---

３月玩完火海出鬼手之後，放親假都落雨冇得行山，無聊冇事好搞就自學にほんご（日本語），所以潛左水
４月，終於上返水，所以就跟網團一齊黎上水

---

偷渡邊境大石磨．驚險落石麒麟崖！

成個月落雨冇行過山，絕於都有一日陰天既假期！於是跟網團一行近４０人，
早上一齊閒走邊境既大石磨山同鐵坑山，北區邊境路線自己從來未行過，
對於近期係咁玩長途線既自己黎講，大石磨同鐵坑山都只係熱身！


起河上鄉等齊人之後，走上車路到羅湖懲教所，途中見到馬馬過馬路，之後走到懲教所後面上山，
走完有ｄ斜既車路就到大石磨山昔日既瞭望台處，北望（嫌い）既神洲！
仲有羅湖既邊境，之後落山到車路，向鐵坑山前進，穿過邊境既刀片狀鐵絲網，正式偷渡！ＸＤ













鐵坑山最特別都係鐵絲網圍成既網陣，仲望到另一邊落馬洲邊境，
途中又見到黑草羊，以前公司邊既車房成日見，不過似乎冬天比人劏左黎食，但野生既又真係第一次見，
之後落山，明明有大路唔行，又要穿個矮林，為既就係出返落馬洲警署，
本身話唔駛穿林既領隊又呃左大家了！ＸＤ

---

下半場．麒麟西崖


之後又走上悶悶既車路，到下半場既麒麟西崖，十幾人照原定計劃中途退隊，剩低既就繼續玩！
走入麒麟村，穿過特大既何氏祖墳，正式剷上山到崖底，呢個崖夠晒嚇人，一路行一路腳震震，
有好多位背後就係幾十米既高空，仲有就係未知本身係咁，定係因為連場大雨所致，泥地位好多都軟軟地，
石位亦有唔少都係鬆鬆地咁，現場既環境，比自己影返黎既相更加驚險，一失足保證千古恨！
爬到一處，上面突然落石，兩舊大石起正面前飛過，自己避得過，側邊既行友就中招，腳腕受傷了，
下面仲有十幾人，好彩最終下面既人都冇事，算係不幸中之大幸！
之後只剩低少少既崖要爬，但ｄ位都幾難搞，明明自己冇畏高，不過起接近８０度斜度既崖邊，
今次有ｄ位都提唔起信心，結果本身起中前位置，上到頂果陣已經係包尾，到頂行友再幫傷者包紮完，慢慢行返出古洞離開！






















後記：
上半場，講真真係冇野好講ＸＤ，如果係好天既話相信個漁塘境會好突出
不過神洲ｄ高樓，老實講真係興趣麻麻！
下半場既麒麟西崖．．．自己玩過狗牙嶺，都仲叫做應付到，但呢個麒麟西崖，有ｄ位真係嚇到腳仔軟了
好多位近乎垂直，加埋落石呢下，真係畢生難忘，似乎呢個崖又到左自己既極限了
再難ｄ既崖我怕應付唔到了



＞＞＞＞更多圖片＜＜＜＜

ＴＨＸ　ＦＯＲ　ＲＥＡＤＩＮＧ ．