當失魂的Gray遇着正直的林仔，Gray有福了！林仔昨晨乘搭巴士在美孚下車時，一腳踩落一個載有逾7萬元現金的紙袋，但他拾金不昧，即時報警；此時已身在油麻地的年輕酒吧老闆Gray，剛發覺自己丟了巨款慌忙報警，幸他遇上大好人，最後物歸原主。

路不拾遺的大好人是人稱「林仔」的陳仲林（59歲），與妻子和已成年的兒子一家三口同住荃灣大窩口邨，他任職新渡輪維修員，每日往昂船洲上班前，林仔習慣先到麗都灣游早泳，再乘搭巴士往美孚飲早茶。林仔愛好遠足，曾參加毅行者及馬拉松長跑，多年前他亦曾於城門水塘拾獲銀包交予警方，事後獲當局發感謝信表揚。
林仔事後打趣稱：「咁多錢！我都掙扎過一、兩秒㗎！哈哈！」陳太亦笑說：「衰佬吖！執到咁多錢都唔畀我使！哈哈！」她盛讚丈夫為「好老公」，「都冇揀錯佢！幫到人咪好囉！」
失魂物主微醉搭巴士

事發於昨晨6時許，林仔如常搭巴士於美孚新邨對開分站落車，他剛踏出車門即踩中路邊一個紙袋，他好奇下撿起查看，赫見內有74,000元現金及一些單據，立即報警，並隨街拾起垃圾膠袋包裹該筆款，其後交予到場警員，警員在他面前點數及登記下林仔的個人資料。約10分鐘後，警方亦接獲姓林（23歲）青年於油麻地區報案，表示遺失了一包巨款。警方調查後證實林是該筆失款的物主後物歸原主。
原來這名失魂青年洋名叫Gray，在元朗區經營酒吧，家住油麻地，事發時他剛下班帶着盛有7萬多元公司營業額及單據的紙袋，搭乘巴士回家。據稱，當時Gray微醉坐在下層近門口位置，疑期間盛着巨款的紙袋意外掉在車廂地面，至美孚巴士埋站落客時，紙袋疑被落車乘客踢了出車外，但Gray一直懵然不知，直至在油麻地下車時才驚覺失款，慌忙報警，幸失而復得。
http://hk.apple.nextmedia.com/news/art/20130423/18237189

我都試過成個銀包跌左喺架好多人搭既巴士,好左最後都個站長打返黎

Gary和樓主你都算好彩, Gary都叫是有個袋裝住, 唔開都未必知是錢, 但樓主成個銀包跌左在架多人搭的巴士, 人地一見到個銀包一睇就知入面會裝錢, 無俾其他人拎走到個銀包, 所以樓主都算好彩
有時未必是只是唔見錢麻煩, 唔見其他身份證, 卡, 學生證都超麻煩
PS條片寫Gary, 但原文打左Gray

只可以講, 喺依家呢個年代, 仲識得路不拾遺嘅人真係已經唔多

看到令我想起ー單大陸新聞:
有一個人,攞住他ー整年賺回來的錢去坐電單車,轉彎時不小心將錢弄掉在街上,人們就立刻停車去搶,警察找到他們,他們否認
從此看得出大陸好無良心,雖然唔係宜家先知,但係我覺得我係中國人講出來唔覺得好光彩
我看見大陸人錦自私,沒良心,我好傷心,我有時係到念,係唔係果到太多衰人先搞到有d想做好人都冇得做?

jaylei1900 :看到令我想起ー單大陸新聞:
有一個人,攞住他ー整年賺回來的錢去坐電單車,轉彎時不小心將錢弄掉在街上,人們就立刻停車去搶,警察找到他們,他們否認
從此看得出大陸好無良心,雖然唔係宜家先知,但係我覺得我係中國人講出來唔覺得好光彩
我看見大陸人錦自私,沒良心,我好傷心,我有時係到念,係唔係果到太多衰人先搞到有d想做好人都冇得做?

根本呢個就係文化差異問題,
呢 D 野根本冇得去改, 因為已經成為習慣,
難聽 D 講, 個代 o既人一日唔死都好難可以改善到成個社會 o既風氣 ~

真係要俾N個讚Gary
面對7萬蚊最後都俾反物主
好似Gary既人真係少之有少
樓主真係好運,失而恢得