馬鞍山幾乎條條巴士線都是特慢線，由日搭到夜都未離開到沙田：

40X：馬鞍山內兜蛇形，之後雖然行馬鞍山路，但落到沙田，竟然要去到瀝源邨才上城隧，只是未有像48X般兜入沙田市中心那麼離譜；
43X：火炭上公路，對城隧線來說已經是不錯了，不過不知為什麼偏不到市中心，令那一帶的人要焗搭極度迂迴的40X；
81C：由耀安碌到大圍，而且與港鐵大幅度重疊，搭港鐵去到旺角東，81C隨時還在沙田區內！
84M：算罷啦，根本不是為馬鞍山而設的，主力服務圓洲角一帶，富安花園只是用來放車的；
85K：往返沙田及馬鞍山，無話可說；
85M：亞公角上公路，已經算是比較好的一條；
85X：全日化總離不開圓洲角，雖然如此，對比以前的85C已經是很大的進步了，至少市區直出土瓜灣，不算太慢；
86C：與81C一樣，由利安碌到大圍，深水埗更要兜入南昌街，難怪客量低到全日超過10分鐘一班；
86K：往返沙田及馬鞍山，無話可說；
87D：第一城上公路，已經算是比較好的一條；
87K：真正的特快線，能將大量乘客於短時間內送往東鐵線，可能是馬鞍山線王；
89C：途經圓洲角，但因只服務馬鞍西，所以不算太差；
89D：馬鞍山內兜蛇形，之後到大隧口卻不知幹什麼要屈入小瀝源。難道這是黃泥頭唯一一條直上大隧的路線？！
99：郊區路線，又快又平，又有定點班次，好！
286M：市區服務範圍太少，死症，行遍整個馬鞍西及亞公角都無救；
289K：另一條特快線，不過奈何需求低，令班次極疏；
299：應該算是馬鞍山內行車路線最直接的了，不過今次卻輪到沙田痛苦；
680：馬鞍山內兜蛇形，之後更要入圓洲角，過海後更由北角碌到金鐘；
681：馬鞍山唯一一條不經亞公角前往市區的特快路線！新界及港島均是特快！
682：於新界行車路線與680一樣迂迴，東區段就更痛苦，像82一樣由北角流到小西灣，與606相比只欠耀東；
A41P：機場巴士難免要兜了。

整個馬鞍山那麼多人，居然只養得起一條真正屬於自己的市區特快路線？！亞公角真的需要整個馬鞍山的巴士作支持嗎？難道是沙田醫院作怪？行到圓洲角其實已經很盡了，碌到大圍真的是忍無可忍。為什麼不能好好利用沙田路及沙瀝公路呢？

40X 同 43X ... 其實由總站計既話個行車時間係好接近...

另, 48X 入沙田市中心好離譜, 虧你講得出

沙田醫院好多人上車ga ... d線經亞公角好正常
681 例外例子la , 佢係馬鞍山只是足足三個站就整爆你架車 , 如果經富安、亞公角 , 亞公角班客都只可見車不能上 , 咪又是飛站 , 不經好正常

** 87D 不是亞公角上公路 , 是第一城 ..

miklcct :只是未有像48X般兜入沙田市中心那麼離譜

48X我搭左接近二十年
由雞車/3BL搭到而家ATE

敢問閣下如果48X唔入沙中
有邊個站可以支持到西行方向48X既客量?

你知唔知81C 唔行沙田大圍一程少咗幾多客?

我住左十幾年馬鞍山 容許我留少少評語

1. 所有(除681)巴士線經亞公角呢個係歷史問題, 89C, 85C, 87D作馬鞍山開荒牛時已經行經, 相傳係亞公角同富安人要求保留巴士線
2. 40X同89D嘅兜蛇形都係歷史問題, 佢地係由利安延長, 呢種行法同87D嗰種喺行車時間上分別只係一分鐘
3. 40X同時要兼顧禾輋-馬鞍山乘客, 補償86K固299不足, 使用量唔係你想像中咁低 (雖然我都覺得太慢)
4. 81C與港鐵大幅度重疊, 87D又何償唔係? 但一樣大把捧場客, 至少我好少坐馬鐵
5. 81C喺馬鞍西嘅客量根本冇可能全日特快, 仲有大圍大把客
6. 84M放車有罪?
7. 86C又係歷史問題, 我相信遲早都會轉86X全日
8. 89C唔經小瀝源路唔通特快咩
9. 89D唔係黃泥頭唯一一條直上大隧嘅路線, 但黃泥頭唯一一條直去觀塘嘅路線, 非繁先兜啫, 兜埋都係快過港鐵
10: 99/299都就快改啦, 冇必要深究
11. 286M又唔係吉車遊街, 繁時/假期可以打得爆, 無救乎?
12. 289K客源不足, 非繁可以出單層
13. 680喺馬鞍山呢種行法同87D嗰種喺行車時間上分別只係一分鐘, 北角銅鑼灣大把需求
14. 682有得你坐就坐啦, 話哂係唯一一條過大隧嘅東區線

總括黎講, 整個馬鞍山那麼多人, 唔係只養得起一條真正屬於自己的市區特快路線, 係唔需要

睇完樓主篇文，除左「傻眼」之外，我諗唔到有咩詞語可以表達現時既心情。
40X：行源禾路唔嘥得你幾多時間，兼比學生搭番馬鞍山
43X：同 40X 做分工，而且兜馬鞍山西更費時
81C：主要客源係大圍
86C：有唔少馬鞍山客，一定唔係你所指既客量低
87K：傻的嗎？唔行馬鞍山路仲可以行邊？仲要兜埋入頌安都算特快
89C：邊到經圓洲角？
89D：提供廣源一帶來往東九龍。
結論：正確位置應是資源回收箱

其實你開頭話幾乎條條巴士線都係特慢線，但係深入逐一分析果陣就成日都話不算太慢、不算太差、已經算是比較好
會唔會有少少自打嘴巴 ?

