晌昨晚（6/7/2013），大家可能已經睇過一幅來自澳門既相片，話有一名香港巴士迷晌澳門拍攝 E01 線電動巴士時候，晌路氹連貫公路直頭跑過對面線影部車。
去年我曾經搭的士經過有關路面都知道條路可以行到 60 甚至 80，所以大家可以想像有幾咁危險。

但係呢張澳門既相晌晚上十一點被人發現懷疑涉及一名香港資深巴士迷之後，全個 Internet 好似靜晒咁，噤聲添呀，唔知真係以為共產黨殺到黎要封鎖網絡。
甚至連其他討論區所有討論亦唔見有。

呢個現象既奇怪程度，可以解釋一下，就係之前既新加坡一字排開影熱狗，同埋較早前天瑞路一字排開拍攝 69X 懷舊巴士事件，
再數遠 D 就係去年熱狗退役前 D 瘋狂攝影法，都有好熱烈既討論，亦全數有圖（甚至有片），大家都集體話班人咁做影衰香港巴士迷，
但係當一去到一個有返咁上下資歷，又有 D 聲譽既巴士迷既時候，各位朋友，你地去晒邊度？

我就唔係好想將人地置諸死地，但係當大家成日譴責人地點點點幾時候，一見到哇熟人播，全部收聲。
經過今次，我終於明白點解新加坡、天瑞、獲加道等等有事發生，因為部分資深巴士迷認為咁危險既動作，冇問題，跑我照跑，衝出去就衝，企路中心影相亦唔係問題，
呢 D 叫大教壞細，細路仔見到，結果有樣學樣，之後惡性循環，我地點叫人唔好走出馬路，唔好一字排開，唔好呢樣個樣，廢話黎架，嘥氣啦...

真係火都黎埋，我覺得一定要出黎講兩句野，
原來我地一路鬧巴敗既朋友，我地真係傻架，幫人教仔，點知根本冇用.....

檸少 :晌昨晚（6/7/2013），大家可能已經睇過一幅來自澳門既相片，話有一名香港巴士迷晌澳門拍攝 E01 線電動巴士時候，晌路氹連貫公路直頭跑過對面線影部車。
去年我曾經搭的士經過有關路面都知道條路可以行到 60 甚至 80，所以大家可以想像有幾咁危險。

但係呢張澳門既相晌晚上十一點被人發現懷疑涉及一名香港資深巴士迷之後，全個 Internet 好似靜晒咁，噤聲添呀，唔知真係以為共產黨殺到黎要封鎖網絡。
甚至連其他討論區所有討論亦唔見有。

呢個現象既奇怪程度，可以解釋一下，就係之前既新加坡一字排開影熱狗，同埋較早前天瑞路一字排開拍攝 69X 懷舊巴士事件，
再數遠 D 就係去年熱狗退役前 D 瘋狂攝影法，都有好熱烈既討論，亦全數有圖（甚至有片），大家都集體話班人咁做影衰香港巴士迷，
但係當一去到一個有返咁上下資歷，又有 D 聲譽既巴士迷既時候，各位朋友，你地去晒邊度？

我就唔係好想將人地置諸死地，但係當大家成日譴責人地點點點幾時候，一見到哇熟人播，全部收聲。
經過今次，我終於明白點解新加坡、天瑞、獲加道等等有事發生，因為部分資深巴士迷認為咁危險既動作，冇問題，跑我照跑，衝出去就衝，企路中心影相亦唔係問題，
呢 D 叫大教壞細，細路仔見到，結果有樣學樣，之後惡性循環，我地點叫人唔好走出馬路，唔好一字排開，唔好呢樣個樣，廢話黎架，嘥氣啦...

真係火都黎埋，我覺得一定要出黎講兩句野，
原來我地一路鬧巴敗既朋友，我地真係傻架，幫人教仔，點知根本冇用.....

我反而想知呢位巴士迷有幾「資深」......

有關人士係邊個可以 PM 講，話晒我而家係批評呢個部分巴士迷包庇做錯事既人，同埋點解永遠都有呢 D 衝出馬路等等既事件。

當時我在場, 總共有四位香港巴士迷 (因為澳門冇邊幾個用到長鏡, 而且澳門巴迷幾少, 基本個個都見過, 所以直覺就認為係香港嘅). 係湖畔大廈個巴士轉乘站已經一字排開, 但係條車道又唔係寬, 一排就已經成條車道幾乎等於封左. 我哥時係部 E01 上, 車上乘客已經大鬧佢地 (當然佢地聽唔到).

到部車走嘅時候, 佢地已經過左去轉乘站出面, 睇下面幅圖應該明 (三個企係粉紅色點, 一個係藍色點, 我同另外一位唔係巴迷嘅 Friend 係黑色點), 原本就應該好順利, 但係部 E01 轉出嚟哥陣岩岩好有位地盤工人經過, 個三個其中一個即刻大聲叫佢走開, 但係都係影唔到 三個入面其中一個係部 E01 等燈嘅時候跑左去黑色點度, 其餘兩個就用行人天橋過去, 當時我同個 Friend 真心笑左, 真係未見個有巴士迷會瘋狂成咁 最後用行人天橋哥兩位當然影唔到, 聽到佢地好大聲咁講粗口. 其實影巴士者, 而且呢條線好快就一轉, 可必要咁呢?


