Snoopy@J&H :一向有小巴係到唔係巴士線可以直斬既籍口
若果76K可以咁斬既
禁區三寶又或者77K又係唔係可以一下直斬?
唔夠資源咪唔好咁大想頭
東九定西九好明顯應該係是但要一條
其實,成個建議入去某D位都早已經唔夠車/超級緊
273冇加車就去延長
73A跑死人都唔掂
大埔公路既處理有機會又要過返一兩架車落去
做人,都係唔好咁大貪好
講真，我係有研究過直斬 79K 既可行性，
但係 79K 因為係我用作東北地區區內線轉乘之用，所以我唔可以囉佢黎開刀（即使開刀，五部車，幫唔得多）
至於 77K 我一樣有研究過直斬既可行性，
但相對 76K 黎講，77K 班次、乘客量黎講係相對穩定，因此我選擇 77K 作為留o個一條，而唔係斬o個一條
78K 個情況同 76K 有 D 唔同，佢係有客而客量唔低個隻，因此我亦唔會郁佢；
73K 我唔搞佢，亦係因為佢作用同 79K 相同。
車呢家野左執右執可以計算得到，一人之力唔得，我唔信多幾個人唔得。
但係 76K 呢個 point，我真係睇唔到留佢既必要。
至於你提出既 273 唔夠車，我寫得出黎，我條數一定係會有所計算。由於本身我係打算所有路線唔入置福圍先有呢個構思，
但係另一位板友亦提出左一個人身安全既問題（呢點我真係之前冇可能研究到），因此其實 273、273S 延長呢個建議係有得傾有冇必要，
因為唔入置福圍既咁多條路線，除左 279X 有可能拖慢聯和墟、華明乘客外，
其他路線全數只係落客用，咁所以呢個 point 係有得傾，但係 273S 全日行走，我相信雍盛苑乘客會歡迎，呢組 273/273S 點執，係有得傾。
西九要兩條線，呢個根本係有兩條線，只不過當年既 71X 開晌一個唔適合既時機。
1991 年既北區，根本未有華明、未有清河、未有粉嶺中心、聯和墟仲只係鄉郊地區。開返條西九龍線，只係還返北區居民應該要有既野，
所以絕非點解要兩條咁貪心，而係當年九巴做事進取之餘冇遠見。而家開返呢條，用意十分明顯。
至於兩條線落九龍東呢個 point，我希望大家明白，如果要由黃大仙去北區要轉三程車，咁同搭鐵路有乜分別呢？
既然有辦法可以一試，佢地有合理服務之餘，又可以擴展，點解唔試？
至於大埔公路既問題，目前 72A 及 74A 係足以應付 73A 快速化既情況，
我甚至覺得遲早有一日 74A 係會縮短去樂富，甚至連沙田都出唔到。所以車，呢度亦未係問題。
仲有，我呢篇文係叫做跟足規矩冇用多左車情況下解決咁多個煲，
如果可以天馬行空 D 比我多十部車，條 76K 唔洗死，可以加埋去每 15 分鐘一班添，但唔見得必要性。
KP2709@273A :建議夜晚8點後開班次入置福圍, 其餘時間可以唔入
原因係嘉福去巴士站條路實在太靜
多謝你既提醒，因為部分社區真係 detail 到番屋企條路可能無啦啦有個 II／色魔出現，我之前當然唔可能計算.....
呢個絕對可以考慮，甚至 273/273S 呢組延長唔要，保留部分路線轉入去，亦都可以考慮。
KP2709@273A :70K 建議拉返入上水總站, 做返聯和墟去上水轉車功能
呢個涉及要多一部車，以及之前講過 70K 定線過度臃腫既問題，晌 v2.1 我睇下點執...
KP2709@273A :73/ 73A 方面, 73A 改太平開, 沿73 路線但不入聯和墟到華明, 按返你的路線行
73 改聯和墟開, 用車應該可以再減1部
我覺得北區流水唔應該由區外線做
咁變左 73A 要加車行，反而 73 隨時再 cut 車......
呢個要研究下，畢竟 73 呢條線要縮去聯和墟個壓力都唔細....
KP2709@273A :70X 翠麗開, 經龍琛路->新運路->(清河邨可入可不入)->百和路->一鳴路->(早上繁時不入大窩西)再跟你路線出九龍
繁時 開 277P 特車 華明開經大窩西-> 直出啟業, 不經彩虹到平田
同277X 夾返班次, 夾係不經華明班次入面開, 約20分鐘一班
其餘無意見, 比DAB 好好多!
其實 277P 特車呢點有冇 70X 都可以考慮，甚至係更有討論價值，
因為早上繁忙時間乘客去彩虹除左駁車入科大（或者叫勉強行過新蒲崗／啟德）之外，
個集中客源始終係九龍灣、牛頭角、觀塘等地。當然，呢度要再研究
§※寂寞之子※§ :70X 本身定線太兜,幾乎成20分鐘先出得上水
落到圍頭村差唔多40分鐘..
如果唔改善下北區定線好難叫人回流..
而唔再做上水係冇左個客倉,
陣係做黃大仙鑽石山都難以支持一條線
好似變左一個減車建議
反建議我希望70X可以將佢提升做上水特快
現有路線過左清河就直接落公路出黃大仙再跟返現有路線出觀塘..
e...如果咁用我條 270X 個建議路線行走（即係要上水、華明唔要清河）又有冇可能呢？
當然你呢個要清河唔要華明亦可以考慮，因為其實要清河華明、要上水華明，定要上水清河，係各自有其優點（亦各自有其缺點），
總之我唔希望任何方案令 277X 超出負荷，因為當局提出既 70X cancel 方案，我睇到既會係 277X 隨時比目前早上繁忙時間紅隧上 301 個情境，更加冇眼睇.....
dippy :78/79K根本係橙同蘋果既問題
可以叫兩飛, 除左去火車站, 其他都只可以二揀一
如果兩線真係要縮
其實一齊改去北區醫院, 經粉嶺站, 聯和墟, 華明已經OK
要去新界西既可以用小巴/第三程/改為轉76K
GJFT :現時 78K 上水客源：吳屋村、太平總站，之後吉車返上水總站；放學時間，聯和墟亦係重頭客源之一
明白，其實 78K 保留太平唔入上水，然後用返 dippy 所提出既又是否可行呢？
其實呢兩條線改去北區醫院並不代表轉唔到西北線，只係轉 276B 行多五分鐘，276/276P 行多 10 分鐘而已；至於 276A，對面月台呀唔該....
另外回覆左 GJFT 最後個句，目前建議呢組 73<>271 將會係全數退回 73 車費，即係只收 271 一程，即係比原有既，係更徹底。
