ksba :
1.只能講一句: 強國的物品本身是否優良無人能說，有哪一個大國的QC差得連子民的安全皆受威脅
2.提到英國本土的巴士就放入垃圾線呢個問題我仍然睇唔出有乜關係，如果我知道某條線用BYD我會選擇唔搭
3.一句英國都係互相鬥抄就將整個抄襲問題化掉?
看到不版友有反英護中的姿態，但文章宜有一個主要立場，否則亦護中亦護外，難免另人誤會。
另外:版友識得"避重就輕"? 最重要同最擔心既安全問題同質量問題一句都無提過， [BYD E6的爆炸事件可以視若無睹? 不怕是個別事件，只怕一宗都太多 (可能有人反駁說報告說車沒有爆炸，但大陸研究報告我一向都有保留，車太重是塌橋的原因大家都聽過吧.)]
1.用英國超市/百貨公司例子正正就係以例子說明強國貨 QC 同埋信心問題，帶出一個憤青或者未必想聽既事實：
強國貨係就係遍布全球，連外國超市/百貨公司巨頭既自家品牌產品招紙都清楚寫著 "Made in China"、或者原料來自強國
但就只係用黎補充中低檔次既貨源，高檔貨呢 d 講求 QC 既佢地唔自己造都一定係搵 d 叻呢一瓣既地區造
即係暫時眼見所謂遍布歐美既強國貨，都只係相當於 "超值牌、特惠牌" 呢 d 級數，頂多去到 "惠康牌、百佳牌"，絕對上唔到 "Citysuper" 個類檔次
真係用黎賣高價既 iphone、macbook 之類都係因為 QC 聞名既超級大牌子先有人夠膽買，否則強國幫人組裝咁耐一早可以過橋抽板自己出部一模一樣既野賺大錢
根本完全係明買明賣，強國有生意做、外國大公司又樂於搵到最平最好壓榨既地區幫佢地補充 cheap 野呢一浸既貨源
但而家愈黎愈多人同埋真心唔知內情既港人將(現實上)薄利多銷 / 出產一堆好賣得既二三流貨色睇成為引以為傲既一件事
2.想用英國巴士公司例子搞清楚"崇外"/"崇英"、"崇優" 問題，本人就同某著名專欄作家一樣"祟優"既
英/美野如果真係好嚴格要貨比貨既話一定未算最靚，不過英國有樣好值得學習既係"崇優"精神，
人地巴士公司做大事既就真係睇送食飯，完全唔會盲目撐國貨，將"一分錢一分貨"精神運用得非常好
香港似乎就睇唔到類似做法，機場 A 線、遊客區例如赤柱、山頂呢 d 甚至幾乎係英美貨品壟斷 (ADL x 康偈)
雖然可能係歷史問題，英美貨色既巴士在港歷史比瑞典/德國貨長好多，英美廠牌對港重視程度自然又較高，肯度身訂造甚至真係"特供"型號出黎俾我地
(從英國司機論壇中確實連司機角度都普遍唔鍾意 ADL 車，反而香港巴士司機都唔係憎成咁，分分鐘其實英國都有"特別供港"呢樣概念，港版靚過英國本土版)
但或者只係香港所謂又貴又長途既線其實都長極有限，好似長途線 A12 出 21xx 普通市民坐得舒舒服服都唔會有人計較點解唔搵部 Volvo/Scania/Man/Benz 行
強國自家製 (即自家 QC)、純電動巴士分別係連續兩個未經實證既範疇，而後者暫時全球都無乜同類例子可以比較
咁既然未有得比較，就即係唔會係質素、可靠性、安全性方面一下子上到大臺，一定唔可以跟英美甚至德國瑞典既柴油巴士拍埋當成同一級數
就算的確 BYD 今鋪真係投放大量資源落去安全、可靠、質量上面想爭翻啖氣，任何"第一代"都只應該當係中等貨色咁用，就算係部電動巴士係 Benz 自己出都唔會因此而自動升格變上等貨
巴士公司派車落乜線有時就係代表緊佢對該線既立場，否則唔會有"曬命線"呢個營運概念，而一般市民其實都大約感受到呢回事
