我估唔到個風景係咁靚，更加估唔到可以睇住佢由天黑落雨去到藍天白雲睇情景，各位熱愛大自然同影風景既版友可以試走一趟，
唯小心登頂之路初段為密路，後段以碎石路為主，必須加倍小心，比較上適宜有行山經驗既人。
起點就係呢度，五塊田落車，對面馬路沿樓梯上。
之後沿指示往大廟方向，到第３個指示（唔肯定）牌上會有用白油寫既仙人指路（直行往釣魚翁）
再沿該小路直入登頂！
行走初段，山路中仍然陰天有霧，仲要落雨，以為今次都係白走一趟。
登頂前，山勢非常雄偉，嚇一嚇，上呢個頂都係碎石路，需要手腳並用，企某Ｄ位望落去真係腳震
叉錯腳就係咁先，而且岩岩落雨，更加踩唔實個地，都幾危險。
係山底影上黎，好畢直既山路。
望到呢個天果陣其實已經好開心，藍天在望既感覺！！
睇黎不枉此行
終於上到頂，遙望果度就係果洲群島，我好想去既地方之一。
上到黎都仲係陰天，唯有等下Ｄ雲散。
仰望藍天，真係好耐無見過既果種藍。
果排成日唔落雨就煙霞，好黑人憎！！
堆填區果邊海有雨雲，咁樣睇落雨我都係第１次！！
再仰望一次藍天，又係唔同景象。
維港兩岸出現壯觀既耶穌光
仲難過見彩虹，好難得既景色！！
早兩年塔門果次之後就未見過。
已經可以講句絕對不枉此行喇。
係山頂等左大半個鐘，果度大概係３號轉８號果時既風力。
藍天白雲終於叫做呈現左係眼前，
海天一色，真係一流！
今次旅程一日之內可以睇下咁多天氣變化，十分之滿足！
最後落山後第一個指示牌轉左落相思灣巴士站。 完成！
我成日都講其實香港都可以有絕美既風光。
爭在係肯唔肯去發掘，去等待藍天既日子，用你既時間，用你既體力去換取佢返黎。
香港好天既日子真係好少，要珍惜僅餘咁好既天氣，咁藍既天空，咁正既陽光，出郊外散心。
留係屋企真係太過浪費！！
希望各位版友鐘意，多謝各位版友支持欣賞！
本人攝影技術不佳，懇請見諒。
送多張全景圖！！
![[photo]](https://hkbf.org/images/smilies/Photo.gif "傾偈無圖無偈傾")
～ 
![[sosad]](https://hkbf.org/images/smilies/icon_sosad.gif "So Sad"){kind=icon}
![[banghead]](https://hkbf.org/images/smilies/icon_banghead.gif "我撞牆死左佢算啦！"){kind=icon}
