鳳凰．觀日，大自然的精彩演出．最令人心動的雲海日出！


又黎放３日假，黎到第２第３日，連續玩通宵，唔好比佢停！！！
去完地質公園，睇過六角柱石，行左幾個山頭，玩到好攰，一大覺訓到天光
黎到20號，體力回復返唔少，再黎實行今個８月預定既行程．鳳凰觀日！

出完一日街，到夜晚時間就入到黎東涌，食過晚飯，大家就開始傾起步點
最終決定搭的士上到昂平再起步，夜晚黎到昂平，有一種幽深既感覺，
雖然只係晚上９點左右，但四處冇人，成個地方就只得我地幾個，
靜靜地走到心經簡林，終於聽到人聲了！

DSC07622.jpg

走上心經簡林，原來係一班影星發燒友起到追星，晚上既心經簡林
光害很少，整個夜空都可以清晰望到大大小小既星空，經過呢班發燒友既指示
原來８月既夜空，可以望到整條銀河星團，佢地一群人用著一堆單反相機
輕易地就將整條銀河拍下，反觀我地就只係用ＤＣ機，算係免免強強咁影過
但係親眼看到既銀河，原來真係好靚！相比起萬宜觀日既星空，
呢到天上既繁星真係多得誇張，完完全全將萬宜比下去！

DSC07625.jpg

起簡林影完星空，互相分享過自己既作品，我地就暫時道別，
開始我地正式既旅程！以前萬宜觀日夜行車路，心情真係輕鬆得多
而今次就真係真真正正咁夜行山路，心理上出現一種無形既壓力
雖然今年年頭都行過一次鳳凰山，但日頭同夜晚既山路分別實在太大了
世界就似只剩我地幾個一樣，夜晚走左一陣，唔覺唔覺就已經走到天梯
回頭一望，遠方金光閃閃咁，望真ｄ原來遠處就係澳門！之後繼續走上天梯
中途都見到唔少小動物，晚上既鳳凰山生態真係好多姿多采！

走過天梯，感覺上好快就上到斬柴坳，好快就到山頂了，黎到山頂，
周圍竟然都冇霧氣，山下一幅東涌機場既夜景真係好靚，雖然山頂都黎過一次
但咁開揚既景觀就真係第一次見，起山頂上，亦比起簡林下見得到更多繁星
不過山頂上真係太大風了，大家最終都係要走入避風站坐下，食下宵夜，
當大家都關上電筒之後，忽然聽到避風站內有其他聲音，開燈一看，
幾隻老鼠就起身旁，嚇得大家都走出避風站外，最終站內比老鼠佔據左一晚了
不過企起亭外睇老鼠，原來並唔係想像中咁可怕，望得耐反而覺得佢地可愛
最終冇得起站內休息，走到標距柱邊坐下，又見到有一隻好得意既生物．
竹節蟲，之後，濃霧黎到，夏天炎熱既氣溫，起山頂反而十分寒冷
原本諗住落雨先用既便利雨衣，成為了大家晚上既保暖衣，大約零晨過後
其他觀日出既遠足朋友都上到黎了，晚上既鳳凰山頂變得熱鬧起黎，
大家都傾談達旦，等待日出，起山頂既夜晚真係毫不無聊！




大約等到5:30AM左右，深沉既天色開始變得光明，大家都開始擺好相機
一致將相機對準東面，不斷既等待，遠方開始出現一層層紅色既霞彩
夾雜著清晨山間的霧氣，鳳凰山既日出層次甚為分明，等到6:03AM
呢個天文台公佈既日出時間，天色終於明朗起來，但一場比較大既霧氣
亦隨風而至，正當大家都失望既時候，山頂既霧氣消散左，
反而山下依然重霧深鎖，太陽亦從濃霧間出來了，拍下來既照片
就似起飛機上影到既一樣，大家都站起雲霧之上，此刻既景象實在太感動了





