>>>>今次路線>>>>
第１日放工後既行程

---

夜登飛鵝山．華燈夜璀璨！

日日都有好天氣，唔出返身汗邊對得住自己！
第２日放工後既活動，一於就玩返轉久違了既上大斜

原本諗住早上出車踩返工，但見天色麻麻就冇踩到，果然入到大埔又雷又落狗屎
算係好彩避左場雨，不過到下晝天色真係靚得好緊要，冇車起手既我唯有飛程小巴亡命返去攞車

其實時間已經唔算早，一於又係「近近地」走返轉觀坪路上飛鵝山道
原本想上山睇日落，但似乎係自己太異想天開啦，上到沙田坳道已經唔見左個太陽
再上埋飛鵝山道時已經黑左九成，連魔法時間都冇埋，冇所謂啦，至在踩返轉姐
早有預謀既我帶埋腳架上山影夜景，飛鵝山夜景真係唔錯，影到８點幾
原路落返山，夜晚觀坪路過左村後連街燈都冇，黑漆漆咁衝落山夠晒爽
放工後，又爽返一轉車，精神晒！

---

１７３０起屋企出發！踩到黎大老山．起呢到有車路上觀坪路．不過條路有Ｄ位幾斜．應該都有1:5


過觀音山村．小心惡狗．仲有惡蚊．停一停咬到痴左線


觀音山村


呢到可以望返落沙田


過晒觀坪路．接沙田坳道繼續上山．前面就係飛鵝山


沙田坳道．飛鵝山道既路口


香江美景．太陽已經唔見左了


交界位有個介紹牌．以前睇過就唔再睇啦


轉上飛鵝山道．呢段因為係逆走車路．小心迎面而來高速行駛既汽車．上到飛鵝山道開揚位．已經黑晒

---

好啦，之後就係睇夜景時間












玩兩張玩具相

---

之後原路落返山．小心沙田坳道又係要逆走．小心對頭車
轉入觀坪路落埋觀音山村之後．再落就冇街燈．車頭燈同良好既迫力系統係必要的！

ＴＨＸ　ＦＯＲ　ＲＥＡＤＩＮＧ ．