ck38 :雖然我唔清楚樓主患既病有咩影響，但對於患病者有特別需求，本人會體諒
不過樓主有平車唔搭搭貴車，仲要用貴車收費同其他路線比，真係好難唔俾人圍插

就如其他版友講，樓主係可以搭其他平車去轉車
即使3B去唔到金鐘，樓主可以搭佢去中環轉601P/619/641

至於雙向分段問題，基於巴士同鐵路各方面情況都唔同，鐵路適用唔代表巴士都適用
而以客量講，依家長者$2 都已經有人插俾短途長者打爆長途線令一般客上唔到車，如果全面雙向分段仲得了？
雙向分段，只係合適用於部份路線

：隱藏內容，按一下這裏顯示

你要搭巴士呀 ? 真係陰公咯

miklcct :如果是我，我會衝落聖士提反堂中學，見非過海車就上，到上環入洞回藍田。
車費：4.2/4.4 + 5.9 = 10.1/10.3
港鐵官方時間27分鐘，我認為連落山的時間，45分鐘以內一定到。103單是落山最快已經用了15分鐘，然後慢碌692到北角過海，其實快不了多少。
（我有港大的同學住藍田，以前通常乘23、40上山，中學時期遺留下來的習慣，我叫他以後上早堂去中環轉4X、30X、46X。）

Cheung Chun kit :

ccicoltd :

GX7271 :** 你有咩咩亞氏保加症我地唔需要知的 ... 你有呢個症同搭乜車根本無關係 ..

有關，因為其中一個病癥係做事 (含搭車) 一定要 stick to 某一個方法，其他人講乜都無用，以下就係絕佳例子：

3B 唔經金鐘，點解一定要去金鐘轉
603 唔到藍田站，平田總站落一條樓梯就係藍田站 A 出口
大埔去油塘，74X -> 14B / ...
西灣河去西營盤，720 轉電車
太古城去將軍澳，太康街 694
啟田邨去麗港城，原來要搭車的？

係有關，不過套用落呢個 case 解釋得唔準確

亞氏保加症既人 (嚴格黎講而家醫學界都未有確實定論以"患者"統稱，事實上英文都只係 Asperger Syndrome，唔係 Disorder)
係呢個 post 顯示最大特質係個人溝通/思考能力完全發揮晒係錯誤既場合上，未必關"特登"搭 103/692 事


Asperger 比起自閉症光譜裡面其他分支有著明顯分別，就係測出黎既智力/語言能力係人類中正常至偏高，
但溝通/語言能力唔係淨以對方聽得明就算，最重要係達至有效溝通
樓主成篇文有紋有路，但顯然不自知咁用左一個多餘到不得了既方式去入題，將同題目 (hku) 有關但完全無助大家理解題目既野硬塞埋落去
呢樣先係 AS 人係此文顯示既一大特色 (坊間通常只以 point form 或者 case studies 咁解釋此症，其實不盡準確
AS 的確會不自知咁 stick-to 生活上某項方法/細節，但亦可以岩岩調翻轉，做野/講野無左一個清晰目標，
以致反而係將無關痛癢既細節都講晒出黎，於是思路/文法/用字大致正常，但夾雜埋 d 令讀者浪費精神甚至感厭煩既廢話)


樓主以此嫌錢腥方式搭車，但之前唔多聽聞樓主係呢兩條線上面有咩特別經歷而演變成非搭不可
因此比較合理既說法係有著"做野唔經大腦"呢樣 AS 特質多過因為生活方式上偏執行為令自己非要搭 103+692 不可


