起因:
話說上星期放學後,小弟與友人坐K73返天水圍,咁我地係元朗廣埸上車,咁架車係730,而後面一架係6XX(落客後私牌去大橋上客)
去到安樂路個燈位分開左,並愈走愈遠.......
跟著架730繼續行直至東莞學校,我又見到另一部6XX(架車大把位坐,架730已經要罰企)爬頭.之後兩車齊齊入朗屏巴總(6XX入先,730殿後)
經過:
係巴總入面,有一位中年嬸嬸見到兩部K73一齊到站,佢以為架730比架6XX仲要多位坐,於是就冇上架6XX,反而就上左架730,當佢聽到係佢前面嘅女人講'樓上冇位坐啦~',即刻發火鬧道:'有冇搞錯呀,冇位坐!'佢並再三強調'前面架車大把吉位坐啦~'
(重點)
後續:
樓上有個女人(佢有位坐),同佢講:我俾個位你坐啦~',但當佢落樓下睇嘅時候,佢發現個女人已經唔存在LU~~~~~

其實大家有冇遇過一D會向Carlo提出好冇理嘅要求嘅乘客?!

叫carlo熄左個roadshow算唔算?

試過有人話要前面街黃線位落車...
當正巴士係紅頂一樣！

見過有人噪質問個司機, 仲咩要突登改路兜入去

FT9178 :叫carlo熄左個roadshow算唔算?

唔算，上次我搭973，架9頭豪上層電視壞壞地（下層無事，司機唔知）無閂到，勁大聲（沙沙聲），成個上層D人都頂唔順，最後有人落去叫做carlo閂，司機肯閂

卡老冇錯 行得正企得正

我試過B3
行到深圳灣大橋
一個中國女人
問carlo可唔可以比佢落車小便

3av151 :起因:
話說上星期放學後,小弟與友人坐K73返天水圍,咁我地係元朗廣埸上車,咁架車係730,而後面一架係6XX(落客後私牌去大橋上客)
去到安樂路個燈位分開左,並愈走愈遠.......
跟著架730繼續行直至東莞學校,我又見到另一部6XX(架車大把位坐,架730已經要罰企)爬頭.之後兩車齊齊入朗屏巴總(6XX入先,730殿後)
經過:
係巴總入面,有一位中年嬸嬸見到兩部K73一齊到站,佢以為架730比架6XX仲要多位坐,於是就冇上架6XX,反而就上左架730,當佢聽到係佢前面嘅女人講'樓上冇位坐啦~',即刻

更年期發作

發火鬧道:'有冇搞錯呀,冇位坐!'佢並再三強調'前面架車大把吉位坐啦~'

我起初佢淨係發牢騷,但我居然聽到佢對住個Carlo講:'你俾返D車錢我呀!我落車搭過第二架呀!'

(重點)
後續:
樓上有個女人(佢有位坐),同佢講:我俾個位你坐啦~',但當佢落樓下睇嘅時候,佢發現個女人已經唔存在LU~~~~~

其實大家有冇遇過一D會向Carlo提出好冇理嘅要求嘅乘客?!

證明條友有問題，前車大把伙位唔上，係要上部無位既

967/9入天水圍，經常有客@欖隧落但唔打鐘，到就黎出站先話又落，司機叫佢下次記得打鐘，佢答司機，"打你老_"
最近有次終於唔理佢話有落直入天水圍，大快人心

之前放學
有個中老年嬸嬸同個Carlo係度嘈
嘈Carlo揸得慢
之後有個20-30碎Ge男子同佢嘈
坐係佢隔離果個係咁食花生
個樣勁無奈...

