警告：九徑山及神仙轍之後一帶的山脈．分支極多．路況複雜．容易令人迷失方向．遊記只屬分享性質．新手勿試！

>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<

---

大小鴉洲去唔成．亂闖迷宮大西北！

究竟大小鴉洲係咪比人落左咒？連續第２個月因為天氣問題去唔成，好難得既星期日假期，去邊好呢？
話說買左架新模型之後愛不釋手，網都唔上係咁望，結果影相加搵位擺等等好傻咁又搞我一晚
清晨兩點，仲未捨得訓既我先捨得去搵節目，同ｆｄ出街好定係行山好呢？戰郎三百夠晒熱血又好有癮睇（廣告植入）
不過星期日實在好怕起街同人撞黎撞去，最終都係賣甩個ｆｄ，選擇行山！


今次既目標．神仙轍！其實都係facebook動態到睇到某某山友參加某某活動，我先會醒起呢個未去過既地方
結果網上資料多的是，唔太難就已經知道位置，清晨三點，終於捨得訓，早上８點又起身啦
結果搭車時進入了昏迷狀態，好彩落到車，早上１１點，大棠起步了，經過楊家村
一陣陣泥草同田園幽香撲鼻，好難得而家仲可以望到田園呢，半小時路程唔夠就已經到黃泥墩水塘
水塘雖然細細個但風景優美，過水壩之後，路不通行既後面就係上神仙轍既路口，明明就係大路一條
由巴士站落車，到神仙轍都唔駛一小時路程，真係好易去呢！兩條極似人為而成既淺溝
真係話係天然都幾難令人相信，跟據名稱一說，相信係神仙起到搞搞震吧！








過左神仙轍，之後既山路就開始難行，浮沙碎石加陡斜路途，精神麻麻地既我行起黎特別辛苦
之後就出事了，因為想去一睹千島湖既風光我先選擇行呢到，不過事實上我只係搵左神仙轍既位置
邊個位置睇千島湖，路應該點行，我完全係一無所知，路況亦比我想像中來得亂
無搵過資料既我，有的就只有充足既時間，算了，頂硬上！不斷對地圖認位置，認方向
兜左一大段路終於都望到千島湖了．．．咪住先，景觀既方向似乎同我所認知既似乎有ｄ分別
唉算，都叫望到下，唯有等下次有藍天時先再探！此時只係行左兩小時左右，雖然話係閒遊
但咁快就落山實在冇癮，既然都已經亂咁行，咁就再亂咁行埋去九徑山，行返上年玩過既大咀鳥先
雖然話上年行過，但九徑山上我實在都係唔熟路，所以一直以來都好少行呢邊，
結果呢，我又亂咁黎行，又兜左一大個圈先去到大咀鳥，實在係一組奇石呢！
15:45落到屯門，今日夠皮了！













後記：
大西北，除左青山腹地之外，對我黎講其吸引力細到幾乎係可憐既地步(踩車另計)
平時計劃路線又好，睇人地遊記又好，都好少會睇大西北，起玩無可玩底下
今年似乎都要發掘一下大西北既可愛之處吧～！

ＴＨＸ　ＦＯＲ　ＲＥＡＤＩＮＧ ．