但是E50D的表現算否強差人意？
另外其實除了丹尼士、富豪和紳佳以外，還有甚麼好貨源？
我個人則認為猛獅乃是可選之首。

猶記得好耐之前(其實係06年 )MAN曾經base on佢Lion's City嘅格局整咗一架十米幾嘅兩軸雙層ND243F (A48)畀英國市場，但最後一張訂單都冇，結果MAN嘅雙層巴士喺右軚市場絕跡多年......
如果真係要入MAN雙層車，恐怕只能寄望佢將部Lion's City DD大改，而我個人對呢件事唔太樂觀......

Cheung Chun kit :香港主要因為 1997-98 年最普及最穩陣買得過既城市低地台三軸車得 Dennis Trident

其實重點係九巴及城巴在 Trident 設計時己有參與
對兩巴黎講都算係度身訂造
自然就會買得多

Cheung Chun kit :早係 1997 年 Volvo 想以低地台車取代 Olympian，個陣被民間稱為 "Olympian SLF" 既 B7L 引擎佈局已經係而家 ADL 新 E500 個隻側置引擎，但一部都賣唔出，要變返橫置引擎 B7TL 先大賣，去到歐六年代都要特登為佢地推出橫置引擎 B5TL

你講既應該係1997年推出既雙層雙軸B7L(Plaxton President殼)
雙層三軸B7L在英國(First)和丹麥(Arriva)都有,　但垂直引擎配置使此車不受歡迎

3ASV3-JE1672 :與其話新記要跟城記，倒不如話城記要跟新記。新記一開始已經用躉做開荒牛，仲一口氣入成幾百部。城記俾人限quota之前又入咗百幾部躉。到新城要再買新車，用躉陣嘅E500自然成為咗新記首選（城記當時以Olympian為主，但E500對城記仍有優勢）而城記又要同新記統一資源，結果齊齊買E500。

富豪唔重視呢個市場係一個可能，人地新加坡單單都幾百部上落，香港？百幾就有份

ADL嘅「度身訂做」服務其實一向都有，33xx已經係個例子。咁對比落，富豪顯得冇ADL咁會大改迎合巴士公司，但其實橙蛋條陣已經為九記改咗好多野。

躉係城記先入既（機場躉同客車躉,　1996/1997年訂)

富豪唔係唔重視,　而係:
1. 上一代既B10TL設計問題, 影響客戸往後選擇牌子
2. B9TL無中軸轉向
3. SBST母公司本身係Volvo股東, 當然多多支持Volvo

Naphthalene :猶記得好耐之前(其實係06年 )MAN曾經base on佢Lion's City嘅格局整咗一架十米幾嘅兩軸雙層ND243F (A48)畀英國市場，但最後一張訂單都冇，結果MAN嘅雙層巴士喺右軚市場絕跡多年......
如果真係要入MAN雙層車，恐怕只能寄望佢將部Lion's City DD大改，而我個人對呢件事唔太樂觀......

有一張訂單
英國Reading Bus買了一架
後來轉到Glasgow
這車可能同新福利2005年撻訂既雙層MAN有關...

henryfung1515 :

3ASV3-JE1672 :但其實橙蛋條陣已經為九記改咗好多野

但系九記都系買左50部橙蛋，咁樣VOLVO可能更唔重視香港，同埋橙蛋都系改啲好細微嘅野多（當然都係個好開始），同埋我覺得橙蛋部分野衰過舊蛋。
另外巴士公司應該購買其他廠嘅車。雖然齋買E500可以共用零件，維修方面好啲，但如果ADL間廠有問題又或者E50D本身有啲問題危害行車安全，咁樣會好大獲。到時先搵車就遲，九記都話好啲，有入開B9，新城都唔知點算。
歡迎討論

但係之前都有講到話 Volvo o既新一代車 (好似叫 B8TL) 都就黎出場,
以九巴訂車 o既作風, 理應唔會全部偏哂去一間廠,
我覺得當 Volvo 真係出 B8TL 個陣, 九巴應該都會訂埋一份 ~

MB720 :
躉係城記先入既（機場躉同客車躉,　1996/1997年訂)

富豪唔係唔重視,　而係:
1. 上一代既B10TL設計問題, 影響客戸往後選擇牌子
2. B9TL無中軸轉向
3. SBST母公司本身係Volvo股東, 當然多多支持Volvo

