請問有冇師兄記得當年新巴10.6m tridetn 剛剛賣去鐵記時, 如果車身冇banner的話, banner位係有冇鐵記 logo?

小弟可以形容一下
批二手鐵巴去到大西北「開荒」時0既樣:

車頭
變化就只有車隊編號
由新巴版0既「車頭左邊綠細字」
變成「粗體大字」(位置:中央沙板上的左邊)

車身
新巴的標誌被橙底紅字0既「九鐵(KCRC字版)」標誌蓋過....
一般而言:上車門同司機位對上0既位置
標上一個「九鐵」(雙箭咀)0既標誌...
(新巴兩側出現的車隊編號消失了:
同其他一手鐵巴一樣...)

[追加: 鐵巴0既「歡迎乘搭」白加藍告示
將本來新巴0既「16xx/14xx」蓋住...(邊個咁神奇諗到呢樣0野?!)
以上只係左邊門口位有,右邊的「16xx/14xx」已經俾鐵巴撕0左落0黎+補過油...
恐怕只有曾經晌新巴時代坐過佢地0既朋友,先會指得出呢樣0野...]

車尾
下層腰間(冷氣機同引擎之間的薄邊)上的新巴車隊編號
改成同車頭同款0既粗體大字鐵巴車隊編號
位置亦改晌引擎蓋的左邊...
另外,「九鐵」(雙箭咀)0既標誌
亦晌呢個「7字頭」編號0既同一層，中間0既位置出現
呢個「雙箭咀」對上冷氣機散熱位之上(尾牌之下),貼0左係綠色「載客許可證」...
(綠小車尾貼住,綠底黑字0既圓型標誌...)

PS 當日「新城大借車」(即係輕鐵大改組出事之後不久開臨時K巴,要同新城大借巴士「打仗」之事)0既「新」K巴
都係同一個款式配置...[不過,借車有K字(而且舊車隊編號「無遮無掩」),過檔車就無啦...]
至於「城K巴」(即係九鐵租城巴開S1/S2兄弟時0既城巴租車)...
配置除0左車隊編號沿用城巴0既編號(另加前面0既K字),同埋車頭牌箱城巴標誌消失之外...
同小弟上述0既「過檔橙」一樣....
(恕小弟資料太多...不時要改文「加料」... 請恕不便)