住左起馬鞍山咁多年
我個人睇法，81C、86C算真係慢既巴士線喇
81C而家上繁分拆做281B同281X情況總算有改善
86C我真係理解唔到點解仲要兜大圍 期望盡快開86X全日

但其他線都唔算好慢
40X 89D 雖然起馬鞍山兜蛇形，但始終錦英利安翠擁華庭等都有需求，而且車程(富安<>烏溪沙)頂多都係15分鐘左右
680 去金鐘方向就的確要好多時間，但回程就反而快D
681 唔洗講喇.. 特快兼少站　非繁起馬鞍山22分鐘出到灣仔仲想點
682 東區算係咁.. 82 可以叫慢慢流　682 有幾快就飛幾快 第一城有大需求(特別回程)實在難免

其實馬鞍山既交通已經算係咁.. 馬鞍山起沙田最篤篤都已經有幾條路線唔做大涌橋路
嫌巴士兜咩 ? 又有東鐵(大學)同馬鐵
以慈雲山為例丫.. 最快既302過海都可能唔夠681黎呀

如果我響耀安出 TW 一定坐 40X 再轉車
因為隨時比 43X 更快

HB 9238 :我好大膽講
如果我響耀安出 TW 一定坐 40X 再轉車
因為隨時比 43X 更快

作為耀安人之一我都可以好大膽表示
43X一定唔輸得過一程40X連同等車既時間,
更何況你只係耀安出去荃灣
計番條數你既情況一程40X連轉車中間已經蝕左唔少時間

40X 要行埋禾輋瀝源冇錯係慢
但係麻煩你留意多一樣野
朝早返學下晝放學都好
40X 都會有一堆學生客
返學雖然冇咁多
但係亦都真係有堆人會俾貴錢搭40X 都唔搭86S
至於放學時間
有司機甚至話到6 點半D 學生都仲可以未走晒
就算城隧返烏溪沙站方向上完客仲有位坐
落到黎上完禾輋堆學生之後都可以照頂閘
40X 行禾輋瀝源係慢嫁喇
不過佢行入面真係幫到班學生lor

再講81C
睇落條線兜到傻 仲要同港鐵勁重疊
理論上應該好少人甚至冇人搭呢?
但係下晝3 點幾麼地道開既車我試過坐滿
6 點幾既我試過全車打爆
81C 都係慢嫁喇
但係都係有客坐呀~

兔 :

miklcct :只是未有像48X般兜入沙田市中心那麼離譜

48X我搭左接近二十年
由雞車/3BL搭到而家ATE

敢問閣下如果48X唔入沙中
有邊個站可以支持到西行方向48X既客量?

48X當然要入沙中，我所指的是40X迂迴情況只欠一個沙中就追得上48X。

其實幾乎所有路線都要行亞公角街，係因為歷史問題
而要將路線改快，即由「有」到「無」，該區區議員亦當然大力反對，
有時回頭想，如果當年馬鞍山的城市規劃唔係咁早就發展了富安花園區，
我諗依家好多市中心的巴士線都行左公路了，唔駛入亞公角街。

依家只希望黎緊區域性重組，可以提速少少：
86K,40X全日不入亞公角街
86C取消，改為86X全日雙向服務(經亞公角街)，減兩至三架車
86A延長至石門/濱景開出，加兩至三架車
89D全日不入黃泥頭，減一至兩架車
80X全日繞經黃泥頭，加一至兩架車
87D全日不經濱景花園及第一城，減一至兩架車
281A全日加停濱景花園，加一至兩架車(路線：原來車站-->第一城中心-->濱景花園-->上石門迴旋處出九龍)

我搭咗81C 7年，我o係兩點幾搭試過頂閘，三點幾架架車都有半車人

第二，你知唔知有好多人係搭81C唔搭港鐵，D人全部話大圍轉車煩(包括我)

唔趕時間真係可能得學生因為有半價而搭

晚上十點幾仲係架架頂閘

少人真係得早上十點幾 樓

P.S 樓樓樓上：六點幾一定多人架...

40X：瀝源 + 禾輋冇左 40X 我遲放學搭咩車番去馬市 ?
　　唔好叫我搭 810 , 如果 5 ~ 6 點係瀝源 + 禾輋上到車已經係神蹟
43X：開發馬鞍山個陣邊到有個市中心比你入呀 ?
81C：唔入沙田特別車都冇乜人搭 ,仲想唔入大圍 ?
85K：唔通搭 810 ?
85X：冇左 85C 唔入圓洲角教我點係圓洲角搭車去馬頭圍呀 ?
86C：我唔多覺 86C 冇乜客囉
86K：又搭 810 呀 ?
89D：馬鞍山內兜蛇形，之後到大隧口卻不知幹什麼要屈入小瀝源。難道這是黃泥頭唯一一條直上大隧的路線？！
99：要我預時間搭條 99 , 咪啦
680：182 行到紅隧我架 680 都差唔到出到銅鑼灣啦
681：呢條線依家開根本唔會咁特快啦
682：682喎 , 就根係跟 82 咁行啦

miklcct :整個馬鞍山那麼多人，居然只養得起一條真正屬於自己的市區特快路線？！亞公角真的需要整個馬鞍山的巴士作支持嗎？難道是沙田醫院作怪？行到圓洲角其實已經很盡了，碌到大圍真的是忍無可忍。為什麼不能好好利用沙田路及沙瀝公路呢？

好明顯係富安出事啦 , 冇左富安條條馬鞍山線都根本可以唔兜。