城記本身奧黏先係主力，躉都係佔少數。計埋城蠅：62(2100-2161) + 111(2200-2310) + 1(2700) = 174，對比當時奧黏其實只係個細數字。

1. 會受超豪設計影響到嘅客戶我諗只有新城，但新記訂完第一批超豪之後仍有加幾張單，城記則因quota問題冇得入
2. 奧黏個中軸轉向主要係避免條陣扭曲、減少中軸損耗程度，對架車轉向冇乜幫助，況且超豪年代已經冇呢個功能
3. 多多支持咪有錢賺囉

AVD1 :

henryfung1515 :但系九記都系買左50部橙蛋，咁樣VOLVO可能更唔重視香港，同埋橙蛋都系改啲好細微嘅野多（當然都係個好開始），同埋我覺得橙蛋部分野衰過舊蛋。
另外巴士公司應該購買其他廠嘅車。雖然齋買E500可以共用零件，維修方面好啲，但如果ADL間廠有問題又或者E50D本身有啲問題危害行車安全，咁樣會好大獲。到時先搵車就遲，九記都話好啲，有入開B9，新城都唔知點算。
歡迎討論

但係之前都有講到話 Volvo o既新一代車 (好似叫 B8TL) 都就黎出場,
以九巴訂車 o既作風, 理應唔會全部偏哂去一間廠,
我覺得當 Volvo 真係出 B8TL 個陣, 九巴應該都會訂埋一份 ~

其實富豪仲未公佈歐六三軸車會由邊款陣代

公佈咗嘅只有：
B5TL 代 兩軸B9TL
B8R 代 B9R
B8RLE 代 B7RLE

所謂嘅B8TL只係啲人預計出嚟......

雖然分開兩款主力車型有其好處，不過都要睇番間公司本身有冇能力玩兩款主力，如果唔係只會弊多於利......

AVD1 :但係之前都有講到話 Volvo o既新一代車 (好似叫 B8TL) 都就黎出場,
以九巴訂車 o既作風, 理應唔會全部偏哂去一間廠,
我覺得當 Volvo 真係出 B8TL 個陣, 九巴應該都會訂埋一份 ~

3ASV3-JE1672 :其實富豪仲未公佈歐六三軸車會由邊款陣代

公佈咗嘅只有：
B5TL 代 兩軸B9TL
B8R 代 B9R
B8RLE 代 B7RLE

所謂嘅B8TL只係啲人預計出嚟......

雖然分開兩款主力車型有其好處，不過都要睇番間公司本身有冇能力玩兩款主力，如果唔係只會弊多於利......

話曬九巴系全球最大私營巴士公司，咁都做唔到兩款主力嘅，就真系...當然，我唔否認3ASV兄嘅觀點，亦無否認九巴內部可能有好大財政問題而做唔到兩款主力（如果唔系嘅話新鴻基點會唔想做 ）
另外，巴士公司亦可能嘗試入B5TL或繼續入E400呢啲兩軸雙層，因為地鐵網絡越來越大，巴士客量只會越來越少，因此會越來越多線非繁無咩客但繁時又多客，呢啲線用兩軸雙層剛剛好，俾三軸雙層嘅載客量少啲，但又俾單層多，而且省油又省隧道費。另外，SCANIA N系又如何？

henryfung1515 :
話曬九巴系全球最大私營巴士公司，咁都做唔到兩款主力嘅，就真系...當然，我唔否認3ASV兄嘅觀點，亦無否認九巴內部可能有好大財政問題而做唔到兩款主力（如果唔系嘅話新鴻基點會唔想做 ）
另外，巴士公司亦可能嘗試入B5TL或繼續入E400呢啲兩軸雙層，因為地鐵網絡越來越大，巴士客量只會越來越少，因此會越來越多線非繁無咩客但繁時又多客，呢啲線用兩軸雙層剛剛好，俾三軸雙層嘅載客量少啲，但又俾單層多，而且省油又省隧道費。另外，SCANIA N系又如何？

其實我講緊黃色同橙色公司 你想多了

B5TL依家仲測試緊、E400出年有New Generation，而且香港又未限歐六住，等多陣先買都唔遲

Scania N系喺香港好似冇代理到......

dippy :但咁講似乎無解釋過點解城記會入哂ADL唔買富豪喎
以非低地台車嚟講, 城新都係以olympian為主
但SLF車就以ADL為主
都尚算平衡
但入底地台車以嚟, 新城(嶼)就揀左man+ADL
反而九巴就樣樣都有尐, 只係九巴同富豪一向買得比較多姐

