呢度指既唔方便，係因為兩飛唔同站
我諗有唔少版友都試過，大家可以分享下

例子一
我間中都會由灣仔去大角咀，本來有905/914兩飛，但自從914搬站後就好唔方便
其實我比較鍾意搭914，因為車程快一丁點，車費又平少少，但係就衰班次疏
咁好啦，有時唔想等咁耐車，就走去等架慢少少貴少少但密少少既905
點知架914出現，睇住佢又無得上，而架905又等極都唔黎.....


例子二
我有時會同屋企人由上環去維園，本來有5/10兩飛，但兩線唔同站
理論上10密車d，但比較多人搭，可能要企
5通常無咁多人，但就疏車好多
有時等10時見架半吉既5又無得追（同屋企人一齊唔跑得，我自己搭就無問題）



我知例子有好多
呢兩個係我相對遇上較多既情況

天水圍去上水都係
正常都係276A多車D密D
不過有時276B又少人D
見到276B有車又上唔到真係

兩飛唔同站已經唔係叫兩飛啦，講真..由你出門口搭車個陣已經揀左一條..

isar :兩飛唔同站已經唔係叫兩飛啦，講真..由你出門口搭車個陣已經揀左一條..

同樣例子就話說小弟以前係旺角返工
大埔出發去旺角睇到既數據有火車/巴士

但我個人就偏好巴士 , 一來有位坐 , 二來我唔近火車站
廣福道上車 , 睇落我當然 72X 最化算 , 但趕時間返工下
咁我會睇準埋 271 呢條線 , 雖然貴 D 亦都同樣幾多車下
始外我仲有 271P 幫幫手 , 有時撞到佢地真係逍遇著神仙

睇返我要去既站 , 其實只不過係聯合道
因為同時落車我會再轉 87D / 281A / 3C ( 81S )
281A 同 87D 都係最密果條 , 但獅隧朝早塞就玩完
3C 就撞彩數 , 有時一落車會痴你尾 , 但我唔中意 3C 停多兩個站
阻我差唔多三分鐘至五分鐘不等 ( 早上塞車 )
81S 都有幸搭過一次 , 最貴但最空車亦都最快 , 遲到撞佢最好彩
包保仲仆到返工司開工唔會遲 ( 落車地點 太子鐵路站 )

最唔方便既野 , 其實我覺得係價錢差距
但我叫兩飛果 D 係最方便的 ( 其實公司比錢又有咩所謂喎 ? )

isar :兩飛唔同站已經唔係叫兩飛啦，講真..由你出門口搭車個陣已經揀左一條..

我個意思就係，同一路段，有兩條線可以搭，但因為唔同站而無得叫兩飛，唔方便

或者我改一改個標題

以前觀塘返彩虹 通常都係排3D, 但係下繁3D成日都甩班又鬼多人
11C又唔知幾時先黎一班, 觀塘又冇得叫兩飛 (創紀都前後站)
15A更加唔好講兜到HIHI ,又疏到HIHI
行太子東果D通常都唔會考慮, 都行得幾遠(尤其以前冇采頤條天橋)
新界線同671都比較貴~

而家長青返彩虹, 成日都會諗究竟我搭42好定42C好? (一個係上路一個係下路)
42平但感覺慢同疏, 通常唔講時間都搭佢, 但呢排間唔中甩一甩班冇左架車~
42C好密感覺快D但又行得比較遠, 但我試過下繁係上路見到架42唔搭(其實果日要去九龍灣)
行去下路搭42C已經即刻有車, 但都可以係彩虹見返果架42..
自從呢次之後, 我趕時間既時候都會諗究竟我值唔值得比貴D行遠D搭42C??

2/722而家中環部分站都係相近例子,
雖然碼頭同交廣可以叫雙飛,
但當722下繁因為塞果個死亡圈令佢甩班嚴重既時候...

仁濟醫院返荃景圍,
39A 及 30 兩個巴士站起哂兩邊方向馬路 (即係關門口街),
仲要兩線又係疏車 ......

