理大的士站出名就係冇的士，電召又話換更，咁就唯有去火車站的士站搭的士。
經理大民主牆、紅隧北行人天橋（冇巴士迷果條），再經過火車站24小時通道、樓梯、直通車大堂外圍，到的士站已經13:05。
跟住唔對路，幾十人（包括操普通話的人）喺度等的士，的士就好多，但係上落客要時間，同時上三架都係一分鐘上到三架。
上到的士，已經13:16。然後仲要經紅磡機利士南道、必嘉街、老龍坑街、溫思勞街先上返漆咸道北，上漆咸道之前平均時速只有16公里（手機量度）
之後上到觀塘繞道，架的士最快開到99km/h，手機都度到91.8km/h。
用左13分鐘返到匯景（$75.5），即係13:29，上到樓13:31。
全程用左33分鐘，不過上次又係非繁忙時間搭215X只係用左30分鐘（少1分鐘）。
所以理大咁少人搭的士放學係岩既！
P.S. 再上次由理大搭的士去天水圍市中心（純綷玩野，$234.5），16:20落堂，16:34上車，17:12先到天榮，用左52分鐘，搭西鐵轉輕鐵都係呢條數，但係便宜24倍！