香港巴士公司買/唔買乜車，相信除左有份決策既巴士公司內部人士，否則大家都係估估下，不過買車方向呢 d 有往績睇，都唔算盲估
不過首先中、九、新城、嶼巴其實唔可以完全混為一談，大家各有取向，嶼巴基本上可以當係非專利/旅遊巴公司咁睇，可以另文討論
九巴買車傾向兩間"正"廠輔以一兩間"副"，買既型號相當"英式"，主要係右軑地區 (新加坡、英國、愛爾蘭、鍾意) 鍾意既取向先買得多
新城傾向一間"正"廠，買車傾向要全能


要講城巴買咁少巨龍，基本上同新記買咁少超豪差唔多，似係純粹想搵一間最穩陣既"副"廠填埔"正"廠產品不足
城記 701 出牌前，非專加埋專利都已經出左幾百部 Olym，已經佔左車隊好大比重，試其他車相信主要係解決車源不足同埋本身 Olym 性能問題咁解，因此入夠一個佢認為足夠既份量就算
新記買超豪行九龍新界既新專營權線，當年巴壇普遍講既原因係超豪行車電腦可以係街邊 reset，壞車時毋需似三叉戟咁一定要勞煩拖車由港島過海營救，所以先後買左幾批黎行，尤其用黎行將軍澳個邊既新線，
5001 出牌前，10xx 11xx 30xx 14xx 16xx 幾乎出晒，只有少量同 50xx 同期出埋，同埋趕著要既 33xx，基本上已經係一手車車隊主力黎，準備以 Dennis 廠為"正"其他為"副"咁樣運作


九巴冷馬年代一向都係兩間"正"，好似量產型 Olym 就算起步比巨龍遲，最後都可以贏返轉頭
如果計埋中巴，第一架 LA 出現時 DA 已經出左兩批到第 36 架，之後 Olym 竟然都可以後來居上力追追到總數 89 部
以中巴咁細規模同埋 90 年代已相對無心戀戰下既經營方法，竟然仍然分出兩間"正"廠，其中一間重係最大競爭對手個標誌車型咁濟，呢樣已經足見 Olym 個種普及性
E500 近年係各巴士公司普及，最主要原因只係 Trident 時期食正晒鐵記、龍運、城記北大嶼山、新巴呢幾間公司渴車期，
佔車隊總數一大部分，算坐正成為呢堆公司唯一一間"正"廠，比起 Olym 有著其他廠競爭之一打低對手拎到最大訂單數量個地位爭得遠，頂晒龍只係數量上叫做可以贏到同級型號咁解......


講起對香港專利巴士而言既細廠，Scania 係香港算二奶命，由四十年前打入香港至今通常都係當代比較先進既車，但一路都只係"副"廠
由 70 年代中試 Scania Metropolitan 開始已經係，當年已經玩氣墊避震同全自動波箱 (原理類似而家既油壓/直結式波箱)
不過後尾 Scania 拆開 BR112 底盤自己賣，配一般車身廠；MCW 拆開個 Apollo 車身自己整埋 Metrobus 底盤，中巴選擇左後者
去到 BR112 (N112) 後續型號 N113，九巴先後入左 22 部呢 d "進步環保巴士"，無推斷錯既話好似係全港首批歐一同歐二車同電子油門車黎，但都無法令 Scania 攀上"正"廠地位
去到 K94，本身可以算係城巴自 quota 制後終於再有空間再買車，比歐三蠆早半年出現，不過可惜城巴好似買完一部後無乜 quota 再買 (定無意欲再買)
到 K95，算係填補左九巴當時對 ADL 車既不滿，加上 Scania 唔使飲尿，營運上對巴士公司有些少優勢，相信係九巴特登試 ASU 同埋城記試 8900 既最大原因
只不過要係零件貯存/油耗等因素之下，Scania 顯得無 ADL 咁"夾"巴士公司，自然至今都升唔到上"正"


