#1相關報導：
蘋果日報 :何韻詩喺遮打花園參加同志平權集會，喺唱出《光明會》同《勞斯．萊斯》後，在台上宣佈「我是同志！」其間鼻紅紅想喊，獲取全場高呼支持，台下的何秀蘭在台上感動落淚。
阿詩獲同事、家人和朋友喺台下支持，佢話一直覺得性取向係個人嘅事，因為唔想被標籤而冇公開，但覺得最近嘅報道，覺得唔可以再沉默，決定拋下顧慮，為平權道路、有義務責任企出嚟發聲。
訪問期間，阿詩話考慮咗多日，分別致電老闆林建岳同高層問意見，連同父親也力撐，所以今日決定宣佈。佢話事前有通知容祖兒，對方仲話「覺得係啱就去做」。
阿詩出櫃，相信係因為受咗星期三立法會否決咗「同志平權」作公眾諮詢動議嘅剌激，阿詩當日有轉發有關微博，但就畀人河蟹咗，佢仲好激氣咁話，「沒想到這裡也這麼明目張膽地歧視同志，轉發也要被河蟹，還要偷偷摸摸的隱藏掉；去你的，有種把我整個帳號刪掉。」咪係囉，又唔係立法，連資詢都唔畀，一班投否決票嘅功能組別議員，真係以為自己惡晒。
接受訪問時，阿詩承認出櫃前有問過容祖兒意見。==============================
點睇
我就嚴重支持同性結婚
![[flowerface]](https://hkbf.org/images/smilies/flower.gif "丁香丹桂茉莉 都覺得可愛")
據說巴士迷都有唔少「自基人」, 在被歧視的興趣下再加多一層歧視, 是點架呢?
歌仔都有唱, 「永遠的忍耐，永遠不出來」, 成日聽到有人話要隱藏自己對巴士路線, 車廂, 機件, 以至死氣喉既愛好, 呢一種隱藏又能唔能夠與同志既隱匿類比?
唔知道大家歧視同性戀既同時, 會唔會諗起自己舉起相機影巴士時遇到既奇怪目光?
