香港巴士論壇

這是我在下個月起引退巴迷界一段時間前的一番小感。

「器材先決」與「技術先決」在攝影界中，大概是最常見的兩種模式。「器材先決」強調加強應該攝影器材的性能、質素，不使用感光元件小的消費型數碼相機，而使用高感光度表現良好的單鏡反光相機（又分為APS-C及全片幅等類型），再也不就是使用中、巨片幅的數位機背。鏡頭方面，Canon的就應該買L鏡，不喜歡就買Carl-Zeiss的定焦鏡，50mm焦距的不是f/1.2或以上的就不買。

「技術先決」則彌補了器材的不足，或想進一步提高攝影作品的質素。訓練各種攝影技術，如pan鏡、長快門等基本技巧，或HDR等各式後製功夫。許多攝影師使用一般的單鏡反光機，已能攝得一番好相，就是因為「技術先決」的因素。

然而，在我觀察了巴迷界的攝影一段時間後，發現與一般攝影愛好者出現了很大出入。以往在HKBF的相片還有一定質素，就是「小峰峰」等資深巴迷的器材與技術爭雄所致。然而，近期HKBF多了不少成像、色澤、構圖均為平庸的相片，但個別發表此類相片的人卻接二連三地收到大量「機械式」的「讚好」，令我深嘆，巴迷攝影不再是單靠「器材」與「技術」嗎？

我與香港巴迷的關係並非良好，但我也見識不少活躍的巴迷。在我購入Canon EOS 7D初期，我曾經是少數使用（相對）高階攝影器材的人士。而那些巴迷，卻是使用Canon 三位數字、Nikon 四位數字的入門級單鏡反光相機，再誇張一點，就是Sony的Cybershot消費型數碼相機，價錢也不過是四位數字港幣。

而他們的技術也未見能補償器材的不足，我所見到的色澤、雜訊控制等影響「專業質素」的因素，均與專業的攝影作品有一段遙遠的距離。部分相片更會被人第一眼誤以為是手機相。然而，這些攝影作品卻仍然受到各方的讚好。若在Facebook等社交網站發表，獲「like」的程度會更為誇張。這些作品所用器材一般，技術也一般，但為何在巴迷的眼中仍然是佳作，要予以讚好？（相反，若在專業攝影角度看，則可能會被評為「爛相」）

在數學的角度下，若 A = kxy（k 是 constant），A應該只會受到x及y兩個變數影響，並不會受z影響（各位初中數學應該有讀過variation）。若A是相片質素「值」，x是器材「值」，y是技術「值」，器材值變成兩倍，技術值變成兩倍，質素值就應該變成四倍。但現時有一些情況，某人相片的器材值相對只有30%，技術值只有50%，但在巴士迷眼中的質素並非15%，而是15倍！這即是代表有著第三個變量在影響著質素值。

難道巴迷判定相片的質素，已不再只是「器材」、「技術」，而還要取決於第三個因素，例如攝影者的「個人地位與權力」？這是一個未解的問題。但若是真實，這個問題就與國民教育的爭議內容沒有分別：「中國大黨做的事一定是好事」。人人仿佛被洗腦：「（某巴士迷）的相片一定會是好相，沒有錯的！」，在討論區或社交網站睇相時：「（某巴士迷）的相，一定要讚好！」

這個問題不單在討論區及社交網站出現，連共筆型網站也出現（為免罵戰及被指搞針對，恕不詳述）。有個別巴迷甚至由單鏡反光相機換為消費型長焦數碼相機，可能是認為「器材」已不重要了。

「個人地位及權力先決」這個準現象，若傳至一般（非交通迷）攝影界，後果可以非常嚴重。這時，人們不再須要訓練攝影技術、花錢購買高昂的相機，而只須建立私人關係，以權力令他人認為自己的相片一定是「好相」，就能簡易地「獲」得他人的讚好。這時，高階相機的銷量勢必大減，相機器材廠商的營業額大降，甚至清盤收場，值得嗎？攝影課程也因為參與者減少而停開，值得嗎？

「個人地位及權力先決」，此風不可長！

請各位維護「器材先決」及「技術先決」兩個攝影傳統，請拯救高階攝影器材市場！

lrt505 :請各位維護「器材先決」及「技術先決」兩個攝影傳統，請拯救高階攝影器材市場！

要維護？得，你一人派一套所謂「高階攝影器材」啦，very easy 啦 isn't it ?