如果講 2800，其實如果要數城記自 1998 年大買車後終於可以再入雙層車個刻，市面上比 2800 早出現既歐三車選擇似乎唔係特別多
當年仍然係分開九城新三間既時代，買車時或多或少會避開唔好同對手個規格或者形象完全相同
似乎因此城巴已唔太會考慮 Centroliner 同埋超豪 (不過城巴已經入過 Volgren 殼，有無考慮過入新加坡個類規格既 V 扒就唔知)
歐三蠆 (但 Duple 殼似乎已經唔再接新訂單，除非好似新巴個批本身相對特別貴既特別版 33xx，無 Duple 殼就幾乎同九巴或者新巴大量 ALX500 車身撞款) 同埋歐三 Man 本身就比 2800 更遲先出現
可以選擇既只有 Volvo B7LT (由一開始已經係歐三) 或者 2800，前者本身更係城市巴士格局 (只不過係右軑地區不受歡迎既縱側置引擎佈局)
不過可能因為兩者原本設計一開始未打算整三軸 (但可能一開始已有打算整掛接，至少 B7L 係)，所以選擇左最方便咁加第三軸係軀動軸前，而唔去砌成中軸軀動
本身呢兩隻車尾跨已經特別大，要合乎香港出牌條件似乎一係要好似 3N/DL 咁整特短前跨 (所謂特別為香港頂閘環境而設既短前跨，其實可能只係方便出牌之用)
一係好似 2800 咁整中軸轉向，將有效軸距拉長 (尾跨/有效軸距要唔超過 0.6 先可以係香港出牌，唔知條例幾時開始)
Volvo B7LT 本身無整呢樣野，近代巴士要裝輪椅板亦無謂要學 3N/DL 咁縮短前跨，就算城記要都出唔到牌，咁淨返 2800 已經算係當時一個唔錯既選擇
只不過唔夠一年後城記已經同新記合拼左，若以單一集團黎諗日後買車方向，相信都應該係跟隨平均車齡較新既新巴，將來如果訂差唔多款既車，零件貯存可以一氣呵成新舊車共用


去到 810x/550x 個代，有傳聞係由於訂單太細，得 28 架車，Volvo 未有興趣接
話分兩頭，外地巴壇亦有過傳聞係歐四年代起，ADL E500 齋殼 (其實主要既其他可選配底盤都只係得三軸 B9) 無得少量賣，要 50 部或以上或者撈埋其他車先肯賣
就算要揀 Volvo B9TL 三軸，應該都無得揀 E500 殼 (話晒較接近 ALX500)，最合理既選擇就係揀 Wright (聽聞 Wright 原本打入香港時第一銷售對象係諗過 sell 俾城巴)
以當時對面海 ATE/AVW 兩隻已經深入民心既曬命車型號比較，既然都係要跟風，似乎揀返 E500 抵玩少少，起碼動力配搭同舊 Trident 差唔多，講到尾都係 Trident 係新城車隊裡面數量上有壓到性既優勢影響一切


之後去到 7500，亦有傳聞話本黎城記搵車代赤柱線短車時首先係考慮 Volvo (或者至少係同聯絡 ADL 既時間相若)，雖然未經證實，但似乎都有兩個可能性
當年既 E400 Trident 係英國雖然非常好賣，但派車上對部分巴士公司黎講仍然有局限性，部分巴士公司會改買 E400 Man 偈 Trident 或者更常見既 E400 Scania N系行走長途/郊區線
其中一個原因係 E400 Trident 副偈只係 ISBe6.7，性能上唔太適合長途或者翻山越嶺線，要推動冷氣就更加勉強，
而 B9TL 係呢方面全無問題，本身同款既三軸冷氣車更一早係新加坡/九龍新界行緊，有著明顯優勢，唔似 E400 咁要成個引擎室改裝
而另外，新城當年三軸車幾乎已俾"正"廠 ADL/康偈玩晒，想早日尋求"副"廠，長遠計相信係想避免俾 ADL 吊高黎賣，如果可以用兩軸短車呢類數量有限既空決黎俾"副"廠玩就剛好達到目的
而 7500 (或 AVBWS) 失敗原因以往版友已經分析晒，而本身亦唔係咩先天死穴黎，呢堆缺點係九巴橙蛋上已經改良晒，但一切已成定局，搞得黎 70xx 幾批都出晒牌


而以往英國 E400 Trident 除左無力之外，另一局限係要飲尿，所以有 Scania N系底盤配 E400 車身，若要變成香港版，
Scania N 系改裝工程雖然比 B9TL 複雜，但應該可以比 E400 Trident 快，引擎室或者可以保留，只需諗辦法加裝冷氣
城記試 Scania K280UD，但車隊編號似乎只預留最盡 100 架車，似乎本身暗示緊佢雖然積極搵緊多幾種車源，但未咁快影響"正"廠地位
既然如此，如果當初 Scania 有遠見少少，將 N 系引入香港，而家行入赤柱可能已經係一堆 E400 車身 N270UD 服務緊大家，而取代 B6 既相信亦可以係同一款底盤，唔使再尋求其他 full-SLF 底盤供應商

Hin.307 :新既 B9 算唔算係為香港而大改 ?

