請問是利用甚麼方法把巴士的車速固定在70km/h左右？
鎖速是何時才出現的？
這樣會不會對巴士本身的性能有所規限或損耗？
曾經有甚麼車種不曾試過鎖速？
感謝各位師兄解答！

ME係咪冇鎖？

AM冇鎖

cx507 :AM冇鎖

後來唔係鎖番咩？

FB4748 :請問是利用甚麼方法把巴士的車速固定在70km/h左右？

鎖油門－部份巴士使用電子油門，當巴士行駛至某個速度，電腦就會cut油，避免增加車速。
鎖轉數－當巴士行駛至某個限定轉數，電腦就會限制引擎運轉速度，防止巴士超速。

FB4748 :鎖速是何時才出現的？

98年1月30日，一架城巴(870)係杜老誌道天橋轉彎時，因為超速而翻側，做成5死58傷。
自此之後，運輸處下令全港專利巴士鎖速，以免因超速而反車既車禍再發生。

(有錯請指)

好耐好耐以前鎖速方法係(1)搵野墊高個油門等佢上唔到原本既極速(例如中巴個別車輛可以因為咁鎖到得返50幾)
但因為墊高油門=畀少左油=限制架車本身既馬力輸出，又限制引擎轉數範圍，於是上斜可能會變到龜速，所以而家唔用呢種方法

之後又有方法(2)，喺引擎到達某個轉數(如2100轉)就cut油，多數喺用Voith 3波波箱既康偈車見到，但大前提係當副偈上到cut油轉數時架車一定要去到指定車速先至有效
而家多左個方法(3)，當架車一到左某個車速就cut油，唔使理引擎轉數
因為而家新車個波箱都有overdrive，行緊70嗰時副偈可能得1300-1500轉
用方法(1)(2)既缺點已經講晒，顯而易見，故此唯有用方法(3)

所謂既cut油係當引擎到左某個轉數，或者架車過左某個車速嗰時，有樣野會慢慢唔畀個油門打開，過晒個目標車速/目標轉數嗰時油門就閂到最細
於是不論油門腳掣踩到幾深，個油門都係開唔到
喺B9TL、AMN會聽得好清楚，譬如搭緊961行緊西九，跑到70嗰時turbo聲會慢慢收細，到架車keep住70均速行緊個時turbo聲得返唔係好多，反映油門已經收細左，到keep 70落斜嗰時不論你點踩油你出車尾都唔會聽到turbo聲，反映油門已經閂到細無可細
從以上情況可以見到鎖速其實只係控制畀幾多油副偈用，於是只能控制行平路極速，落斜係鎖唔到速
所以你有時搭城巴6頭豪行屯公落斜係仍然可以片到八十幾九十都重有貨去(如果個司機唔踩brake既話)

但ME既鎖速比較特別
九巴當年80年代重未有鎖速呢個concept，而且屯公嗰時啱啱通車個個都想快
加上ME初初落地嗰時用細尾牙+240匹既引擎，極速於是玩玩下玩到有九十幾一百(平路極速)
到後來要鎖速嗰時，ME先係畀人降低馬力，再畀人換大左隻尾牙，極速因為副偈2200轉cut油，於是極速得返70，個別甚至得返六十幾，即係唔只用方法(2)

坊間一直有傳鎖速會令架車增加損耗，其實就睇你點鎖速
如果係好似ME咁樣換大尾牙逼副偈上到cut油既轉數，咁就會有問題，因為cut油轉數一定有返咁上下高，長期高轉可以令引擎損耗增加，同時亦會徙油
但如果係淨用方法(3)就冇可能，因為咁樣鎖速只係限制用油
而且如果架車上到目標車速嗰時副偈行緊中轉/中低轉既話，反而會慳左油而且無影響損耗
但AM呢個特例就......樓上講左，不贅。

其實為甚麼不能把速度放到80km/h？
往往在公路上看到那些長征兵士如270A、261、276A、278X等都好像十分勞累，有時候又會製造車龍，讓交通不順暢。
80km/h好像是一個比較合理的行車車速……

無記錯係法例限死重型車上到高速俾盡只係70kmh

Naphthalene :跑到70嗰時turbo聲會慢慢收細，到架車keep住70均速行緊個時turbo聲得返唔係好多

俾啲心機聽真啲
或者有機會座276A BWU

ATE12@KY7641 :

Naphthalene :跑到70嗰時turbo聲會慢慢收細，到架車keep住70均速行緊個時turbo聲得返唔係好多

俾啲心機聽真啲
或者有機會座276A BWU

可能係我講得唔清楚
我想講，個司機如果喺架車平路行緊70個陣重畀油，係有turbo聲，不過細聲左
唔係話冇
呢個係我憑十幾年黎搭MAN同搭B9跑屯公同西九既經驗講既

咁我想知行全油壓既車（like Allison）係用車速鎖，定根本鎖唔到，thx

飛鏢都鎖到70架
一樣可以用電子油門
係AM先天生異稟連冷氣都鎖埋之嘛

Naphthalene :

ATE12@KY7641 :

