手機廢相, 睇完請洗眼^^

馬鞍山既昔日礦場遺址, 話咁快又幾年冇上過去了
至於踩單車上去呢, 中學之後都冇再踩過上去, 計返既話都有10年冇踩過上去了!
上山既車路, 比梅子林既路長同斜, 但上山路段都唔算太辛苦
20分鐘上到燒烤場, 30分鐘上到礦洞口, 但係落山只係5分鐘既事
最終都趕得切天黑前返到屋企!

山腳起步!

經過一段幾靚既車路, 正式進入上山既車路了
話說對上一次踩車上山, 果陣T7公路都仲未起, 感覺上都係舊既車路好玩D

唔覺唔覺到燒烤場了

過左燒烤場, 繼續行車路上山
夕陽．其實橋下既景色唔錯既

上到咁上下, 見到車路左手邊有一個石膊, 入面係雜草堆
其實呢到就係240礦洞既入口了


講返礦洞口, 幾年冇上過去, 今次上到去, 情況又再比幾年前差了
⋯⋯ 入礦洞口既小路, 生滿雜草, 其實唔好講踩入去, 行入去都難
不過我都係選擇左夾硬踩入去, 雖然只係短短幾十米既路
但已經比側邊d 雜草界傷了! 去到礦洞口, 竟然封住洞口既閘成個拆左出黎
雖然冇行埋去睇有冇新閘起入面, 如果冇, 入礦洞探險又容易左啦~!
至於礦洞附近既環境, 感覺同以前都好相似
礦洞內不斷有d 雜聲傳出, 四周環境又寧靜得令人心慌,
感覺上世界好似得返自己咁, 其實自己一個, 企得耐都有少少不安
影左3,4張礦洞口既相, 全部都手震收場, 最終都係走人算了

240礦洞口


其實馬鞍山既礦洞唔止一個, 不過自己知既都係得兩個
一個240, ja係相入面果個, 另一個起山下面既110,
除非再入礦洞探險起110出, 如果起車路邊入, 似乎已經再冇機會上去了
兩邊既雜草又高又密........

.......嗯, 不過今次上完去, 我又起癮想入去玩多次呢 XD

ＴＨＸ　ＦＯＲ　ＲＥＡＤＩＮＧ