如果見到架 39A 走左, 想走過去坐 30 的話, 就真係要先行返去熊猫個邊過馬路再行返去 30 巴士站 (即 U 班),
如果唔好彩起過馬路 o既途中走埋架 30 就真係 ......

已經有一部車去到目的地,點解仲要有第二部相似路線既車停同一個站以方便D人叫兩飛??
大把地方得一條線去到指定目的地,甚至係冇

如果A線停站1,3,5,B線停站2,4,6
如果要就呢班咁既人,AB線咪要停晒1,2,3,4,5,6站??
做人唔好咁自私OK?

GK9141@93A :已經有一部車去到目的地,點解仲要有第二部相似路線既車停同一個站以方便D人叫兩飛??
大把地方得一條線去到指定目的地,甚至係冇

如果A線停站1,3,5,B線停站2,4,6
如果要就呢班咁既人,AB線咪要停晒1,2,3,4,5,6站??
做人唔好咁自私OK?

咁點解唔1,3,5或者2,4,6?

1318 :

GK9141@93A :已經有一部車去到目的地,點解仲要有第二部相似路線既車停同一個站以方便D人叫兩飛??
大把地方得一條線去到指定目的地,甚至係冇

如果A線停站1,3,5,B線停站2,4,6
如果要就呢班咁既人,AB線咪要停晒1,2,3,4,5,6站??
做人唔好咁自私OK?

咁點解唔1,3,5或者2,4,6?

咁樣做咪有D樓主既人係1/2/3/4/5/6站等車怨冇得叫兩飛囉

水街那個站904不停真的極不方便，尤其是970可以下繁連續20班頂閘飛站時，見到有未頂閘的904，以及德輔道中的905經過真的會埋怨無得上904。

GK9141@93A :已經有一部車去到目的地,點解仲要有第二部相似路線既車停同一個站以方便D人叫兩飛??
大把地方得一條線去到指定目的地,甚至係冇

如果A線停站1,3,5,B線停站2,4,6
如果要就呢班咁既人,AB線咪要停晒1,2,3,4,5,6站??
做人唔好咁自私OK?

咁點解你要有將荃, 要唔經觀塘??
296C甩班你又識得講有796C幫手, 當796C神咁拜!!
咁點解尚德要有796C你聲稱既神線? 點解要有條796C叫兩飛?
如果得條296C而佢有甩班你會唔會嘈??
點解要條2幫112? 112幫970系??
點解要118行東隧? 點解要旺角深水埗既人停哂觀塘??

誰是自私, 自私是誰??!!

miklcct :水街那個站904不停真的極不方便，尤其是970可以下繁連續20班頂閘飛站時，見到有未頂閘的904，以及德輔道中的905經過真的會埋怨無得上904。

水街同嘉安街已經巴士泛濫，你再叫904停站，條路上下繁唔使行了。

個人工作經歷: 基本上城新只要有同路空間, 都安排同一車站位置--例子: 2A,2X,8P灣碼方向中央圖書館起沿途各站, 該路段收費$4.1
但九巴就鍾意將一D可以叫飛嘅同向同總站路綫擺位前後腳--例子: 74X/80/80X/83X+268C/269C觀碼方向九龍灣(鐵路)站, 一組近淘大, 另一組近福淘街, 響74X/80/80X/83X個站位去觀碼方向見到268C/269C到果陣就..... (反之亦然, 不過係74X/80/80X/83X開走)

不過九巴屯門區去東九非繁忙時間終於都可以叫兩飛{有屯門公路轉車站(258D十月五日起入轉車站)}
原因: 如果小弟做完屯門D客後返回位於觀塘嘅公司---如果近大興/山景:
66M+258/9D vs 一程過258D
如果良田區:
58M+258/9D vs 一程過258D
屯市一帶:
60M/66M+258/9D vs 一程過259D
碼頭區:
59M+258/9D vs 一程過259D
以上兩飛, 小弟都以先到先上作準(天氣熱時早D有冷氣, 天氣凍時唔駛食咁耐風)