下午放工繁忙時間，兩巴狂開104到入境事務大樓等客，九巴之後到新巴，新巴之後又到九巴，如此類推，令到104要排隊入站，基本上無時無刻都有一兩部104等客。如果該104是空車起載，基本上只坐了約1/3座位就要離開，以免阻塞後車過久。與此同時，有不少其它路線卻是班班車企人，有部分班次甚至頂閘，例如18P、307、720等。難道104的客特別尊貴，要兩巴開專車服侍？！18P、307、720的客就如同禽獸一樣，要在車廂裏動彈不得，像豬車、雞車裏的豬、雞一樣？！

特別尊貴?
當然唔係

只係104 係下繁灣仔多客
104成日脫, 令到104係灣仔堆灑D客, 如果前面上完去到灣碼真係頂閘
可能卑人 port 得多, 加上有$賺, 再加上104係去堅地果時塞到不知所謂
所以先有咁的情況

同埋以到可以解答到你
http://hkbus.wikia.com/wiki/%E9%81%8E%E ... 4%E7%B7%9A

另問係咪成日有??

021139 :另問係咪成日有??

係平日逢星期一至五都有
另外，新巴更有「入境事務大樓往紅隧收費廣場」及「入境事務大樓往旺角弼街」短棍

樓主不如去泳池同灣碼睇下先大發厥詞啦。

係咪特別尊貴我唔知，我只知以我每次繁時或晚間搭嘅情況睇，係灣仔北上車嘅乘客係好多囉。
其實你有得投訴，唔明點解要咁樣嘈~

其實好多時970蒲飛路特車都係未坐滿就要過海，咁係咪970客又特別尊貴？

之前好似聽講過104的重災區係灣碼同泳池，其實一個站坐了約1/3座位=30人左右都算多客吧

104係游泳池可能唔多客
但問題係下繁104車未必密(有都可能踢走左)，黎左都可能上唔到

watery :其實好多時970蒲飛路特車都係未坐滿就要過海，咁係咪970客又特別尊貴？

之前好似聽講過104的重災區係灣碼同泳池，其實一個站坐了約1/3座位=30人左右都算多客吧

970蒲飛路特車到西閘已經接近坐滿，去到水街更會頂閘

miklcct :

watery :其實好多時970蒲飛路特車都係未坐滿就要過海，咁係咪970客又特別尊貴？

之前好似聽講過104的重災區係灣碼同泳池，其實一個站坐了約1/3座位=30人左右都算多客吧

970蒲飛路特車到西閘已經接近坐滿，去到水街更會頂閘

而家暑假蒲飛路特車坐唔滿就一啲都唔出奇
往日返學日子就任白樓都幾乎可以打爆一班特車
但我試過最犀利嗰次我喺寶翠園上完就已經打爆...

isar :104係游泳池可能唔多客
但問題係下繁104車未必密(有都可能踢走左)，黎左都可能上唔到

就算密
靜係入灣碼條路塞一塞, 咩都係咁先

isar :104係游泳池可能唔多客
但問題係下繁104車未必密(有都可能踢走左)，黎左都可能上唔到

灣仔泳池點會唔多客？
我聽老豆講，以前未有特車時，灣仔泳池條龍閒閒地海港中心橋底再屈返轉頭。
只係我諗因為有入境處特車班人過哂去搭。

有d小巴係總站上13個就當滿客
so?頭站上車一定係賤民嗎?

試過多次入境處搭104
－半吉車入站，單係入境處個站都上到上層坐滿（下層應該都唔好得去邊）
　灣碼都好多人上車（有人無上車，可能因為頂閘），之後仲飛埋訓練池站
－吉車起載，入境處個站上到上層只有單丁位，灣碼同訓練池都有好多人上車

灣北個需求真係唔細，而且104係唯一經紅隧站既車

講尊貴，點都唔夠101的客尊貴
我經常都見到101半吉過海，我搭咁多次104都未見過佢過隧道時上層有窗口位坐

GR9096 :

isar :104係游泳池可能唔多客
但問題係下繁104車未必密(有都可能踢走左)，黎左都可能上唔到

灣仔泳池點會唔多客？
我聽老豆講，以前未有特車時，灣仔泳池條龍閒閒地海港中心橋底再屈返轉頭。
只係我諗因為有入境處特車班人過哂去搭。

咁我相信都係繁忙時間比較多人姐
同埋尾站上車問題真係不容忽視

樓主你不如下繁去游泳池等下104就會明白架喇..
再唔係去隧道口睇下都得..
基本上真係唔企都坐剩單邊...