警告：綑邊及攀玩石河都帶有危險性．遊記只屬分享性質．新手勿試！
>>>>今次路線>>>>
>>>>更多圖片，更詳盡的遊記在此<<<<

---

深灣石河尋左源．失敗實在太痛苦

興致勃勃既一天，再加上藍天白雲，高能見度既天氣，完全冇諗過一切美好既事情走埋一齊之時，竟然會係失敗既開始！





一落船，二話不說直接走到陰山同菱角山之間既陰菱坳，再直出深灣
綑邊有難位都可以輕鬆應付，到第２個溝峽位置，直接上攀今日第一個要到既景點．深灣石河
開始沿石河而上，岩石十分巨大，上走實在唔算易，但其實都唔係難，上到中段回望更加係氣勢不凡
到一個分源位，其實深灣石河係一條山澗，分成左中右三源，但可惡既係左源入口搵唔到
右源入口有一條絲帶，跟上去半小時後一樣冇去路，嘗試入林橫移返左源，雖然見到幾條陳年絲帶
但似乎已經有幾百年冇人行過既感覺，藤蔓枯枝處處，遠足最辛苦果然係源源不絕既剷林
最終同個林搏鬥左近兩小時，都係徒然，為左唔比自己被困或者發生任何意外，只好極不情願地敗走
但要走亦唔係一件容易既事，上攀石河可能值一星半，下降石河就變成五星玩意，就算搵得返上黎既位置
起同一位置下降都十分困難，部份更只好入林扶樹而上，最終回到海邊，一日時間都已經冇左大半
想再行山路返上今日第２個目的地．陰山，亦都唔夠時間！最後返到碼頭憤然離開！

















後記：
嗯！比起成功走完所有預定既路線，敗走似乎會得到更多既經驗！
山唔會走左去，一於下次再去探索，不過相信唔會再走深灣石河上山了！

ＴＨＸ　ＦＯＲ　ＲＥＡＤＩＮＧ ．

haha，第一次見你分享失敗經驗

巴士狂徒 on 2014年4月13日 00:52:13: haha，第一次見你分享失敗經驗

路口其實唔算係入錯，但現場環境同我起網上做資料搜集，同計劃路線時所見到既有好大出入
網上見係有條唔算明顯既隱徑，但現場只得枯枝，試下硬闖其實都上左一大段，亦望到網上講既石塔
但就係出唔到去個林出面
最終沿石河下降走人又變成非常危險既事情，花得更加多時間，好彩今次約唔到山友去，唔係就一定掃大家興

又因為係獨行，所以好多事我都唔能夠太夾硬黎，搵唔到路之後只好放棄，以免迷路或者受傷
吸收左今次經驗，下次會起第２條深灣石河上山，不過第２條就冇呢個咁壯觀，而且更加冷門，真係要祝自己好運啦