HU7527 :
證明條友有問題，前車大把伙位唔上，係要上部無位既

967/9入天水圍，經常有客@欖隧落但唔打鐘，到就黎出站先話又落，司機叫佢下次記得打鐘，佢答司機，"打你老_"
最近有次終於唔理佢話有落直入天水圍，大快人心

試過搭新巴2X係愛秩序灣道冇人打鐘司機飛左
之後有個啊叔係咁鬧個司機..講哂粗口..仲話見到有人企係度就應該開門喇~

PS:反而我試過搭2X入到灣碼過左960站位都唔肯開門比人落..
跟住我話可唔可以落車, 佢唔出聲!!
因為其實已經係路邊但架車右邊比架突左出黎既城巴kick住左而車尾本身有架960係度以致過唔到入唔到坑
之後開始有人不斷嘈..佢就話呢度馬路落車危險(但架960同你根本頂死左條路,而距離路邊根本一架私家車都過唔到)..又話公司規定
之後等左5分鐘左右架城巴先開得到埋坑比我地過, 但我坐過架泊左去外坑..
D人仲唔即刻即時鬧佢..呢度唔係馬路咩? 先落車!!
個司機似乎太糾枉過正

我試過坐99東行，去到麗池個站，前面已有巴士埋站，故司機未到站頭就俾人落車，
與此同時，有個拉手推車嘅女人想上車，司機指佢行去站頭上車，咁啱站頭冇其他人上車，
個女人一上車，就發難鬧司機做乜玩佢，明明見佢推住一件行李，反正都俾人落車，
點解唔俾佢上車喎，話邊度上都可以姐…
跟住點我就唔記得，不過我落車前（蕙安苑）都冇造成服務受阻

p.s. 網上討論區有人要求全線新車算唔算無理要求？

仲有
果時我係大欖轉車去佐敦
等架68X
我前邊有個啊嬋排係我前邊
架車黎啦
上車問carlo
啊嬋"喂，架車去唔去黃大仙架?"
carlo"呢架車去旺角油麻地佐敦架"
啊嬋"咁你唔識渣架車去黃大仙架?"
carlo"......"

前陣子我搭 6D / 40 號返學時,
周不時都會見到一個年齡約 20 多歲的女子上車後就叫人讓位比佢,
有次架 40 號去到寶血醫院就差唔多頂閘, 跟住嗰個女人二話不說,
係咁撞開企緊嘅乘客, 衝到一個座位面前, 要人讓位,
但離奇嘅係, D 人竟然肯讓位比佢, 跟住嗰個女人霸晒 2 個位,
仲爆粗罵我, 要我縮開, 唔好阻住佢看 Roadshow...
如果冇記錯, 架巴士係 HR8741, 下層有空位企的...

有次仲離譜, 佢衡上上層, 諗住霸車頭位, 點知兩排凳都有人坐,
跟住佢就一個年約 50 多歲的中年男子讓位...
如果冇記錯, 對話係咁嘅 :

女 : 喂! 讓位啦!
男 : 你都 __(粗口)__ 的! 後面大把位你唔去坐!
女 : __(粗口)__ ! 快 D 讓位啦! 死啊叔!
男 : 死癡線婆! __(粗口)__ !
女 : __(粗口)__! __(粗口)__!
男 : __(粗口)__! __(粗口)__!
女 : __(粗口)__! __(粗口)__!__(粗口)__! __(粗口)__!
男 : __(粗口)__! __(粗口)__!__(粗口)__!__(粗口)__! __(粗口)__!

跟住我就落車...

試過一次有個唔知係咪飲醉酒嘅鬼佬,
上到車就同個司機講佢身無分文, 可唔可以通融一次比佢坐返北上,
但係佢已經坐過同一架車南下, 個司機已經通融左佢一次當然唔會再比佢坐多次免費車啦,
但係個酒鬼係咁企喺度僵特左幾分鐘都唔肯落番車, 後面仲有幾個人等上車,
我見到咁嘅情況我唯有出手同個酒鬼講: " 你係搭車嘅就比錢上車, 唔係嘅就即刻落車, 唔好阻住後面D人!!"
經過一番我同司機一齊同佢之間嘅語言衝撞, 跟住我就終於出手推佢落車比後面D人上車。

有次做258D返寶田(HP2269)天馬苑龜速上斜,有個阿嬸走上黎叫我開快D,我同佢講部車無力,佢又話無力又出黎載人你真係痴(粗口)線.......
仲叫我停埋一二邊要求過車,我無彩佢繼續行程...
佢就全程一路爆粗/叫我快D撞車死......