唔好意思，而家先有時間擺埋呢篇上黎

警告：帶有危險性．遠足安全最重要！以下遊記只屬分享性質．新手勿試！
＞＞＞＞更多圖片＜＜＜＜
>>>>更詳盡的遊記在此<<<<

---

新路吸引舊路悠．天陰雨濕四圍走


原本既澗團突然之間轉日子，一直冇諗去邊既我，一下子方寸大亂，有邊到好去呢？
諗返起上年極大水之下都行到既雙鹿，重遊似乎唔錯喎，諗都唔諗就即刻出發！
因為未玩過下源，所以決定由西灣開始上溯，一遊已被截水既夾萬坑，原意諗住玩埋上面群瀑
不過又落起雨黎，安全起見都係下次先，只玩下源既今日，咁就變到好悠閒啦！


西灣終於都封完村，好方便咁就可以去到下游既小橋，橋邊入澗一開始就有靚爆既四疊潭
再加一個小瀑，一群跳潭老外，佢地都真係幾勁，之後再上就係一段平緩澗道，
轉幾個灣就去到千絲瀑，上面比水壩截左水，如今只剩下濕壁一塊，都真係幾可惜
點解起壩果陣唔學下萬丈瀑天池咁繼續比水流落黎呢？














再上水壩後就兩邊都上得，見左邊易上ｄ就摸錯左邊上，上左另一邊水泥路
兜左個大圈又返到鹿湖郊遊徑，再看鳴幽瀑，嗯，竟然起呢個時候開始落起雨黎
雖然上年玩都係落雨咁玩，但冇伴底下，淆底！
澗唔會走左去，下次先再玩！之後就上一段鹿湖，右落赤徑，經過北坑小堤，成腳泥當然唔少得
洗鞋就更加係必須，好快就落返赤徑，欣賞一下雨中既景色，再以一個極閒既速度上返北潭凹
短短地又悠閒左大半日啦！






後記：
上年玩過一次雙鹿，連續不斷既瀑景的確令人樂在其中，今次玩唔到全溯都唔緊要
今年實有機會，一定會黎一次全溯^^

ＴＨＸ　ＦＯＲ　ＲＥＡＤＩＮＧ ．

大浪西平日好似到而家都仲封緊.
仲有人將村口搞到好似農田咁.

§※寂寞之子※§ on 2014年5月12日 00:25:32: 大浪西平日好似到而家都仲封緊.
仲有人將村口搞到好似農田咁.

先前局長空降西灣村之後，村民就決定暫時解封了（包括平日）
不過因為封村而影響到包括毅行者等大型活動既舉行（毅行者係國際性慈善行山活動，間接影響埋香港聲譽）
而令好多山友同跑手都決定杯葛西灣村，今次佢封一封村都可謂自食其果

～ 馬 鞍 山 礦 工 ～ on 2014年5月12日 01:06:28:

§※寂寞之子※§ on 2014年5月12日 00:25:32: 大浪西平日好似到而家都仲封緊.
仲有人將村口搞到好似農田咁.

先前局長空降西灣村之後，村民就決定暫時解封了（包括平日）
不過因為封村而影響到包括毅行者等大型活動既舉行（毅行者係國際性慈善行山活動，間接影響埋香港聲譽）
而令好多山友同跑手都決定杯葛西灣村，今次佢封一封村都可謂自食其果

但o係果班眼中只有錢的人心裡可能毫不在乎