魔法先生 Super Bus :依家D巴士迷, 冇救啦!!

九巴唔該快手快腳立即全冷聽日唔好再出熱狗,
所有熱狗聽日起全部封車唔再出街,
我唔想再見到依家D巴迷咁癲法, 我受夠啦!!

根本上而家全冷, 個班癲佬真係覺得自己係拎正牌出去生事,
其實我真係唔係好明點解佢地坐車都要叫囂 ?
有意思咩 ?

完全都唔知佢地個心諗乜, 莫名其妙
坐車就坐車啦, 嘈嘈嘈 .....

咁大個人都可以咁樣落自己面,
我自己就做唔出, 如果我係佢, 而家直情要搵窿捐

檸少 :

UCR683 :此事反映出本港的自由行動環境，造就狂熱巴士迷現象。
這些在受保安環境限制的中國內地、新加坡，狂熱巴士迷現象實屬少見。

我又覺得如果要拉到去中共同新加坡既家長式管治，未免過火左。
始終我相信害群之馬只係交通迷人數 2-3% 左右（雖然都好過份），你提出呢個 POINT，會唔會代表你贊成呢類型管治方式？

如果係，我對你失望了，因為香港既一國兩制就係毀在同你思想相同既人手上。

唔係講笑, 我依家有時真係覺得呢D瘋癲巴迷真係要用新加坡果種家長式管治方式先至可以攪得佢地掂,
最好果D巴迷全部的哂去打籐佢地先至知道個衰字點寫嘅!

再咁比佢地咁攪法容乜易下次成架巴士都比呢班癲人推翻o架!!

AVD1 :根本上而家全冷, 個班癲佬真係覺得自己係拎正牌出去生事,
其實我真係唔係好明點解佢地坐車都要叫囂 ?
有意思咩 ?

完全都唔知佢地個心諗乜, 莫名其妙
坐車就坐車啦, 嘈嘈嘈 .....

咁大個人都可以咁樣落自己面,
我自己就做唔出, 如果我係佢, 而家直情要搵窿捐

唔知係人大左對巴士冇以前咁熱情定乜, 依家我都冇乜特別去追巴士影,
就算我依家喺香港, 講真我真係冇乜心情特別因為九巴熱狗就嚟全退而特登走去做追狗敢死隊,
因為真係冇任何理由令我去咁做, 退咪退囉, So what?
當年九巴珍寶雞車退又唔見我去追!? 坐過影過咪算囉,
唔洗因為佢地就嚟退而突然熱情起上嚟特登走去追狗呱!?
因為去追狗做埋D不知所謂嘅出位所為令人側目乞人憎甚至見報惹官非, 唔值得嘛!!

我覺得D人(巴士迷)係咪一定要係尾班車先來，坐早一班熱狗係咪唔得先，整到D人又要大吵，整到個氣氛壞曬

GX7824@74x :我覺得D人(巴士迷)係咪一定要係尾班車先來，坐早一班熱狗係咪唔得先，整到D人又要大吵，整到個氣氛壞曬

佢地覺得最後一班搭到先能夠真正叫做歷史一部分
呢樣野就同好多人點解要搭最後一班 70、頭班入日出康城既將軍澳線地鐵、
最後一晚企九龍城屋頂見證啟德機場關閉，本意係冇問題

我自己都有搭過兩鐵合併前最後一班九廣鐵路列車，
不過當時好似一切非常安好，除左部分人走出月台黃線外，基本冇 D 唔自愛、大吵大鬧、訓落路軌咁。

只係班人唔自律，大吵大鬧、衝出馬路、集體狂奔（仲有其他不能盡錄）等等行為，
佢地唔自愛然後再影響他人，問題就係呢度。

要解決基本方法，就係聽朝九巴宣布所有路線已經於五月三日開出最後一班熱狗，搞掂。

GX7824@74x :要解決基本方法，就係聽朝九巴宣布所有路線已經於五月三日開出最後一班熱狗，搞掂。

九巴投訴熱線一定超級繁忙

我覺得呢D巴迷, 醉翁之意不在酒,
只係借"最後熱狗"之名,
係車上開PARTY為實~

否則, 點解釋佢地係車上, 係又叫唔係又叫?

PV9689 :九巴投訴熱線一定超級繁忙

投訴咩o者，到時候真係出事，邊個負責？

其實到咗咁既地步，俾著我係老九，一早已經冷代熱或者收車算數；反正做又唔係，唔做又唔係

teddybus :事先聲明, 無睇過有關video, 都無睇過段video既comment
星島個一句 "批評巴士迷的行為影響其他乘客，九巴應加派工作人員維持秩序，亦應加開巴士，接載未能登車的乘客"
其實係咪只係引述網民comment?

HB 9238 :星島

http://hk.news.yahoo.com/%E5%B7%B4%E5%A ... 41010.html

...
其間有目擊者將過程拍下，並把片段上網，題為《30X最後熱狗-蕪湖街巴士迷與市民發生爭執》，有網友批評巴士迷的行為影響其他乘客，九巴應加派工作人員維持秩序，亦應加開巴士，接載未能登車的乘客。

九巴發言人表示，無收過有關事件報告，全港仍有二十五輛「熱狗」巴士服務九條巴士路綫，至本年中將全面退役

問題在於咁多段唔引，係都要引呢段
仲要係一段唔依事實既評論 (獲嘉之亂片段最後係有部冷馬趕到上客既)
就算星島個記者冇預定立場去寫篇文都好，唔睇清事實亂咁引文已經有問題

不過報紙寫錯嘢已經司空見慣

PV9689 :

