香港巴士論壇

首先，講下八個月前既情況，當時京畿島發展已盡
http://www.hkbf.org/t439307.htm
以下係八個月前既介紹，當中介紹過既地區都冇點大執過，而當時登記車輛大約有一千幾部
http://www.hkbf.org/t443775.htm

八個月後，因為越起越密，所以重新劃過9個zone同加入中文名
作戰圖：

八個月前介紹過，劃zone既原因係因為巴士路線既編號同服務地區有密切關係，係呢度略略講多次

所有在江南(東/中)、市中心、南大道之間穿梭之巴士，主幹(藍色)及支線(綠色) 巴士路線編號之首兩個數目字為兩邊總站所屬zone，快速(紅色)之首個數目字為 9，其後一個數目字為其中一方總站所屬地區
京畿島、北島、北小島統一使用Gbus，所有路線開首會加上Gbus。若非進入江南，路線號碼無限制。若進入江南，快速巴士首個數目字將為出車總站所屬zone(7/8/9，當中zone 8再細分80/81)，普通巴士首個數目字將為 1 (由東部進入江南)或 2 (由西部進入江南)
機場巴士路線編號首個數目字之必定為 6 (機場所屬zone)，第二/三(適用於zone 80/81)數目字為另一方總站所屬zone，部分公司會於路線編號後加入公司簡稱
長途客車巴士路線編號之首兩個數目字為兩邊總站所屬zone(全版圖適用)，並於路線後加入公司簡稱

一月時曾經介紹過機場交通(雖然部分地方大執過)
http://www.hkbf.org/t467197.htm

今次先講下呢幾個地區既由來

市中心、江南中、江南西為最早發展之地區，路線繁多，但一直欠缺規劃，亦甚少重組路線。部分主幹巴士線曾被政府強制購入掛接巴士清客，所以交通大致暢順。但部分車多地方偶爾亦會出現擠塞。
市內路線路程頗長，唔少線都係由江南西山長水遠咁開入市中心，所以班次十分飄忽(雖然總站有管理開車時間)，中途站拖三拖四閒過食菜，不過大部分路線都可以載曬咁多個客。
市內路線拖卡唔係最差，皆因若果乘客需要前往江北地區，咁祝佢好運，雖然都係拖三拖四，但通常都上唔倒車
京畿島，江北人口稠密地區，市內路線之定線較好，但對外路線一塌糊塗。京畿島路線顯然過份依賴東部路段進出，因地區議會遲遲不興建由中部進入江南之道路，以致計劃最終胎死腹中，最後才於島上興建一條由東至西之高速公路及延長高架道路，讓路線可選擇於西部進出，才稍為平息民憤。

京畿對外路線長期積客，各公司只能瘋狂加車及開辦特車路線清客，但車流過大以致江南地區議會下令封殺，幾經商討後才定出以下規條：
- 除非事前申請加班，否則路線最多只能使用配額 50 部車
- 擁有特車之路線最多只能使用配額 80 部車，而特車路線最多只可停靠 10 個車站(來回計算為一個)
- 檢討派車時，若有空載車輛，會即時減班，而加班時載客率需大於 85%，加班而超過配額時需大於 90%
這兩項規條，對快速巴士之派車大受打擊，因其使用車輛載客量只有 48 人
北島，於京畿島之東北，其最大特色為兩條跨江大橋，成為進出該地區之唯一高速公路。

北島開發時，市內路線極少，但卻拆分為兩個zone(8/9)。而居民數量一般，吸引唔倒普通巴士公司開線，更加唔駛諗塞車同上唔倒車，但卻令一眾長途客車公司虎視眈眈。
幾經發展，加上開發北小島，兩條大橋之交通流量已趨近飽和。
北小島既發展其實係有一段歷史。早係北島剛剛開發既時候，地區議會部分成員曾經提議機場興建於此，連草圖都畫好，但最後由於距離江南地區太遠，於公路建成後剛好夠票遭到否決，機場最後起左係江南既人工島上，北小島就變成得兩條路既平地一塊，繼續封塵之後有發展商建議填海，並發展高級豪宅所在地，先至令北小島有機會重生。
而北小島既zone number更係離奇。有傳地區原先預留zone 6俾北小島，但最後俾機場霸左黎用之餘，又冇多餘數字，所以強行拆開zone 8為zone 80/81，不過舊有巴士路線就冇跟住黎改。當地居民唔明白點解唔將zone 9俾北小島使用，令唔熟路既人成日搭錯車咁話喎。
如果留意下北小島既公路，其實好有通往機場高速公路既感覺
機場起左係一個人工島上，唔講既我諗冇咩人會估倒個一個係機場。
北小島既故事，就係係呢度延續。北小島距離江南好遠，但佢既最大好處係夠大，當北小島機場計劃被否決前，否決議員一早得悉要係江南搵個地方俾飛機升降，又要夠大既地方係十分困難，於是提議起人工島。由於成本高昂，所以起得好細，連接駁道路都要玩層層疊，出入口更經常塞車。

後勤區更係一片草地，發展之期未定。
南大道係江南既最南處，堪稱發展得最快既地方，亦係配套、定線方面做得好充足。由於鄰近高速公路，所以得到兩間長途客車公司支持，將總部設於此。亦因為鄰近市中心，部分巴士路線改為途經此地。而客車設造商亦將車廠設於此處。