正因為唔食狗肉唔係一種宗教,禁止食狗肉嘅行為背後先欠缺一個神性嘅立法基礎。我之前已經解釋過「多數人鍾意狗」唔代表「狗係所有人類嘅忠心朋友」,更唔代表「狗係香港人嘅忠心朋友,所以大陸人都唔可以食狗」。如果因為自己所身處嘅社區視狗係神聖嘅動物,而要求其他社區都當係神聖嘅動物不能烹之,咁樣係非常自我中心嘅思維。我之前都講過,你當狗係忠心嘅朋友,牛耕農民夠當佢隻牛係忠心朋友啦,點解當大家提倡唔可以食任何狗肉嘅時候,對牛耕農民嘅愛牛之情又視而不見呢?呢種係唔係叫「文明」呢?點樣屠宰動物先係人道,我覺得可以斟酌,但狗係咪一定唔可以食?我覺得絕對唔係。
申報:未食過狗肉