警告：綑邊多屬危險玩意．雨天下綑遊危險性更大．新手勿試！
>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<

---

一條濕滑既海岸．加個唔等人既領隊．．．

嗯！唔等人就只係講笑姐，不過綑邊之餘仲要打水戰，印象都幾難忘！
是日原本係綑大小鴉洲，不過船家扭計唔肯出船，結果要改線，一條完全都冇諗過會黎既綑邊線
竹篙灣．萬角咀！就咁聽都真係唔知兩條邊有咩野睇，再加上講到明會落雨，仲黎唔黎好呢？
既然已經攞左假，唔黎又好似浪費左我寶貴既假期，結果都係跟隊黎玩，原本有十幾人參加既鴉洲
改線後只剩８人，都好！人少少可以綑得快尐，等既時間又少尐，爛尾機會低尐！


人生裡第一次起欣澳站出閘，經車路去到地圖上叫灣篤既地方落排洪渠道，之後就綑渠邊
其實原本呢到係向住大海的，填海填左個迪士尼出黎，一開始已經萬分刺激既海岸就變得平平淡淡
不過以前侵蝕出黎既奇特岩岸，卻幸運地冇被渠道破壞，因為一直落住雨，原本已經唔算易既綑邊海岸
再加上濕滑既岩石，難度增加左唔少，唔怪得原本覺得只值3星既路線會標示為4.5星啦
跟住個渠邊綑完，轉個灣就到四白咀，開始對住茫茫大海，前面幾個天然沙灘：四白，三白，二白
名字真係幾得意，不過二白似乎亦只係得返地圖上既名稱，原有既沙灘應該已經填左
去到愉景灣，上半場玩完！












搭程免費車去到愉景灣碼頭，一人離隊，剩返７人開始下半場，經神學院既小徑前往梅窩
當然，就咁行大路邊到有癮呢？去到神學院對開既碼頭，接上山路，明明地圖係一條實橙色線既大路
實際係一條爆林爆到傻既穿林線，條褲原本已經乾得七七八八，結果又要再濕過
從山路繞過狗虱灣爆炸品倉庫，下山後終於黎到萬角，一條遠離人煙既小村落，可能我地實在太樣衰
婆婆將我地當晒賊，問完你地做尐乜，答完行山又反問一句「行山做乜戴手套」，哈哈哈，笑好唔笑好？
不過萬角村真係好靚，完全係大嶼山入面已經隱世左既村落，穿過村落，再次接上海邊繼續綑
講就話好易，其實都有一兩個位比較難搞，為左力保不「濕」，簡單既位又搞左一陣
最終起尐唔應該會濕腳既位都比浪打濕左，綑到沙灘後就接上村路走人，直走到梅窩完成！









後記：
以往只見到有少少雨都臨陣退縮既我，今次都算係破戒之行，仲要一黎就起雨中綑邊
印象真係幾難忘，途中全身濕透既我仲打左幾個乞痴，仲諗住自己已經中左招，好彩都最後冇事
不過一日綑咁多又真係綑到飽晒呢！

ＴＨＸ　ＦＯＲ　ＲＥＡＤＩＮＧ ．