"做野唔經大腦"唔係指樓主精神有問題，會做出怪異或者嚇親周圍既行為 (好大機會所謂"精神問題"都係源於醫生以較舊說法斷症而得出結論，"衝動/無腦"合切得多)
而係指樓主既正常思路偏偏係呢 d 要運作既時候無運作到
生活既每件事係環環相扣，有輕有重，一個所謂"正常"人生活中個腦係不斷運用自己既邏輯同溝通能力，
明白自己做每件事既目標、重要性同埋互動性，明白對方既要求
樓主以一大句只有 keyword (hku) 關事但實際上同主題九唔搭八既野開文，已經顯示當下佢既互動溝通能力有少少問題，
理解唔到大家望著個標題時想見到既內文
一般人講野入題搭兩句廢話其實好普遍，但樓主走去由講自己 AS 再加多句咩"精神問題"又要"求學"又"中文唔合格"，
好大可能就係一黎佢唔係好明白一般人係唔使睇一開始 "是咁的........節目完結後" 呢段"上文下理"先睇得明篇文
二黎 AS 人記憶力特別好，要數下自己既事呢 d 簡直簡單到愈數愈興起，好似畫腦圖咁由中心點擴散開去，偏離主體講左去第度
以少少自嘲方式開文搞下氣氛本無不可，但樓主連唔應該講個句都講埋，顯然就搞到大家注意力放錯晒地方
本身唔識既人見到呢段開頭都俾你說服到覺得你"果然"係有問題


好多時 AS 人年紀愈大，係呢 d 事"撞板"愈多，反而唔一定會汲取教訓 (可以一係自以為學懂左 d 又係唔關事既野，
又或者諗錯方向，覺得解決方法係 "一於唔好同人有咁多互動，浪費精力考慮咁多野") 於是講野/做野就變得"唔經大腦"
溝通方式唔係下下要人與人之間有傾有講先叫溝通，理解別人或者自己既期望都好緊要
"由港大去藍田"係樓主腦裡面既目標，但呢個目標本身未包含晒所有細節
去藍田考試？見家人/朋友/女友？見工？佢地有無約實時間地點？有無必要不計代價絕對準時？
旅途時間快/唔趕時間但車程穩定/完全無所謂但想有位坐邊樣因素緊要？
一般人個腦自然會識得快速衡量完自己/別人需要，而諗出幾款性價比高既可行路線，偏偏 AS 人係呢 d 時候就無乜"用腦"既自覺，
個腦就咁裝著"由港大去藍田"甚至只係"去藍田"為目標，於是有車黎就上，無論快、慢、有無位坐、路線直唔直接、貴唔貴都完全無諗過
當然 AS 既人都有機會唔單止係呢 d 時間唔會同自己個腦溝通下了解下自己/人地期望之餘 (只係渣著"去藍田"呢個目標就完
快趣去到緊要定慳錢緊要完全無諗過)
個腦重會殘留著過往既目標/興趣，例如樓主好鍾意 692，或者有一段時間成日係金鐘搭 692，咁橋是日行程好大機會會經金鐘
於是"去藍田"同"搭 692"兩樣目標不自覺係腦入面相撞，形成所謂偏執於某種方式生活，係金鐘大把車去藍田都會死等 692


但諗落樓主好似一向都無乜提過 692 同 103 有咩特別而要特別選搭，相信較大機會係當日 (不自覺地) 唔諗清楚就上車多過個腦梗左只係識 103/692 其他乜都唔理
樓主當日淨係諗著目的地，正值個腦唔想郁/唔願思考既時間，但遇上一大班學生係車站等車，即係逼自己要盡快做決定
(若果當日無一大班人係度等車，或者 103 後面跟架 40M，樓主可能已經搭左後面個架)
可以大膽推測樓主只係直線思維下諗著快 d 上車走先，免得愈黎愈多學生塞著個站，無認真協調下"避開人群"同"去藍田"兩個目標甚至稍稍忘記左自己去緊邊
去到金鐘呢個從半山出發既熱門目的地時，再次因為懶得諗下有無其他辦法而落車；搭 692 都係差唔多原理


事隔咁耐，正常人都唔會特意諗起當日點搭車 (一黎普遍人類記憶力的確係無 AS 咁好，但同時正常人做野咁無 sense 既機會不多，
普普通通以合理價錢搭左兩架巴士根本唔會記在心中，除非係唔小心俾人老點搭 103+692 事後發覺蝕左成倍錢就可能記得)
偏偏樓主個腦好輕易就記得晒呢 d 小事，加上唔使用腦個陣佢個腦又唔知做咩會無端端咁清晰諗起晒呢堆細節出黎
可能咁橋計緊數計下幾個月黎搭左幾多車錢，跟著一步步就推到上去本文主題既車費比較度
而再次展露 AS 特質，再次暴露係溝通能力方面佢個腦諗野又諗少關鍵一忽


