航空公司：Korean Air (KE)
航班編號：KE607/DL7897
出發地：Incheon International Airport (ICN)
閘口：10 (ICN)
目的地：Hong Kong International Airport (HKG)
閘口：15 (HKG)
機型：Airbus A380-861
機身編號：HL7615
座位：58K
預計起飛時間：19:45 (GMT+9)
實際起飛時間：19:53 (GMT+9)
預計抵達時間：22:30 (GMT+8)
實際抵達時間：22:06 (GMT+8)
旅行團既最後一日，夠鐘返香港
司機叔叔車我地去到仁川國際機場，大家忙著登記、退稅...領隊都做到踢曬腳
之後原本入禁區既free duty行下，點知當行到門口準備入去既時候，見倒個牌寫住泡菜唔上得機...
同行朋友帶左盒500g既泡菜，事前唔知道，領隊導遊又唔記得提大家，於是佢就唔知點算好，最後叫佢搵領隊解決。
好彩未過安檢，如果唔係都唔知叫佢食曬佢定掟左佢好...
由於要等友人搞掂壇野，過左出境機構就一直等呀等，最後佢成個袋寄倉。
是日主角
前幾日原本飛仁川既KE608因為打風關係，所以換左B744，如果今次再有咩問題就真係冇得坐A388。
中間既時間同團友影下相吹下水，冇點影過機場既相。
到左19:15，開始上機。隻機幾多人，所以排左十幾分鐘先上倒機
同朋友商量過，讓左佢個窗口位俾我坐(原本我坐58J)
AVOD，比B744更靚仔，亦都冇B744個款咁lag...
小弟係聽kpop既，睇下佢d新歌新成點先...
連六月出既monster都有，禁落右邊既格仔就會加落自己既playlist。
B744冇既CD cover view
起飛前，影下太極機同客運大樓
架機起飛時，原本係睇緊復仇者聯盟，但睇下又停，睇下又停，要聽佢廣播
對於一套緊張刺激既戲黎講，咁樣斷斷續續地睇真係冇咩癮。
於是，就換左套怪誕黑家族，不過呢套戲冇中文字幕...
上機冇耐就有花生同桃橙汁(冇錯，係桃加橙，絕對飲唔慣)，拉低下面個杯架，就唔會頂住對腳(雖然座距本身就有34吋)
訓低張椅睇戲，張椅特別之處係除左椅背會郁，坐墊亦會移前，咁你訓低既角度就會更大。
睇睇下就派餐，唔駛諗，KE一定係食Bibimbap。
紅色個杯唔係提子汁，係紅酒。因為見佢冇汽水，又唔想飲咖啡茶，又唔想飲咁多桃橙汁。
食食下派雪糕，泡菜品牌，雲呢嗱雪糕加芝士蛋糕加士多啤梨，N重口感。
繼續fast foward套戲黎睇，因為飛快左...務求要係降落前睇倒結局。
中間又派左杯桃橙汁，冇野飲就飲番杯啦，雖然都係接受唔倒隻味...
降落後，影下機艙內壁，機內其實好光猛。當然亦有柔和燈光。
landing既成個過程，由AVOD可以睇倒，圖為AVOD顯示隻機埋左閘口既前方景物。
最後影多兩張就起行。
整體而言，一如傳聞所講，A388係比較穩定，尤其landing時可以感受得倒。
機艙夠大，就算我腳長都唔會覺得頂腳，比起B744 32-33吋座距舒服。
而AVOD有既戲同歌都幾update，最新既戲係普羅米修斯，不過如果短途機就唔建議睇刺激既電影，
一黎中間好多廣播，二黎其實食飯時pause左既話會有少少趕唔切，三黎佢會起飛先派耳筒，降落前就會收，
雖然大家會插自己既耳機繼續睇，但咁會變得比較麻煩。
餐黎講Bibimbap真係天下無敵，既有韓國風味，又唔會有味精，食唔食辣、大辣小辣任君選擇(自己落辣醬)，
杯紅酒雖然唔係咩高級貨色，但都比較易入口，而且空姐會主動同你refill。
服務黎講幾好，個別空姐會識普通話(甚至比英文更好)，不過唔知點解部分人會堅持同你講韓文...
飛泡菜坐過KE同OZ，感覺OZ軟件(服務)會比較好，KE就以硬件(飛機、食物)取勝。
*由於去程(KE608)尚未搵返出發時間及到達時間等資料，所以未必會有飛行報告。