多言了...
利申：澳門巴迷

上次個單非洲大草原天水圍生物大遷徙都有人可以將D唔啱嘅野都合理化,去將件錯嘅事合理化成件冇問題嘅事

竟然俾一小撮巴敗破壞全行形象

邊度可以睇到張相?

3av151 :上次個單非洲大草原天水圍生物大遷徙都有人可以將D唔啱嘅野都合理化,去將件錯嘅事合理化成件冇問題嘅事

竟然俾一小撮巴敗破壞全行形象

再加埋今次呢單，友板（加埋 BDB 年代）起碼 13 年板齡既朋友，
即係話比你知之前發生既事點鬧都係嘥氣，因為破壞係會被人傳承，一代接一代...

tomlee721 :當時我在場, 總共有四位香港巴士迷 (因為澳門冇邊幾個用到長鏡, 而且澳門巴迷幾少, 基本個個都見過, 所以直覺就認為係香港嘅). 係湖畔大廈個巴士轉乘站已經一字排開, 但係條車道又唔係寬, 一排就已經成條車道幾乎等於封左. 我哥時係部 E01 上, 車上乘客已經大鬧佢地 (當然佢地聽唔到).

其實外島 D 路已經叫闊過澳門本土架啦，同埋乜一定要企出馬路先可以影到架咩？

tomlee721 :到部車走嘅時候, 佢地已經過左去轉乘站出面, 睇下面幅圖應該明 (三個企係粉紅色點, 一個係藍色點, 我同另外一位唔係巴迷嘅 Friend 係黑色點), 原本就應該好順利, 但係部 E01 轉出嚟哥陣岩岩好有位地盤工人經過, 個三個其中一個即刻大聲叫佢走開, 但係都係影唔到 三個入面其中一個係部 E01 等燈嘅時候跑左去黑色點度, 其餘兩個就用行人天橋過去, 當時我同個 Friend 真心笑左, 真係未見個有巴士迷會瘋狂成咁 最後用行人天橋哥兩位當然影唔到, 聽到佢地好大聲咁講粗口. 其實影巴士者, 而且呢條線好快就一轉, 可必要咁呢?
[ 圖檔 ]

多言了...
利申：澳門巴迷

即係囉返上年我出過篇大埔打吡，條 71S 都係好快一轉，都已經搞成咁，呢條 E01 40 分鐘一班，對班人黎講已經係好疏架啦，
而且 D 人我又唔明，影唔到可以擇日再影，而家又唔係話下星期中國的會爆炸，急黎唔知為乜。

究竟係香港巴士迷出左咩問題，下下影唔到、被車阻、被人阻就要生要死咁，呢點真係值得大家研究一下班人咩心態...

S3N337 :邊度可以睇到張相?

因為板規我唔方便直接貼出，你去小弟網站個 Facebook 專頁睇啦，今日睇既應該排得好前...

檸少 :其實外島 D 路已經叫闊過澳門本土架啦，同埋乜一定要企出馬路先可以影到架咩？

澳門啲路實在太窄, 要影到一張好標準嘅標準相真係幾難 (當然, 澳門唔似香港下下要標準相)

檸少 :大埔打吡，條 71S 都係好快一轉，都已經搞成咁，呢條 E01 40 分鐘一班，對班人黎講已經係好疏架啦，
而且 D 人我又唔明，影唔到可以擇日再影，而家又唔係話下星期中國的會爆炸，急黎唔知為乜。

究竟係香港巴士迷出左咩問題，下下影唔到、被車阻、被人阻就要生要死咁，呢點真係值得大家研究一下班人咩心態...

但係部車 20分鐘就番到, 可能因為太著重標準相, 泊係度任影嘅大頭位未見佢地影過

如果唔會被標準相局限著, 相信會和平好多而且唔會發生企馬路嘅事

影到架車咪得囉，何必拘謹於標準唔標準，大頭唔大頭嘅相呢？
大家都講架車好快一轉，影唔到咪等下一輪囉，講粗口衝馬路，為咗張相自毀形象，值得咩？

ttl40908189 :影到架車咪得囉，何必拘謹於標準唔標準，大頭唔大頭嘅相呢？
大家都講架車好快一轉，影唔到咪等下一輪囉，講粗口衝馬路，為咗張相自毀形象，值得咩？

對佢地嚟講，張相大於一切，當一個人對一樣野為之瘋狂嘅時候，呢樣野可以大過條命。

或者班「惡霸」俾個班次表製造錯覺，八個字一班的確有些少驚嚇。

至於形象，佢地唔係自毀咁簡單，而係將「巴士迷」個朵整臭，下次出街影車俾人蔑嘅時候，記住多謝佢地

而家果班根本係一班自我中心既小朋友
完全唔會理會其他人感受,
淨係活響自己既世界

再加上佢地(屋企人)有錢,
可以買大量器材,
已經唔同上一個年代喇

樓主小心陣間又俾人問關你鬼事

道路安全永遠係最重要，唔顧別人都要顧吓自己
咁搞法係損人不利己

公開係邊個啦，呢期香港bus plastic既呢D"6+1"事成日都喺外地傳返嚟，真係正宗“6+1"到核爆！

啲"超勁"嘅HUGE C唔可以得罪架