其實近代車真係諗唔到邊堆算係"為香港"而大改，如果話車廠肯照顧巴士公司要求要造車呢樣唔出奇，話晒成幾百萬一部車，能力範圍內可以輕易俾到用家彈性既當然可以提供
但講到由設計一刻已經係為香港環境而整，最接近既似乎已經係第一代三軸巴士或者雞鴨個代車先稱得上
(有傳聞本身蘇格蘭都想訂一部鴨，同 Volvo Ailsa 拍埋比較，但 Dennis 搵藉口拒絕左個請求)


B9TL (初代歐三，只有三軸版) 變 B9TL 2型 (Ecolife 波箱年代開始，底盤亦有小變化，英國開始有兩軸版) 變成最新既橙蛋，變化係有，
但睇落去似乎係改良底盤機件分佈 (或許令維修/操控更佳)，無話邊一項係完全針對香港市場而設或者話個設計幾乎只適用於香港之類
好比 Trident 歐二變歐三再變 E500 歐三、四、五，個設計本身應該唔算特別為香港而設，
而車廠同巴士公司合作出車亦唔奇，尤其九巴呢類規模 (話晒 "世上最大雙層巴士車隊"，商業上應該有一定叫座力) 既車廠，
以往車廠主力型號大改，好似 B10TL 變 B9TL (類似規模有 E500 變新既 E50D) 九巴都有參與研發，但應該唔算得上太特別既事，九巴本身亦稱唔上呢堆"自己有份設計"型號既最大用家
(如果真係咁為左個別用家而造，唔買返一定數量似乎講唔過去，正如九記最後都斷斷續續買左幾批 AP，新巴都買左兩批 33xx)
正如 Ecolife 波箱首輪合拍車廠係 Volvo，而家大家搭 Ecolife E400 E500 都無因為個波箱本身唔係"為 ADL 設計"而無咁夾；
好似 Volvo 同 Wright 車身廠合拍多年，好多新產品都一齊研發，但各自亦有自家包辦底盤/車身既巴士出產，Volvo 亦容許部分型號有額外既車身供應商，純粹大家商業決定；
Enviro 500 殼本身黎自 ALX500、Plaxton President、Plaxton Concept 2000，後兩者最初係設計落 Volvo 車上，輾轉變成對手 Dennis 專用一體化設計，但所謂一手包辦既設計亦唔見得特別優秀
(係香港搭親 E500 架車都散散地，係英國搭車齡更高既 Plaxton President 殼反而重實淨，如遇 Volvo 底盤則效果更佳，即係"度身訂造"同質素根本就無必然關系)

3ASV3-JE1672 :ADL嘅「度身訂做」服務其實一向都有，33xx已經係個例子。咁對比落，富豪顯得冇ADL咁會大改迎合巴士公司，但其實橙蛋條陣已經為九記改咗好多野。

其實講到尾 ADL 比較度身訂造既車通常都食正無對手既時期，好似鐵記近年擴張要買 11 米單雙層車，Dennis 就已經有現成 11 米蠆係香港行緊
雖然 B10TL 當時已係香港出現，理論上都有 11 米版本，但相信快極都只係同可以即刻交貨既 Dennis Trident 平手，再加上後尾再入二手車，對象係新巴，將 Trident 個比例推到變成車隊主力
到之後買 11 米單層車，以輕量接駁用既單層 ADL 根本已經無對手 (B6 已停產，B7 又太大架)，更加將 ADL 既地位推到變成一間"正"廠坐正，E500 (甚至 E400) 打入鐵記都係食著呢個勢


至於 33xx，其實熱狗 Olympian 以至 B7TL 以至 B7L (儘管英國無人買) 都有矮版，理論上 B10TL 一樣可以，而整短前跨呢樣野亦非不可能
主要係設計返冷氣糟同樓底高度呢度係一大難題，不過總之事實就係 Dennis 本身早左一大步打入香港市場，新巴急著用車當然係 Dennis 最先開始設計就一於買呢間