英美 vs 德國瑞典製既巴士係香港行車環境下分別或者未算太明顯，唔算有太多"大才小用"或者"識唔識貨"等問題，但強國貨色係普通人眼中顯然至少同英美級數已經有一段距離，莫講德國瑞典
偏偏急功近利既強國有個好混帳既傳統就係下欄扮上菜，兼往往想透過政治手段逼人就範
就算只係一部 BYD 三軸柴油冷氣巴士，檔次問題已經足夠講出佢值既車價，同埋市民心裡會認同"應該投放"既路線類別，更何況而家加埋"純電動"呢樣無有效實證過安全性既野
普通市民本身如果睇過之前的士爆炸呢單負面新聞，本身已經暗自擔心緊強國巴士同強國地鐵，所以安全性實在毋需多講，再者就算部車行一條頹線只要係旺區出事都夠大鑊，正一就算唔搭個條線但個人都好難完全避去該地區
只不過試還試，如果只係行條頹線時不幸出事，相信普通市民都係怪強國"果然信唔過"多過怪九巴靠害
但如果九記痴起條筋或者遲下踢爆有人施壓叫九記以高檔車價買入黎換走晒曬命線掛牌車，最後就算部車非常安全都好，個做法同態度已令普通市民對強國貨/KMB 本身有極大反感
3.本黎見部 BYD 疑似集百家之大成，講起歐洲地方都係咁，但諗真 d 似乎唔係咁簡單
之前第一眼覺得呢部車似 ASU x 倫敦 Borismaster，而前者本身又好似 ctb102 個種豪裝 ECW 車身、後者又似城巴 D1-D6 既 ALX 頭幅
East Lancs 呢間專出樣衰野又重出左一款分別有齊以上特色既車身，數數下唔通即係咁多間車身廠連續半個世紀互抄？
甚至講車型，B6 設計上算唔算抄 Dart？珍寶算唔算抄 Atlantean 呢？雞鴨又算唔算抄鵝 (Volvo Ailsa) 呢？
(雞或者唔算，雞數到最遠其實又同 50年代尾既 Guy Wulfrunian 有關，反而鵝係照著呢個概念改良而成)
諗諗下自己似乎用左學術角度對"原創性"既要求黎睇做生意既世界，唔講 "抄"，學術界明文禁止既 "請槍" 係巴士界都唔係咩大不了既事件
港島第一部雙層巴士 Dennis Loline 3 直情係買人地底盤設計套自己個名而黎，而香港龍/鷹源自既 Dominator 最初都係丹尼士買左部丹拿 CVG6 跟著試下裝副引擎同 Voith 波箱去車尾度而成
無意中諗起舊款 E500 前身 Plaxton President 其實風格其實幾有一款早過佢出現既 East Lancs 車身特色，似乎本人愈講愈自打咀巴講唔清到底邊個抄"邊個了
炒相，呢款 East Lancs 風格至少從呢部 B10MD 開始直至低地台年代，講講下分分鐘係 ADL/Plaxton "抄"人地
BYD 同強國一眾品牌 / East Lancs 如果話"缺乏個性"會公道少少，如果 BYD 同強國車廠未來幾年時間出既單雙層巴士都可以維持一個餅印，形象上相信會更受其他人尊敬
), 屬高檔次貨品, 點同 BYD比? (雖然 QC 都係差)
加上爺爺畀壓力，所以咪 Pass 左囉 ![[banghead]](https://hkbf.org/images/smilies/icon_banghead.gif "我撞牆死左佢算啦！"){kind=icon}
只可惜之前運輸署班官到左退休潮，而家即使你入紙加位、加長度（even 重新度尺）都有難度。 ![[sosad]](https://hkbf.org/images/smilies/icon_sosad.gif "So Sad"){kind=icon}