從港島返大西北 vs 去藍田兩個車費中，佢可以一步步諗到距離/收費唔同、巴士 vs 其他公交收費模式咁多野，思路清晰
偏偏個腦裝到咁多當日由港大出發既搭車細節，但完全諗唔起當日自己俾咁中既原因根本只係自己忽略巴士既收費模式所致
從而唔會細心諗清楚論據就出文，又或者理解唔到一般人對本文既期望 (望見標題正路都會諗一諗點搭會搭成咁貴
並盡量揀有可比性既搭車方式黎比對，諗到最尾先會揀最貴又唔密車而且主要唔係用黎往返該區既線黎比較)
有趣既係，從樓主自己打既文中其實已經見到佢一步步推到答案 (佢搭咁貴咪正正就係現有巴士收費模式下既不便，
想早 d 上車既話就算路線相同但因為收費模式假設大家搭全程而收得咁貴)
但思路一下子跳得快到自己跟唔上 (個腦好日都唔轉下，一轉就咁猛)，無法返回基本步 (諗通左答案，但一下子跳到咁遠，一時其實唔記得自己最初諗咩/問咩)
於是就繼續以此標題發文，明明由一次搭車經歷引伸到討論巴士收費模式都無意識改標題，搞到而家辭不達意好似有意無意出文搞事咁
呢樣先係 AS 人最困擾既問題 (若果反而係樓主本身病態固執到咁不顧一切死都要搭 103/692 都無咁大問題
因為最多搞到自己生活上要預留比常人更多時間等車搭車轉車；但而家個後果係因為自己個腦運作問題，睇佢文既個個睇到牛咁眼，佢自己好多時生活上都可能做左 d 事後諗翻都激死既荒唐決定，徒錢徒時間行左好多冤枉路而苦無對策)


巴迷圈子有 AS 既人的確唔少，思想/行為/智力上通常跟正常人一樣
但好似媒體介紹親 AS 時所用既極端例子，例如背晒 d 車牌、班次，生活方式只局限於搭某種型號之類既人其實好少
(有著咁深刻特徵既人反而算幸運既一群，相信好細個已有老師指出問題家長帶去相關既醫生/專家跟進緊)
有時係呢 d 日常溝通/諗野方面有小問題既就普遍得多



另外，除非係不經太古城版 720，及轉 5X/18P 完全唔使等車，否則搭 A12 由西灣河到西環未必慢
試過好多次 A12/722 大約差唔多時間由則魚涌出發，A12 即使比 722 停多兩個站幾盞燈先上橋
都好大機會係灣仔高速爬翻架 722，當 722 係置地個站開門時，A12 分分鐘已係 4幹衝翻落地面
即使同唔使兜金鐘同置地個邊既 720 相比，A12 亦未必輸好多
連續兩個暑假返機場暑期工，大約一半機會搭 A12，夾埋大約見過 5 個人分別係中環同西環落車，
通常都著得幾體面下、無行李、個樣亦唔似去機場途中突然諗起漏左野中途折返，而且記得個幾個人都早過我上車
相信以筲箕灣、西灣河、康山既最有可能 (柴斜死等 780 應該都夠快)
直覺上睇得出當中有幾個唔係曬員工證/家屬證 (連司機都特登望一望落車既人睇下佢禁左鐘係咪真係想落，
若果本身係曬證客既話都估到最有可能係佢，但好多時全車人個個座底都用機場員工架 $27 起錶咁去，
每次中途"叮"一聲通常全車人都會好好奇想睇下邊個禁鐘，上層客亦會望下個閉路電視睇下邊個搭巴士搭得咁豪)
A12 唔塞車由則魚涌開四個半字入西隧都試過唔只一次，再俾夠五分鐘時間計埋西灣河-則魚涌呢截
可以想象到每日平均都有一兩個搭 A12 由東區去西區既人
貴就都幾貴下，但都係睇下值唔值得補咁大個差價搭 A12 快多一截仔 (假設 5X/18P 走左架車，720 又要兜太古城同琳寶徑，咁 A12 一定贏)
正如同一路程即使補多接近一倍差價搭的士，都只係再快多個零字，分別似乎不大
若果樓主兩程車都唔使等加有位坐的話，以專利巴士黎講咁搭其實已經算快 (假設無 641、603 又走左車)
換個角度睇，大可以當自己一時豪氣俾額外車費"買"等車既時間