本文章評分: +2

 

評分:

會員	時間	評分	評語
PJ.	2012年11月26日 18:29:24	+1	isn't it ?
↗WiNd↙	2012年11月26日 18:32:05	+1

lrt505 :而那些巴迷，卻是使用Canon 三位數字、Nikon 四位數字的入門級單鏡反光相機，再誇張一點，就是Sony的Cybershot消費型數碼相機，價錢也不過是四位數字港幣

即係呢,唔係個個好似你咁咁有$,我唔知你有經濟能力未la,就算打工仔都未必會一下撻4位數字出泥
"價錢都不過是4位數字"e句野相信係得你同d不知民間疾苦既高官至講得出

你套 7d 都咁貴你有咩資格批評班人?
利申: 大部分器材為二手

大家不如唔好理佢發埋啲無聊 Post ，唔好回帖，等到下個月就唔洗見到佢啦~

其實樓主早排係咪飲得太多珍珠奶茶，搞到塑化劑上腦
三日唔埋兩日就o係到娛樂大家

雖然我o地上o黎都係為輕鬆，而閣下又貌似以此為發文宗旨
但閣下的文章，講幽默唔及詹瑞文，講搞笑唔及周星馳，講無聊唔及王晶，講低能唔及林海峰
正宗四不像，唔知你想點

本文章評分: +2

 

評分:

會員	時間	評分	評語
Gundam	2012年11月27日 23:53:38	+1	塑化劑上腦
ttl40908189	2012年12月8日 00:19:16	+1	講幽默唔及詹瑞文，講搞笑唔及周星馳，講無聊唔及王晶，講低能唔及林海峰

有錢使得鬼推磨 , 所以樓主可以買起成間廠,就可以拯救一切

如果果份成功感、使命感係建築喺器材先決之下你嘅人生會好悲哀

喺而家呢個物質太豐富嘅時勢的確係好易令人迷失 ...

不過樓主呢D反面教材幫到唔少人反思人生又不失為一件好事

本文章評分: +1

 

評分:

會員	時間	評分	評語
1333	2012年11月27日 11:27:59	+1

係咁我架 A620 用左六年都應該要退休啦...

但係我又冇樓主咁有錢買D咁靚嘅器材影相,
不過我又要講, 你有靚機唔一定表示影到靚相,
你有靚機唔識用根本就係嘥料,
你有技術嘅話就算一架平價傻瓜機一樣可以影到靚相!

相影得靚唔靚, 唔係靠你用乜機貴唔貴決定!!

本文章評分: +1

 

評分:

會員	時間	評分	評語
AVBW59_MP7601	2012年11月28日 23:10:27	+1	A620 #love#

樓主不如開班教下我地點影標準相啦!廢是D相令到你咁

你咁有錢，免費開班又點話呀

上面篇文，似乎係有人眼紅別人有多「讚」而發！

雖然呢到有部份人的確唔滿意所謂的爛相，但係大家要記得，呢到係巴士論壇，唔係攝影論壇
傾攝影，講攝影，下下都要講專業既話，可以到本壇５６１版面，甚至更甚可以過檔到其他專業攝影論壇到討論
而唔係起到處處封殺一ｄ因為器材不佳，或者技術不佳既版友既發帖權，任何人初初玩攝影，都必定會經過爛相既階段
現在自稱專業既一班攝影版友，你地當年又是否影過一堆爛相嗎？

舉個例：我自己都有上其他論壇，就以遠足黎講（其實越野單車遊記也是），平時見人地既遊記，影出黎既相比呢到大家覺得爛既相更加爛
手震，失焦，相機帶擋到鏡頭，乜都有，但大家都唔會因為佢影爛相而討厭佢，反而係一齊傾別人既旅程，自己既經歷
反觀呢到（或者叫所有討論巴士既地方），總之別人貼上一ｄ不合自己專業觀感，雪亮眼睛既相片，炒相等
即使內容特別既相，大家都會轉向到人地既相片質素，技術，不斷作出投訴一樣
果一區叫巴士多媒體，而唔係專業巴士攝影分享，即使係爛相又點，貼得文上黎既都係想分享自己既遊歷，作品，或者喜悅等等
有邊個會想自己貼完分享出黎係引來一大堆罵戰？

同埋要記得，呢到有唔少人都係學生，唔同既家庭狀況都未必能夠付出得起一部高階攝影器材既價格
可能你係學生，得到家人既支助購買得到高階器材，又或者靠自己一手一腳搵錢返黎買
但買唔起既，冇得器材先決既，是否就要比一班高階器材既人仕睇低幾線？
咁樣同鐵達尼上，頭等倉睇唔起三等倉既貧民有乜分別？

討論區入面係公平既，你覺得自己玩得專業，影得靚，受人讚，大家都開心
但如果係爛相但又多讚果ｄ，必定係因為「個人地位及權力先決」嗎？要有人讚好，可以係讚你影得靚，亦可以係因為相入面既內容
事實上真係唔太睇得出因為地位及權力先得到多讚囉！（況且讚好多定少根本就唔代表ｄ乜）

利申：有咗手機已經好耐無舉過相機。
難聽一句，十年前器材先決黨在哪裡？係呢三四年巴迷年齡越來越細先越來越多器材先決囉。
當年影車貼相邊到嚟咁多規矩？