太敢

呢一兩個星期因爸媽出國, 我獨自在家, 令我比較膽心會被她用作發洩的對象, 我老豆都同我講佢會用刀斬人云云, 我其實都唸過直接向管理處投訴或報警比警方處理, 但以現在的情形黎睇, 我直接投訴或報警, 她在冇家人同場的情況下未必受得起刺激, 到時將我斬死我也死得不明不白

當然我不驚動她, 她要在大廈內斬死我亦不難, 那麼在小弟無論如何都要賭上生命的情況下, 大家覺得應如何尋找精神科醫生先幫助她? 當然我知這是她家人的責任, 但因為我不能起她家人的底, 我只能靠警方, 但如上面所說她未必承受得起, 我個人認為先找精神科醫生, 由精神科醫生先制止她再找警察可能會較好, 而且以前我和她兩家都是好鄰居, 我覺得幫一幫她也不為過, 起碼我之後比她斬死也死得明明白白

大家有冇更好的方法提供?

盡量唔好刺激佢係最好嘅方法，因為你唔係專業人士
但如果佢再次去你屋企門口叫囂,甚至攞刀要劈你,你首先鎖左屋企度門,再攞D野頂住度門,防止佢爆門入黎.之後即刻打999 call差人黎救你（通常阿SIR會送佢去小欖）,咁先至唔會傷害到你自己

要令佢繩之於法，守先要引佢落手
之後用樓上嘅方法，報警時要強調佢係有精神問題，懷疑佢係有攻擊性武器
咁差人就會快上到嚟，加之佢係精神病，無人會信佢講野，所你點引佢落手唔成問題

其實唔洗引佢落手，甘樣對你自己係非常危險
你可以報警同警察備案，如果真係既話，警察會去調查同送佢去醫院檢查
畢竟精神病患者難免都有少少跡象，我相信警察亦能夠做出基本既判斷

其實搵精神科醫生都無用
你諗下 如果你癡線既 我搵個醫生來醫你 你會唔會接受?
打死都話自己無病啦 知到你搵醫生 分分鐘佢仲會斬你添呀

報警係唔錯既方法
不過佢係咪真係劈你先?
無喎 你吹佢唔漲架喎
最多咪真係幫你備下案 幫唔到d咩

ching我認為你可以搵d風水師傅睇下 幫你擺陣
唔係真係擺陣 擺少少野 改善下你屋企既風水
既可以幫到自己 又幫到你鄰居
我自己試過 都幾靈 擺左即刻無事

其實我都係suggest你報警先，
如果唔係就咁由個個人係到盞危害到你同其他鄰居既安全。
萬一，真係萬一，
距發起顛上黎你擋都擋唔切。
報警啦，同你爸爸媽媽講話應該做既野就要做。

引佢落手，唔係好難嘅姐
無人話要樓主「以身相許」，可以閂埋門之下，用一啲噪音去irritate佢
當佢發神經巨叫，或者係做出傷害性行為，就可以一Q清，收佢入醫院先

放長綫就吊大魚
好似早幾日有班地產響道纏住，如果我唔引佢入公司範圍，又點可以咁快捉到手～～

先謝大家的回應，

呢幾日我問大廈的看間，原來佢老公都冇離家出走，而且佢成家人比我住個座大廈的住客投訴過N次，不過我唸佢老公都愛莫能助，所以我而家都未選擇報警，驚佢家人壓力爆破時後果可能仲不堪設想

不過呢幾日佢家的習慣有改變，以前個女人從來都唔關緊鐵閘，反而而家日日都鎖鐵閘，而且唔多聽見個女人把聲，似乎女人唔係屋企都唔奇，希望佢可以得到適當的治療啦，如果真的話就可以暫時鬆口氣

講開我父母就真係…… 好在香港仲有d正義之士，否則人人都好似佢倆咁的話，我唸香港變o左第三世界好耐