過左一陣，太陽光線終於可以令人感覺到熾熱，山野間既雲霧亦開始消散
一陣陣薄薄既煙霧伏起連綿既山脈之上，此刻既太陽光線太猛了，
唯有捨棄太陽，只將山間既煙霧拍下，一層又一層，山間與雲霧完美的配合
又一種令人讚嘆既自然力量吧～！此時部份既行山朋友開始離開了，
回頭一看，一道小彩虹就出現起背後既山下，大家都不忘為它拍照
之後大家都離開了，山頂上又再次剩低我地一少隊了，大家整晚都冇休息到
等到另一次既濃霧，我地亦都帶著疲倦既身軀，落返昂平了．．．
落山既路實在走得太辛苦，但中途既另一道彩虹，算係大自然專為我地送上既獎勵吧～！






後記：
《鳳凰．飄渺》作為了今年第一次既遠足旅程，行程過後，即時就計劃
決定今年一定要黎一次《鳳凰．觀日》，不過見過網上不少既日記，網誌
都記載著唔少失敗左既鳳凰觀日，整個日出都起濃霧之下完結，
甚至見有人講過自己上左幾次山都未能欣賞日出既"慘痛"經歷．．．
所以今次既鳳凰觀日，實在係同大自然賭緊運氣！不過感覺自己真係好幸運
第一次上山就能夠見得到有如仙境般既日出美景，雖然仲未算得上完美
日出一刻都一樣比雲霧蓋住，但見到雲層與晨曦光線既轉變，已經甚感難得
鳳凰山日出，確確實實係香港最美艷既日出，淨係睇到網上既相片
都已經令人讚嘆不絕，親歷其中，看著雲層色彩不斷既變化，
有如電影一樣咁精彩，最後落山更能夠遇見一道彩虹，如詩既景色
又留起大家既回憶裡面了～！

ＴＨＸ　ＦＯＲ　ＲＥＡＤＩＮＧ．

我舊年上去就係睇唔到日出...D霧大到...

伯公坳上去易行好多喎

巴士狂徒 :我舊年上去就係睇唔到日出...D霧大到...

伯公坳上去易行好多喎

伯公坳上的確係易行d
不過昂平上既話路程同時間都短d
所以同fd傾完，都係決定上昂平開始行

不過落山果陣，大家成晚都冇訓（凍到訓唔到）
行落山真係好似平衡唔到咁，專注力低晒
行到昂平個人真係散咁濟

《 KODA KUMI 》 :

巴士狂徒 :我舊年上去就係睇唔到日出...D霧大到...

伯公坳上去易行好多喎

伯公坳上的確係易行d
不過昂平上既話路程同時間都短d
所以同fd傾完，都係決定上昂平開始行

不過落山果陣，大家成晚都冇訓（凍到訓唔到）
行落山真係好似平衡唔到咁，專注力低晒
行到昂平個人真係散咁濟

我想問如果新手行既話應該行伯公坳上山好D ?

HD7610@297 :我想問如果新手行既話應該行伯公坳上山好D ?

其實如果行開山既話就兩邊都冇乜難度
但如果新手既話伯公坳上會好行d
不過路程會長d，大約係昂平上既兩倍時間左右
昂平上既就最辛苦係條天梯
一大段樓梯，中間冇平位休息，
不過就路程短d，山頂落昂平既話可能畏高既會驚

