朝早搭車經中環，有時真係俾佢玩死

某日我8.08am上車，搭西隧線過海，中環無乜塞車，都算快，8.46am到灣仔（車程約38min）
見仲有成差不多半個鐘先夠鐘返工，我下一次就諗住搭遲一班車

某日再搭，班車可能遲左少少，8.22am上車
出西隧口有少少塞，大約8.47am到上環，去到海港大樓都仲可以
但一去到交廣對出就塞，塞，塞，塞，塞到去添馬，最後大約9.17am先落車（車程約55min）
只係搭遲一班車，就遲左半個鐘先落車
安全起見（以免遲到），諗住以後遲過8.08am果班車都唔搭

某日早上諗住去迫地鐵，但剛巧8.18am經過巴士站見到有車到站，當日又好攰，就博一博上左巴士
中環無乜塞車，最後8.58am到灣仔（車程約40min）


8.18am同8.22am估計係同一班次，但車程可以差成15min
朝早搭車經中環，有時真係俾佢玩死

邊條線先?

朝早中環會塞車是常識吧!?

冇錯
D車好似約埋咁
一過某個時候就出曬黎
中環同灣仔就好塞
隔一班車可以相差好遠

平日朝早中環塞車係例行公事
如果撞岩果日條路有點順暢
只係你咁岩好彩
我都試過幾日同一班車
幾日既落車時間都各有不同
前一日搭一個鐘唔駛
第二日搭可以遲兩三個字

樓主緊係未見過朝早去中環，東廊龍尾係太古城……

唔知同9點前中環金鐘一帶有正義既朋友在場監察, 疏導交通有冇關?
小弟於不同時間搭962P, 都察覺到有樓主所講既情況出現

只要架車於九點前能夠到達海港政府大樓至交廣一帶, 即可順暢地通過畢打街及添馬對出路口 (同時見到有正義既朋友在場)

但係如果搭八點二至八點半係龍門居開出既班次, 過左9點先去到海港政府大樓, 就塞到連離開此站也有困難
係呢D情況, 當小弟去到畢打街路口及力寶中心對出時, 就見唔到有正義朋友既存在

樓主, 莫講話經中環. 你試下經香港仔隧道過海咪又係咁. 八點前入隧道, 10分鐘都唔駛過到海. 八點後都未入隧道, 塞到去黃竹坑.

ThatsWhy..

edmund :唔知同9點前中環金鐘一帶有正義既朋友在場監察, 疏導交通有冇關?
小弟於不同時間搭962P, 都察覺到有樓主所講既情況出現

只要架車於九點前能夠到達海港政府大樓至交廣一帶, 即可順暢地通過畢打街及添馬對出路口 (同時見到有正義既朋友在場)

但係如果搭八點二至八點半係龍門居開出既班次, 過左9點先去到海港政府大樓, 就塞到連離開此站也有困難
係呢D情況, 當小弟去到畢打街路口及力寶中心對出時, 就見唔到有正義朋友既存在

係因為金鐘道力寶中心封左條線比佢地方便左轉...

其實樓主呢個時間正常既話應該 0900 過到金鐘
係日日塞車...但塞來塞去咪又係會差唔多時間落車...
係有時好間唔中..先會大遲

呢 d 野唔係話上網抽下水就識
係要試過

我當然知道朝早中環係會塞車
重點係想講，有時出到去中環無乜塞車幾暢順，但有時就起碼塞兩三個字
即使差不多時間上車，車程都可以差三四個字，好難預到時間

其實依家中環塞車情況（往北角方向），我覺得好過以前
記得以前八點四後過上環，車龍已經去到海港政府大樓
依家即使八點半過上環，交廣怡和都唔一定塞，甚至去到金鐘都暢順
唔知會唔會同龍和道通車有關？

其實係某啲燈特登較耐啲時間等班狗官番曬工
咁你班友仔咪慢慢等囉

其實就算過左9點，四幹往灣仔龍尾依然仲係信德
下路8點幾以前見就塞到去西隧港島出口

而政府總部開左之後，交通的確改過黎
下繁都係一樣，要比政府班人既車走先
我地呢D小巿民就繼續塞..