"度身訂造"係有，但肯唔肯造，都係車廠睇自己產品個朵而定，ADL 一向勇於開托市場，比 Volvo 較進取都唔奇，但未算係有求必應，唯一肯定係就係 ADL 係宣傳字眼上一向都係高手，往往可以掩蓋缺點
以 E50D 所謂新版本，引擎改為縱左置擺放，所謂令地台斜度減低，個改良地方對乘客黎講幾乎無人會感受到，引擎室改進似乎係想趨向 E350H 或者對家 B5LH 方便日後發展其他動力版本多過真係對乘客有實際得益
引擎偏向左邊而唔偏向右，亦封左裝尾門既後路 (雖然香港出現三門 E500 可能性甚低)，個改動亦似係針對其他市場潛在買家多過針對香港既需要
反而有 d 野例如中尾軸距離太窄，前跨預留多少少位置裝多排凳 (理論上頭跨長左派車上會有局限，不過既然幾間公司都買 E400，似乎即係佢地心目中唔認為呢樣會係大問題) 呢 d 問題一路積落黎都無改善到
與其話新車係真係所謂特別為香港而改，不如話想掩飾除左香港同北美之外幾乎再無地方買 E500 (所以呢款車係"特別為呢兩個地區買家而設") 比較講得通


從前 E200 E300 E400 E500 各自都可以配唔同底盤同引擎落去，而家上 ADL 官網已經隻字不提，只有以往銷量不足既 E300 E500 介紹欄仍有少量提及其他廠牌底盤既資訊仍然未刪除
以最出名既 E200，對配上其他底盤既選擇更係隻字不提，亦完全唔見得有特別考慮過開發適合香港既版本 (主要係新城偏好 full-SLF 車)
只係接左一般普通版既訂單 (例如九記同鐵記) 就算，本身隻車系淨靠英國已經長玩長有，根本唔愁少左香港既訂單，更莫講會為左新創建"度身訂造"


調返轉，Volvo 一樣有度身訂造少量訂單既時候，不過主要係新概念公交系統或者環保呢 d 值得曬命既領域有關
好似特登同 Wright 合作搞既 Streetcar 模擬類似輕鐵既集體運輸系統，將成架 B7LA 底盤大改，將車尾機件部分重新編排改善車廂空間，再將前跨完全縮走，駕駛室都要重新砌過，改動比 33xx 大好多
某程度上重提供左靈感俾合作伙伴 Wright 自家研發類似模式既混能車同埋自家製同 ADL E200 抗衡既 Streetlite，Streetcar 之後幾年 Volvo 繼續自家改良 B9LA 底盤研發 Volvo Bus Of Future 既 BRT 系統
近年焦點就轉去混能同電動車層面，上 ADL/Volvo 官網消費發佈欄度，ADL 大部分新聞都係話又賣出幾多部 E200，Volvo 往往已經講緊又有幾多城市試驗/買左佢地既混能/電動車
其實如果香港政府資助巴士公司試環保車既細節無咁多政治考慮，以呢類可以大收宣傳效果既訂單性質而言，相信唔難見到 Volvo 好積極電動/混能/plug-in hybrid 推晒俾香港試，甚至為左香港區區幾部環保車左改右改

henryfung1515 :另外巴士公司應該購買其他廠嘅車。雖然齋買E500可以共用零件，維修方面好啲，但如果ADL間廠有問題又或者E50D本身有啲問題危害行車安全，咁樣會好大獲。到時先搵車就遲，九記都話好啲，有入開B9，新城都唔知點算。
歡迎討論

要講危險，如果真係有朝一日 B9 / E500 大問題到要即時停駛，相信就算每間公司都係兩隻車型各半，都一定應付唔到全日需要

而要驚都驚唔得太多，睇英國商用車出問題既回收紀錄，似乎邊間廠都差唔多，Volvo 容易燒車，ADL 容易油門/brake 失靈
(呢樣野係英國巴士司機圈子已經算公認，以往香港 d Dart 久唔久就離奇大撞，有人提及過係設計缺陷，收唔到油而撞車，睇黎真有其事，而且唔淨計 Dart 一款 ADL 車)
http://www.warrantyguide.co.uk/vehicle-recalls.html
http://www.dft.gov.uk/vosa/apps/recalls/