背景
現時城巴機場快線A22服務佐敦、土瓜灣、九龍灣、觀塘一帶，全程收費39元，全程行車時間75分鐘，日間15-20分鐘一班，用車9輛；A29服務黃大仙、觀塘、將軍澳寶琳及坑口站一帶，全程行車時間70分鐘，日間30分鐘一班，用車5輛。兩線均行經觀塘道，對造成交通擠塞有一定的貢獻。

同時，將軍澳北部沒有不經觀塘及九龍灣內街的路線來往土瓜灣一帶，而A22來往佐敦及藍田之間又與九巴平民路線14完成重疊。

有見及此，愚民作出重組建議。建議將涉及城巴技術已相當成熟的雙向分段計劃。

詳情
將兩線機場及觀塘一段走線對調，A29往將軍澳方向加經藍田站。

A22：機場（地面運輸中心） — 藍田站╱油塘站
機場—（青葵、龍翔道）—黃大仙—（觀塘道）—九龍灣—觀塘—藍田站—油塘站
全程行車時間約：60分鐘╱65分鐘
班次：18-25分鐘一班
用車7輛
收費：$39.00；畢架山花園往觀塘區：$10.00；黃大仙往觀塘區：$7.00

A29：機場（地面運輸中心） — 將軍澳（寶琳）

方案一：
機場—（昂船橋）—佐敦—
→土瓜灣上路→譽港灣→【去程】
←黃埔花園←土瓜灣←（啟德隧道）【回程】
—（觀塘繞道）—藍田站【>>】（將軍澳隧道）—坑口—寶琳

方案二：
機場—（昂船橋）—佐敦—土瓜灣上路—譽港灣—（觀塘繞道）—藍田站【>>】（將軍澳隧道）—坑口—寶琳

全程行車時間約：80分鐘
班次：20-30分鐘
用車7輛
收費：$42.00；佐敦來往寶琳：$13.00；土瓜灣來往寶琳：$10.00；坑口往寶琳：$6.50

成效

A22由機場來往藍田會節省約10分鐘，而由將軍澳北部來往土瓜灣一帶亦有更直接的巴士（297經九龍灣，93K經觀塘），土瓜灣亦會有特快巴士前往藍田站，油塘亦可有全日服務的機場巴士。

現時98D於繁忙時間服務供不應求，A29改道後可分流部分來往佐敦及將軍澳北部的乘客。

由於土瓜灣一帶服務將略為減少，受影響乘客，來往機場及佐敦可改乘便宜的A21、E23，由佐敦、土瓜灣來往觀塘可改乘稍貴的93K。

附註
紅字：未知客量情況的A29回程繞經藍田站（鯉魚門道西行）小方案
藍字：A22延長至油塘站的小方案

若本人因此POST而收到8.4警告，敬請版務人員詳細在此回覆其「可行性極低」的原因。

lrt505 :同時，將軍澳北部沒有不經觀塘及九龍灣住宅區的路線來往土瓜灣一帶

297

為何已有替代服務下要 A29 經藍田 ?

1.背景
a) 區區 12 部巴士會為觀塘道交通擠塞有一定嘅貢獻？難以相信；另外我想問，何為貢獻？
b) 引言先入為主，297 途經九龍灣只需唔多過 10 分鐘，我有理由相信 297 乘客唔會拘泥呢少少時間
c) A22 同 14 功能有別，唔可以撈埋黎講。

2. 建議內容
a) A29 返將軍澳要無啦啦晒多 5 分鐘兜藍田站，本來 A22 已途經藍田站，浪費乘客時間。
b) A29 20-30分鐘一班，收費$13；98D 4-10分鐘一班，收費$8.9，A29 名為輔助 98D 實為搶客嘅功能根本唔會有效；更何況， 98D 主要客源係尖沙咀，佐敦佔整體客源並唔大。
c) 機場線作用應為接送市區乘客來往機場，而唔係市區通勤路線。至於 A12、A22嗰啲，只係順手做埋，仲要係單向。
d) A22 本來佐敦有客肯俾$7坐，變咗 A29 收 $10，結果迫乘客搭返 14。

3. 成效
a) 由佐敦、土瓜灣來往觀塘可以坐 14、15、16，駛乜搭 93K ？
b) 應該係你自己反思份建議有咩問題，而唔係版主講囉，當呢個 post 講到咁上下就知道大致有咩問題架喇。

lrt505 :同時，將軍澳北部沒有不經觀塘及九龍灣內街的路線來往土瓜灣一帶，而A22來往佐敦及藍田之間又與九巴平民路線14完成重疊。

試詳細列出新界專線小巴第105號線資料，包括但不限於起訖點、途經街道、收費、班次。　（10分）

講真我唔覺你堆Ａ線會有任何競爭力
特快客唔想搭297經九龍灣當你講得通,但又點解要特快既客繞經藍田?你覺得佢地想繞經藍田?

藍田站我未知可行栍所从先甪紅字

lrt505 :而A22來往佐敦及藍田之間又與九巴平民路線14完成重疊。

重咩疊呀？
A22主打機場客，14主打市區客，客源都唔同

咁58M/58X由良景至屯公100%重疊，58X/59X由屯公至旺角100%重疊，係咪又要摺左58X呀？