Naphthalene :跑到70嗰時turbo聲會慢慢收細，到架車keep住70均速行緊個時turbo聲得返唔係好多

俾啲心機聽真啲
或者有機會座276A BWU

可能係我講得唔清楚
我想講，個司機如果喺架車平路行緊70個陣重畀油，係有turbo聲，不過細聲左
唔係話冇
呢個係我憑十幾年黎搭MAN同搭B9跑屯公同西九既經驗講既

其實係冇細聲左
只不過冇人會明知鎖速仲俾地板油
叫你座276A係因為有幾條斜路會令司機跑到70嗰時仲俾地板油

heihei107 :

FB4748 :請問是利用甚麼方法把巴士的車速固定在70km/h左右？

鎖油門－部份巴士使用電子油門，當巴士行駛至某個速度，電腦就會cut油，避免增加車速。
鎖轉數－當巴士行駛至某個限定轉數，電腦就會限制引擎運轉速度，防止巴士超速。

FB4748 :鎖速是何時才出現的？

98年1月30日，一架城巴(870)係杜老誌道天橋轉彎時，因為超速而翻側，做成5死58傷。
自此之後，運輸處下令全港專利巴士鎖速，以免因超速而反車既車禍再發生。

(有錯請指)

初代的電子油門鎖車方法是有得破解的；睇過外國 VDL 某型號既巴士操作手冊 (電子油門)
如因交通需要而想暫時解鎖，可以使用 kickdown 掣
估計早年其他品牌用電子油門既巴士都可以用類似方法解一解鎖，例如城巴 6xx

近一兩年搭過某架全程係西九鎖 5波中轉，去到葵涌時俾一架霸著條行車線但車速得 6x kph 既私家車
城巴司機睇到隔離線無車，就打燈、k/d
(城巴 ZF 富豪標板例如紅柱 6xx、部分 13xx，其他公司或者其他富豪可能無駁電或者取消左盞燈)

2. 個盞，唔同型號既呢盞燈有少少分別，城巴 ZF 個堆就係 k/d 時會著，翠綠色 (指揮燈係黃綠色)
架車即刻突破到 5波中轉，話咁快已經 80+kph
過完架私家車後鬆油等架車跌翻去 5波中轉再踩翻 (無 k/d)，架車就一路鎖翻 7字頭直到行完成條公路
之前隔離板講起都有板友搭過係吐公爬車時可以短暫上到 8字頭，都係呢種方法
Dennis 車唔知得唔得，舊年暑假工返機場，搭 A11/A12 (尤其 A11) 班人硬係可以最少爬到一架城記或者龍運
(當然另有一大原因係一般情況下唔係個個司機隻腳都會全程踩著唔收)

但相信唔係架架 work，一黎唔係架架車有 k/d 掣 (可以停用個功能)、有掣可能係壞、或者改過電腦程式



鎖轉數應該好早期已經有，或者正如樓上所講鎖油渣泵
一架車機械性能如果夠用的話實在無需下下谷盡晒，適當限制輸出可以使機器免得操勞過度同水滾
鎖轉數亦唔一定只限用於鎖速，亦可以係防水滾同埋避免徒油
舊年搭過城巴 1353 行 M47 (執過後無耐)，全程都好好力，但鎖 3波上斜去到綠區尾就開始截油，turbo 聲收細，成架車停止加速
轉 D 掣落 4波後反而可以繼續加速

FB4748 :其實為甚麼不能把速度放到80km/h？
往往在公路上看到那些長征兵士如270A、261、276A、278X等都好像十分勞累，有時候又會製造車龍，讓交通不順暢。
80km/h好像是一個比較合理的行車車速……

咁只係本港駕駛法例長期落後外國多年同埋駕駛態度問題

幾十年前既車剎車距離長，同埋車輛/道路無咁多安全措施，限速 70 都合理 (再講，當年性能上都唔係太多重型車有咁高速)
時至今日，機件性能已不斷改良，剎車距離已經改善

不過正因為交通法例唔成熟，同埋運輸業太多害群之馬經常挑戰駕駛極限，先至搞到今日咁
英國近代出牌既巴士法例係鎖 96kph (巴士公司一般視乎需要自行鎖到 7x-8x kph) 的，而英國路面除左主要公路外
其餘路面絕不比香港靚同闊，但個邊班人快得黎駕駛態度同意識又遠比香港好，呢樣亦係重點

Naphthalene :飛鏢都鎖到70架
一樣可以用電子油門
係AM先天生異稟連冷氣都鎖埋之嘛

全油壓波箱雖然無 lock-up (直結波)，但波段極速一樣受波牙、尾牙、車轆大細同扭力轉換器倍大比率影響
歐二 Dart 同舊 Dart 比雖然把聲似、波箱一樣，但前者尾牙較大，極速都會比較低

AM 一樣可以用上類似方法鎖速，換大尾牙同時降低整體輸出就可以做到鎖速同時唔影響其他野既效果

ME 好耐之前聽過話副偈其實比較大食，因此相信換大尾牙後本身成批車有好多部應該連整體輸出都被大幅調低
上網睇翻好多晚年 ME 加速片段見到批車完全稱唔得上快、輕盈，性能明顯比悉尼個批單層但輸出較低既版本差 d