巴士港鐵搶客 紅Van搵食難牌價跌
【本報訊】港鐵、巴士和小巴的惡性競爭越來越嚴重，紅色小巴（紅Van）首當其衝。有紅色小巴線被巴士延長路線搶客，車隊原本約40架減剩20多架，每架車更少走一兩轉，班次大幅減少，市民搭車要多等逾十分鐘。業界指紅色小巴經營日益困難，牌價已由一年前746萬元高位，大幅下滑至現時660萬元，跌幅超過一成。 記者：胡仲邦
的士牌價今年屢創新高，近日更突破600萬元。惟牌價升跌一向與的士相若的小巴，卻不升反跌，主要是生意難做，被巴士搶客，不少路線虧蝕停辦或大幅削減車隊。
根據運輸署統計數字，紅色小巴牌數目由2007年1,444個，跌至今年中的1,274個，五年間減少140輛紅巴行駛。至於專線綠色小巴，去年至今共18條路線停辦。
行走灣仔至荃灣12年的紅色小巴，便被城巴930西隧線（灣仔至荃灣）搶客，運輸署批准該線由上月起，將金鐘總站遷往灣仔碼頭，又在灣仔加設兩個分站，令紅色小巴生意大受影響。
部份路線幾近重叠
營運該紅巴線公共小型巴士總商會灣荃分會負責人梁偉基指，兩線幾近重叠，惟巴士車費16元，比小巴便宜一元，「俾巴士搶走咗啲客，每架車做少咗一轉，每日做少咗百幾二百蚊生意」，車隊由20架縮至15架。
梁表示，巴士加分站，表面上乘客有更多選擇，其實候車時間更長。「小巴每轉車頭九個客嘅車費，用嚟畀油錢同隧道費等費用，第10個客先係司機袋。一定要等夠客先開車，本來10分鐘一班，家起碼要15分鐘先開車」。
去年該城巴線亦曾成功申請改道，搶紅色小巴生意。的士小巴權益關注大聯盟主席黎銘洪表示，930巴士去年在上環皇后街加設分站，又在繁忙時間加開兩班特別車，即時打擊一條行走西環至荃灣的紅巴線，「巴士一程載走百幾個客，小巴即刻少咗兩至三成生意。以前呢條線有大約40架車，家剩番廿幾架」。
僅通宵線生意較好
黎指，近年數條鐵路開通搶巴士客後，巴士經常申請改路線與小巴搶客，「巴士畀港鐵搶客，生意變差，見邊條小巴線賺到錢，就搵區議會幫手，加個巴士站同增加班次」，運輸署偏幫巴士，令小巴經營越來越困難，「依家只有夜更通宵小巴生意較好」，他拒絕評論牌價是否仍會下調。
香港大學城市規劃及設計系助理教授張峰指，運輸署主力發展鐵路和巴士，小巴只處於從屬位置。如個別區域需求增加，便引進新巴士線，小巴無可避免成為犧牲者。
__________________________
如果話要救紅小，不如就咁改灣荃做銅荃
最少客源有保證
當然個班次要做番好先啦
灣荃其實自己知自己點死架 (唔夠車)
![[sosad]](https://hkbf.org/images/smilies/icon_sosad.gif "So Sad"){kind=icon}