GX7824@74x :要解決基本方法，就係聽朝九巴宣布所有路線已經於五月三日開出最後一班熱狗，搞掂。

九巴投訴熱線一定超級繁忙

大熱天時邊有人咁得閒投訴無熱狗,
係得巴迷先會投訴,班巴迷如果到last day前夕投訴無熱狗,咁點解自己唔一早坐呢?
係都要等最後先安樂,行為無異常就話無所謂姐,行為異常個批不如攬住堆熱一齊湯埋la

PV9689 :

GX7824@74x :要解決基本方法，就係聽朝九巴宣布所有路線已經於五月三日開出最後一班熱狗，搞掂。

九巴投訴熱線一定超級繁忙

其實就算果晚有出熱狗
九巴投訴熱線都同樣超級繁忙la, 君不見一班上唔到車既人鬧站長, 喝司機, 再不斷投訴希望人地冇左份工
合理既投訴都話值得阻下投訴熱線d 時間, 但呢d 無聊兼無謂既投訴, 阻到幾多真係有須要使用熱線既市民?
雖然話平時都唔係咁易打得通, 但都唔係咁樣阻人地時間lo

熱狗曾經叱咤香港數十年, 隨著時代變遷, 熱狗最終於今年全面淘汰
可惜巴敗唔珍惜熱狗最後時刻, 反而爆粗, 爭位兼叫囂
真係衝出世界
正如阿寶話齋: 人類總要重複同樣的錯誤

終於上報 ... 上得好 真係上得好
呢個問題一直存在 本身都好地地
今次搞到咁大件事 可以話係咎由自取

好啦 巴敗們(下稱傻仔)
而家搞到全香港人都知道你地既衰野
除左恭喜之外我都唔知講咩好

仲有既係 人地九巴老奉出架熱狗俾你架?
你估你而家租左架車開 party 呀?
你班傻仔真係有問題
自己上唔到車仲要發老脾
自己開門 阻住架車走
指住外勤人員大聲問候
真係覺得自己大哂?
上唔到車就係咁鬧鬧鬧鬧鬧
想點呀?人地打份工姐
洗唔洗幫你奶埋鞋底呀

對住你班傻仔真係冇眼睇
自己種既因就有自己種既果
而家搞到上哂報真係好心涼 抵死 !
搞到神憎鬼厭亦都唔怪得邊個

好老實講我一早已經對呢班傻仔死哂心
好慶幸自己曾經o係幾年前既巴士迷界活躍過
舊日既巴士迷好明顯係同呢班傻仔確確實實係截然不同
唔會隨便大叫 講粗口 包車開party
一片和諧既氣氛下 經歷一次又一次「歷史時刻」

叫你地好好反省下?
我已經對呢班人死哂心
繼續落去 巴士迷 同 暴徒、痴線佬 中間
就會劃上等號既關係 臭名遠播
雖然唔係好想見到呢件事
但好遺撼我覺得呢樣野 似乎已經發生緊

唉 ... 巴士迷
我都唔知講咩好

利申 : 因翻工關係 , 近排所謂既「歷史時刻」, 即係全冷前最後一日有熱狗既「盛會」, 我一次都冇去過 , 亦都唔想去.

* 以傻仔稱呼巴士迷,可能太過粗俗. 但好遺撼,事實如此. 注意警告停板,悉隨專便.

JG 413 :
利申 : 因翻工關係 , 近排所謂既「歷史時刻」, 即係全冷前最後一日有熱狗既「盛會」, 我一次都冇去過 , 亦都唔想去.

* 以傻仔稱呼巴士迷,可能太過粗俗. 但好遺撼,事實如此. 注意警告停板,悉隨專便.

為左呢班人而收"注意警告停板", 唔值得ar

講開以前, 好似AL1 臨退前既一段時間, 事實係都會有人叫, 有人追車
但係好次今次咁追到出晒馬路欄車, 開人地尾閘搵娘親, 拍車門, 起車上面大叫, 呢d 真係以前唔會見得到
果陣AL1場面都好熱鬧, 巴士站一樣企晒好多人, 但果陣真係唔會聽得見咁多負面野lor

點解我係咁講AL1? 老實講我玩巴士咁耐, AL1臨退之前果段時間, 真係我玩巴士玩得最開心最投入既時間,
坐AL1遊車, 影AL1, 都留比我一段段美好既回憶.......
但近排熱車果d 失控情況, 即使比你去到告別, 尾班咁又點?
我唔認為會留到好既回憶, 將來諗返, 可能只有一段段既污點.......
可能大家會認為自己只係熱情, 而唔係失控
但用旁人眼光去睇, 根本就嚇親人~! 熱情, 都要識得去控制自己, 而唔係咁樣大吵大鬧

"將快樂建基於別人既痛苦之上",巴X們,你地係得既.....

讚成即刻實行全冷,鬼叫你地班巴X們搞到咁出位,宜家玩過火啦...開心啦??
多得巴X們唔識自制,變相間接侮辱晒d守規矩既巴士迷.....
"弟"時拎機出街影巴士,都唔知有冇機會隨時比人"問候"或閒話,影到巴士都唔開心啦....

到時"白板"退役又唔知會唔會又黎多一次"熱狗番版"....

小天使EH4420 :我覺得呢D巴迷, 醉翁之意不在酒,
只係借"最後熱狗"之名,
係車上開PARTY為實~

否則, 點解釋佢地係車上, 係又叫唔係又叫?

係咁仲自私, 果D "鴨巴癲" 真係以為架車自己租起左咩!!