- 代碼: 選擇全部
我地暑假以來，如果工作許可，都會撰寫專題文章，盡量每星期都會同大家傾計。因為「用心聽．用心做」，得個講字無意思；唔係如港鐵官方Facebook Page 一樣，放個新相簿上網，再不停叫人估野，就代表有聆聽意見 :/
唔止話今日星期一，各位日日趕番工番學 … 有無發現逾百年歷史的「火車」（東鐵綫）比以前，越嚟越慢呢？最近一兩年，新搬到火車兩旁的業主，尤其是「名城」的住戶，均投訴行車噪音難以接受。由於在法理上，《噪音條例》是不會考慮噪音源頭，會否比投訴者早出現，故此港鐵只好設「臨時速度限制」，盡量讓列車比原定的速度，慢駛一大截來控制列車的聲浪，不致「超標」。
「臨時速度限制」（Temporary Speed Restriction, TSR）本來是一種應急的措施，照英國鐵路系統的習慣而言，只有在路軌意外斷裂、啱啱重舖好軌道後，為安全和舒適起見，先至要在短距離設臨時限速，一般只會令車程增加約30秒；但依家四處都要減速的話，尤其係因住戶要求而設的TSR，都設在高速行駛的路段，例如是粉嶺至太和、筆架山隧道入口等，如遇上繁忙時間乘客唔舒服 ／ 往返中國的城際列車有所調動，都會發生連鎖反應式塞車。發生事故後要恢復番服務，一樣好吃力！相信這幾星期每日有坐東鐵綫，番工番學的各位乘客，應該也身同感受⋯⋯
請問你買樓，點解會買埋百萬人的時間呢？
呢段由構思，都拍攝、製作，歷時半年嘅片，終於面世
我地 @mtrupdate為乘客提供相關資訊嘅負任已完成，之後嘅跟進同追訪，就係公民社會嘅事
