#1
早上９點出發，飛馳吐露港，一直到粉嶺既九龍坑山腳入口，
起側邊既行人天橋再影下相，正式開始我想玩好耐既九龍坑山之旅了！
原來由孖橋踩到大窩都只係４０分鐘既事, 起大窩行人天橋上望望大窩既田園景致
大榕樹下的單車
一開始，斜度好大既上山斜路正式向我挑戰，用盡十飛，岩岩好上到
之後一直到山頂既路，才是真正既開始！
起網上搵過資料，知道九龍坑山雖然係On road既路，但路況遠比網上講既更差
路面爛，多沙泥，斜度亦都非常大，即使將自己重心傾向前，發力時都係會感覺到向後翻
但咁樣既路先似係比ＭＴＢ玩ma！！
始終距離比大帽山短，體力未消耗，但有ｄ路段寧願落車推，來得比踩安全
最終上山既路用左一小時左右就到達山頂！
上完第一個斜路影返張粉嶺既相先
好舒服既景色
大窩，甚至林村, 一整片平原都望到
好斜既上山路段, 但影出黎又唔覺話好斜
終於見到九龍坑山既牌了
上山沿途都係以粉嶺既景色為主，到達山頂後，粉嶺消失了
見到既就係整個吐露港，整個大埔既景色，
而且山頂既風好大，上山時既悶熱感覺一掃而空！
再起山頂影下相，吹下風，唔覺唔覺半個鐘^^
之後就沿路落山了．．．
山頂上面既建築物
我想講．．．我架車係叫GIANT, 唔係叫沙螺洞囉
![[sosad]](https://hkbf.org/images/smilies/icon_sosad.gif "So Sad"){kind=icon}
踩到上山頂了, 下面既山路係衛奕信徑
鄉郊群村
好似幾崎嶇既衛奕信徑
山頂遠望大埔廠
整個大埔既景致
落山既路，真係比起大帽山危險得多，上山時會有向後翻既感覺
同樣落山都有向前"中"既感覺，整段落山既路我都唔敢太快
雖然話就話唔快，但都keep住二十幾三十公里咁落！
冇辦法，斜度實在太大，我點煞車架車都係唔識停，過沙地時仲打滑左幾次
而且落山時仲要不斷避地下既爛路，一個唔留心分分鐘比爛路ＫＯ
最驚險就係轉完彎即刻見到有對頭單車，差ｄ炒埋一碟，好彩佢避到，我就真係唔知點先收到=.=
還好對頭既只係單車呢！如果係私家車之類，相信真係撞落去．．．
起到影完, 就開始落山既路了
真係煞車煞得太勁, 免得會燒碟, 停低比架車抖下先
抖果陣既群山風景
涼亭!
最終驚險既落山衝斜行左２０分鐘左右出返山腳！
又再沿路返吐露港，飛馳到屋企，玩完成朝，下晝又出得街了 ^^
話咁快落到山腳，回望九龍坑山
後記：上到山頂, 一幅大埔加吐露港既全景的確扣人心弦, 望住不斷上落既崎嶇山路, 即刻有癮想搵次用雙腳行落去
不過真係好無奈, 放假次次天氣都唔太好, 想要見到既藍天白雲, 尋日冇, 反而今日有
上九龍坑山既路, 雖然辛苦, 但值得再去！
ＴＨＸ ＦＯＲ ＲＥＡＤＩＮＧ
![[photo]](https://hkbf.org/images/smilies/Photo.gif "傾偈無圖無偈傾")
