面目全非，係指多年來路線不斷演變，與當初路線、客源有大分別
（不包括因改道行走、但主要客源相差不遠 或 有一半重點客源相同 之路線，例如九巴68X/72/73X、新巴8 等）

而本題重點係講最近廿年左右既轉變，唔係與盤古初開路線比較
而因更改路線編號而面目全非的，亦唔係本題重點

唔知有咩路線係面目全非呢？

例如　九巴12
記得以前路線係 荔枝角—佐敦道碼頭，主要行經元州街、荔枝角道、上海街等（唔知有無記錯）
之後改經大角咀道
其後更縮短至東京街，唔做長沙灣、美孚
到依家路線係 海麗—尖東，主要行經深旺道、富榮、渡船街去尖東
與初初路線、客源有大分別

13M算唔算呢?
初開線唔知,但我住中秀果期係順時針協和街>秀茂坪道>秀明道
之後改下改下變成曉光街經秀明道再上寶達,之後仲改埋去牛頭角鐵路站
唯一冇變得返翠屏道同協和街來回一段

HN9036 :13M算唔算呢?

不過佢重點客源無太大分別，都係秀茂坪至觀塘

72線?大約知道佢之前係出旺角...

LE8869 :72線?大約知道佢之前係出旺角...

72 原本係去大角咀的後來先改左去長沙灣而已 ~

新巴43X我諗應該算
由行香港仔隊道變上山重要行落西環，客路明顯為西環而設多過金鐘往來南區

嶼巴 37

最初往返東涌市中心至東涌新發展碼頭
為渡輪乘客提供接駁服務

後來延長至東涌北，提供全日服務
方便東涌北居民前往市中心購物/轉乘其他交通工具往市區

其後再延長至逸東邨，角色淪為輔助 38 線往返市中心
以及方便學生往返東涌北/松逸街上學

Naphthalene :新巴43X我諗應該算
由行香港仔隊道變上山重要行落西環，客路明顯為西環而設多過金鐘往來南區

43X 最初係華貴至中環（經香隧、灣仔）
依家則改為華貴至灣仔（經瑪麗、西環）？

咁都算係面目全非路線

ck38 :

Naphthalene :新巴43X我諗應該算
由行香港仔隊道變上山重要行落西環，客路明顯為西環而設多過金鐘往來南區

43X 最初係華貴至中環（經香隧、灣仔）
依家則改為華貴至灣仔（經瑪麗、西環）？

咁都算係面目全非路線

講落 43 543 應該都算係，由經半山打橫落中環金鐘分別變成香隧線同經山道天橋

5、5A 由西行經跑馬地/皇后大道東變成行電車路應該都算係比較大既轉型，由以前有幾架車去大道東慢慢變成得 10 號一架

19 號有幾年延長去筲箕灣，東行亦略略轉型，背負多左個東區流水線既角色
多年黎過左銅鑼灣根本無幾可有人會上北碼車 (10 38 42 63 65 99)

正如 1 號同 5A 合併後，雖然睇落對 1 號本身只算係走線上只算延長左，但減價後某程度上應該令條線轉型變成一條大流水線，客路應該唔同晒 (多左)

84 都大改過唔少次，由柴斜輔助線變成唔知點既半特快線

260 都被城記大改左成特快線，制造保持高價既藉口

25M 可算係由類似 49M 小巴既短途駁腳輔助 25 線變成現 25A/C 既用途，對寶馬山上客源可能略有改變，而且至少變成半條流水線咁濟

914 由經彌敦道慢慢改成而家既走線，唔知實際客路方面係咪都唔同晒
記得搵中巴八大禽獸既相大部分都影著堆車係彌敦道、立法會一帶行緊 914，而家分別來回同其中一個方向唔再途經

40 系列走線唔算點樣大改，不過個特快形象去到 90 年代仍然停留係部分上一代港島居民心目中，去到近年先改變
應該開始少左人以 40 系線黎來往南區同金鐘以東

新巴8仔都應該算

流水變柴斜CWB特快

九巴263M
01年開線時行元朗公路、汀九橋來往青衣，來回程只停青公(富泰至屏山)同欖隧
02年同63M交換路線，來回程改經荃灣地鐵站同楊屋道，
05年改行元朗北繞道(朗屏)，不經元朗公路

其實68A算唔算呢?
跟據大典所示,初開既68A係深水步碼頭入朗屏,之後拆左就改左去欽洲街
後來欖隧通車就停辦,之後一個月多D再開返改左去葵興地鐵站
之後入埋青機