Hin.307 :isar :邊個可以寫包單?
路線重組，講就好聽叫重組
實際上只係比巴士公司提交縮數建議
下下都將d 車cut走晒，又唔知去晒邊
點叫人支持你所謂既"重組"呢?
你話肯改下條線吸下客仔都還可
好似九巴咁，無錢賺剩係識得減班
如果九巴咁樣消極經營，議員又肯同佢一齊，配合佢既話
只會更多人放棄交通工具走去渣車
巴士等極無車，鐵路下下都要迫沙甸魚，渣車只係無奈選擇
人口上升，但巴士行走數目年年下降，呢個現象根本就有問題
可惜輿論睇唔到更深層次問題，只係識講重組，咪即係中晒巴士公司、運輸署既奸計
所以九巴而家咪話資源會用番係地區
最新一份既 14X 15X 建議 , 鯉魚門放棄 14C 可以換來特快 14X
咁又何來 D 車 Cut 走曬?
無錢賺 , 班議員唔俾重組 , 唔減班唔通點樣?
係咪日日載空氣浪費更多燃油?
油價不斷上升 , 區議員唔批重組
咁最有效減少虧蝕既方法就係減班
巴士數目年年下降唔一定有問題
載客量下降先係有問題 , 而且係要連埋其他公交既載客量一齊睇
成個運輸系統既載客量跌左先係有問題
如果只係個別交通既載客量下降而總體載客量係上升 , 我就覺得無咩大問題
你都識得講，近排先係轉死性姐
望下年頭份RDP?18區個個區排住隊等cut車又點計?
巴士數目年年下降點解唔係問題?
巴士數目下降，等於巴士呢個工具運載力下降
巴士運載力下降，更多人上不到車，就會轉投其他工具
例如小巴、鐵路，甚或渣車
無錢賺係巴士公司自己唔識做生意(特別係九巴，開托巿場能力薄弱)
唔關區議員事喎
如果下下將所有責任推晒比區議員，都唔會解決到依家個問題
係有班人一廂情願以為路線重組/取消就等於解決問題姐
最簡單既方法，九巴講到自己好忍辱負重，經營咁多蝕本線
不如叫佢交晒所有蝕本線出黎算啦
點解佢一味只係嗔蝕錢，又唔交返D蝕錢線比運吉?
因為佢想加價，再係普羅巿民個荷包度強搶嘛
九巴無晒蝕錢線，佢就無藉口加價
都係個句啦，香港地點解越黎越多車，越黎越塞車
某程度係因為巴士服務做得差趕走晒D客
每年既RDP路線重組項目某程度都係幫兇黎
RDP咁多"縮數方案"唔能夠落實
反而真係要慶幸先係...
而且巴士公司、運輸署一向在路線重組上比唔夠誠意
比人反對，要檢討既係巴士公司同運輸署
佢地既推銷技巧能力的確有待改進
