香港巴士論壇

- 1 -


毒男呢種人 , 隨街可見 .
寫得呢個故 , 我當然係其中一個 .
咁當然毒拎一個更開心 , 洗鬼你講 .
但問心試問有邊個唔想身邊有個伴 ?
我自問十分靚仔 , 身高 180 , Dse 都有 5 料 5** .
咁點解我會係個毒男 ?
一切一切 , 多得個天唔少 .

話說係個風雨交加嘅晚上 , 身為一個尖頭文 .
送女友返屋企是常識吧 .
於是 , 我就揸住我架閒閒地百零二百萬嘅賓士 , 好有霸氣咁送我女友返歸 .
行行下架車同我死火 .
我心諗今次 HiHi 了 , 仲有霸氣嘅 ?
咁樣唯有自已擔把遮送佢返去 .
講明 " 風雨交加 " , 行雷當然小不免 .
行下行下無啦啦有個載住耳筒 , 縮頭仲縮過我把縮骨遮嘅青少年行過 .

" 嘭 " 一聲 , 死火喇 , 咁個雷兜野中正我魂精 .
又咁啱得咁橋又中正條毒男喎 .
" 嘟 " 一聲 , 成個畫面黑晒 .

" 呢個靚仔真係好野 , 行雷中正自己都可以冇事 . "
" 但睇佢個樣 , 醒返都唔荒好得去邊 . "

我一醒 , 成個天變咗白色 .
我心諗咩料 .
係唔係上咗天堂 .
我頂原來醫院嚟 .
睇睇自己手手腳腳仲健在就以為冇野 .
再諗諗 , 都唔知自己瞓咗幾耐 .
咁一諗個心就覺得有啲急 .
入咗廁所 , 望下塊鏡 .
突然傳來一陣尖叫聲 .
不過係我自己把聲嚟 .
我一睇 , 嘟 !死火喇呢次 !
個樣唔係自己嚟嘅喂 !
我睇下係床邊張身份證 , 寫住 - 戴明樂 .
戴乜鬼明樂 , 我只係知 - 今次大檸樂 !

- To Be Continue -
_________________________________________


口語文一篇 , 不喜勿插 .

本文章評分: +1

 

評分:

會員	時間	評分	評語
M1@7M	2012年9月22日 19:11:00	+1	潮文feel....

我二話不說就用咗 9 秒 9 嘅速度跑出去護士站到問下搞乜東東 .
會唔會係啲乜醫院第 1 千萬個住院嘅驚喜 ?
點知我一問 , 個護士同我講 .
" 你都 On__ 嘅醫院點會有啲咁驚喜你個咁嘅毒男好快鬼啲出院你知唔知你搞到宜家冇人肯入院 ? "
我聽完句野 , 腦入面兩條線突然痴埋一齊 .
不過 , 我自問十分聰明 .
點會比啲咁簡單嘅事難到我 ?
我諗住好快咁利用自己嘅聰明智慧將自己兩條線分開 .
我忽然醒起我自己係戴明樂而唔係靚仔梁維昌 .
咁就死火 , 連身份都調轉埋 .
咁就只好問下有冇個病人叫梁維昌 .
點知佢同我講梁維昌係尋日比個五雷轟頂轟到死咗 .
哈哈哈哈哈哈哈哈哈哈哈哈哈哈哈哈 .
我立即行用大笑之歌提醒自己 .
做人要樂觀面對 .
冇計咁只好捱捱捱捱到有奇蹟發生 .
一出醫院 , 我就用隻美腿呼喚咗架 Taxi 返嚟 .
" 比華利山 7 號丫唔該 . "

紅色的跑車像是帶著神秘 .
呢架紅色跑車用咗 1 個鐘就到咗目的地 . ( 利申 : 起點為那打素醫院 )
點知我搵嚟搵去都唔見我個銀包 .
" 死火唔見咗銀包 .. "
我眼前情景已經變咗係警署門口 .
成件只係係一秒發生 .
" 拿呢程我唔收你錢 , 比埋餐飯你食又點話 . "
我忽然之間覺得呢個世界充滿希望 .
眼前嘅一切恢復光明 !
點解呢個世界仲有呢種好人比我撞到 ?

" 王家飯啊 - 此信息不良 將被過濾掉 - 你 ! "

我成個人坐咗係警署到 , 得咗係到成個幾鐘都冇人嚟保釋我 .

" 呢條友仔做咩著件咁嘅衫 ? 係咪係青山走出嚟 ? "
" 佢一定係個敗家仔嚟 "
" 報應 , 一定係報應 . "

過咗五個鐘 , 冇 .
過咗七個鐘 , 冇 .
過咗十個鐘 , 冇 .
過咗十二個鐘 , 冇 .
過咗廿四個鐘 , 冇 .

終於 , 你廿四小時零三分鐘 , 有位啊 Sir 嚟同我講 : " 有人嚟保釋你 , 走得喇 . 逄星期二嚟報到 , 四十八日內唔可以離開香港 ..


你知唔知你爸爸用咗六個鐘個個的士佬傾數 ? "
" 點鬼知 .. 我都冇老爸爸嘅 .. "
" 到呢個時候仲咁不孝 , 冇用 . "

一個塊面腫到一舊舊嘅人入咗嚟 .
" 死仔 , 啊爸嚟保你喇 "

- To Be Continue -

我望住佢 , 有種好怪嘅感覺 .

條佬帶咗我去一間細到咩嘅公屋 .
不過至少 , 日常生活有嘅野佢都有 .
食物 , 燈 , 水 , 火等等佢都有 .
係冇咗啲咩電腦咩電話咩電視咁啫 .
我心諗咁落點過日子 .
不過最緊要係解決目前嘅問題先 - 眼前呢個 Uncle 係邊位 ?
" 喂你可唔可以出句聲 ? " 我嘗試打破沉默 .
但我失敗咗 .
佢只係係個石油氣爐邊繼續做佢嘅野 .
過咗幾分鐘佢放咗碗麵係枱面 .
" 食野喇哀仔 . "
唔知點解我突然唔敢出聲 .
望住碗麵突然有種好溫暖嘅感覺 .
我望一望佢 , 佢又望一望我 .
我都諗唔到點寫呢種 Feel .
我唯一可以做嘅 , 就係食咗碗麵佢 .
我二話不說就一大啖咁食落肚 , 我明明就唔鍾意食公仔麵嘅 , 但係個一剎那我只係覺得呢碗麵係全世界最好食嘅野 .
個感覺就好似係電影食神裡面火雞比碗叉燒飯周星馳食咁 .
我肯定係我食過咁多野裡面 , 就算幾貴嘅食物都比唔上呢碗麵 .
" 食完就自己洗碗 , 老竇返工喇 . "
我做咗個 OK 手勢比佢 , 佢用微笑回饋我 .
佢一閂埋道門 , " 嘭 " 一聲 , 死火 .
我唔識洗碗 .
我立即用屋企電話打比我老媽子 .
" 媽 , 我唔識洗碗啊 ! "
我聽到佢尖叫咗聲就 Cut 咗我線 .
我心諗 _ _ _ .

面對住逆境 , 當然要自強 .
但當我面對呢隻碗 , 我真係唔知點做 .
" 一隻碗嚟啫 . 一隻碗嚟啫 . "
我利用川島芳子嘅催眠方法嚟催眠自己 .
結果我用咗七七四十九分鐘完成咗我戴明樂首個人生任務 - 洗碗 .
理所當然 , 有一必有二 .
好快第二個任務就會嚟 .

個任務叫 - 返學 .