小弟淨係試過係伯公坳行上山，都要成2個鐘頭（我會頂唔順 ...）

唔知有冇天梯既圖黎睇下？因為我寧願快啲到好過慢慢辛苦咁上

今年8月好天真係唔多, 銀河係夏季最光,南方就可以望到

S3BL417 :小弟淨係試過係伯公坳行上山，都要成2個鐘頭（我會頂唔順 ...）

唔知有冇天梯既圖黎睇下？因為我寧願快啲到好過慢慢辛苦咁上

今年1月既時候影既

其實天梯只係一大段樓梯咁解, 中間完全冇平路既位置, 呢到我冇真正數過, 但都估計至少過千級
keep 住半小時不斷上/落既一段

但係如果覺得伯公坳行上山長過頭既話, 咁就真係得返天梯呢段上, 距離短d 難行d , 不過快到d
但係如果比我揀我都係鐘意伯公坳上, 長途但好行d, 又多景睇d

PC2116 :今年8月好天真係唔多, 銀河係夏季最光,南方就可以望到

今年唔好講8月, 成個夏季都好少藍天既日子咁, d 颱風好似巴士埋站咁一個接一個, 搞到次次行程之前都要擔心下

《 KODA KUMI 》 :其實天梯只係一大段樓梯咁解, 中間完全冇平路既位置, 呢到我冇真正數過, 但都估計至少過千級
keep 住半小時不斷上/落既一段

但係如果覺得伯公坳行上山長過頭既話, 咁就真係得返天梯呢段上, 距離短d 難行d , 不過快到d
但係如果比我揀我都係鐘意伯公坳上, 長途但好行d, 又多景睇d

上次落山行昂平果邊，一路行隻腳一路震
我覺得仲耐過o係伯公坳行上去

巴士狂徒 :上次落山行昂平果邊，一路行隻腳一路震
我覺得仲耐過o係伯公坳行上去

果次日頭行, 落昂平果邊就好快落晒, 冇乜野
但今次成晚冇訓過咁落昂平, 就真係行到腳震, 好似腳步浮浮咁......冇精神落呢邊真係好辛苦

《 KODA KUMI 》 :

巴士狂徒 :上次落山行昂平果邊，一路行隻腳一路震
我覺得仲耐過o係伯公坳行上去

果次日頭行, 落昂平果邊就好快落晒, 冇乜野
但今次成晚冇訓過咁落昂平, 就真係行到腳震, 好似腳步浮浮咁......冇精神落呢邊真係好辛苦

我都諗住有機會再上去一次，希望會睇到日出啦~

礦工兄有冇行過昂平纜車救援徑？呢條認真攞命

巴士狂徒 :我都諗住有機會再上去一次，希望會睇到日出啦~

礦工兄有冇行過昂平纜車救援徑？呢條認真攞命

昂平纜車救援徑2011年行過, 個個都話行落山會舒服過上山, 不過我鐘意挑戰既就都係行上山方向
的確比上鳳凰任何一邊都要辛苦, 不過誰叫我地起烈日當空之下行呢

《 KODA KUMI 》 :昂平纜車救援徑2011年行過, 個個都話行落山會舒服過上山, 不過我鐘意挑戰既就都係行上山方向
的確比上鳳凰任何一邊都要辛苦, 不過誰叫我地起烈日當空之下行呢

我果次都係o係東涌上，都係烈日當空下行
去到昂平幾乎虛脫

巴士狂徒 :我果次都係o係東涌上，都係烈日當空下行
去到昂平幾乎虛脫

不過呢條算係行山徑入面幾有特色既一條黎(其實都唔可以講佢係行山徑 )
今年入冬之後, 應該會行下大東山,二東山果邊, 上網見成個山頭都係金黃色既枯草, 好正

＊問：其實有冇人知大嶼山仲有冇邊ｄ特色山徑行下咁？

《 KODA KUMI 》 :

巴士狂徒 :我果次都係o係東涌上，都係烈日當空下行
去到昂平幾乎虛脫

不過呢條算係行山徑入面幾有特色既一條黎(其實都唔可以講佢係行山徑 )
今年入冬之後, 應該會行下大東山,二東山果邊, 上網見成個山頭都係金黃色既枯草, 好正

＊問：其實有冇人知大嶼山仲有冇邊ｄ特色山徑行下咁？

呢個網有唔少值得行既山徑~
http://www.oasistrek.com/lantau.php

自己行過龍仔悟園都唔錯~

大東山既爛頭營我覺得幾有特色..好似仲可以租黎住!!