日落前先到心經簡林一遊, 志在知道稍後登山既入口


之後番到青年旅舍用膳, 鋤下 dee 又訓下教咁, 磨下磨下正式響 0330 出發
上山路途雖長, 但崎嶇情況卻無自己本身所想咁禁嚴重, 但絕對係對體力既一大考驗,
幸而大隊行走速度唔算太快, 歇息時間亦有唔少, 先令自己體能不足既致命傷能夠被掩飾
而事實上路程亦比我想像中短, 最後響 0500 已經能夠上到頂
上到去已經見到個天開始有藍色出現, 於是即刻落架





個天光得十分之快, 短短幾分鐘間已經由伸手不見五指變成睇清同伴樣子




但另一邊箱則依舊有巨量煙霞


遠方雲層不薄, 霧亦未有揮去跡象, 正當開始失望之際, 咸蛋黃已慢慢從遠方升起





回望另一邊, 煙霞還在, 幸好仍可有機會俯視腳下的白雲, 享受大地在我腳下既一份優越感覺



0620 開始行番落山, 最後 0740 終於重返心經簡林, 完成是日日出之旅
依家睇番都唔相信自己能夠征服呢一座大山



總結泥講今次既行程真係非常難忘, 亦估唔到第一次上就成功睇到日出

Thanks for reading

恭喜ｃ兄一次就ＫＯ鳳凰日出！
鳳凰觀日真係超級講運氣既事黎，即使周圍好好天，鳳凰山都可以係一大舊雲起山上面的
我上年都可以同你一樣一次就ｋｏ左，的確係可喜可賀！
旭日初升既感覺，真係好難忘的

另外Ｃ兄起心經簡林到上山，上斬柴坳果段叫做天梯，遠足界入面都出晒名係辛苦野黎

＊今年我都有幾處想睇日出既地方（田下山，吊燈籠，大東，鳳凰，仲有萬宜），就係一直夾唔岩天氣同時間呢

《 KODA KUMI 》 :恭喜ｃ兄一次就ＫＯ鳳凰日出！
鳳凰觀日真係超級講運氣既事黎，即使周圍好好天，鳳凰山都可以係一大舊雲起山上面的
我上年都可以同你一樣一次就ｋｏ左，的確係可喜可賀！
旭日初升既感覺，真係好難忘的

另外Ｃ兄起心經簡林到上山，上斬柴坳果段叫做天梯，遠足界入面都出晒名係辛苦野黎

＊今年我都有幾處想睇日出既地方（田下山，吊燈籠，大東，鳳凰，仲有萬宜），就係一直夾唔岩天氣同時間呢

多謝師兄先 其實去之前都知鳳凰山 d 天氣真係無得估, 市區好天都唔等於上面會一定睇到, 但真係無諗過今日一次就搞得掂
至於天梯果段, 可能因為多人一齊行啦, 所以雖然兩邊都係崖, 但感覺上都唔算太難搞. 而事實上堆石級亦非常明顯同實淨, 比起其他山既爛路同碎石反而仲踏實, 行起上泥亦無咁淆

但睇日出真係一件好需要精神既事, 睇完番到屋企沖個涼一訓就差唔多夠鐘食晚飯, 如果唔係有長假期真係未必會再咁玩

罪人 :多謝師兄先 其實去之前都知鳳凰山 d 天氣真係無得估, 市區好天都唔等於上面會一定睇到, 但真係無諗過今日一次就搞得掂
至於天梯果段, 可能因為多人一齊行啦, 所以雖然兩邊都係崖, 但感覺上都唔算太難搞. 而事實上堆石級亦非常明顯同實淨, 比起其他山既爛路同碎石反而仲踏實, 行起上泥亦無咁淆

但睇日出真係一件好需要精神既事, 睇完番到屋企沖個涼一訓就差唔多夠鐘食晚飯, 如果唔係有長假期真係未必會再咁玩

的確，睇一次，頹成日，只可以講"老了"

睇完日出，鳳凰山就只差雲海未睇過，不過呢樣野仲難遇到