喺前日，小弟同幾位朋友食完午飯無事做，於是就提出踩單車試下去北區條新單車徑，順便見識下啲一尺單車徑
如是者就係咁出發啦，但萬料不到我啲朋友話去紅花嶺原來係啲咁恐怖嘅地方

首先講下條新單車徑先，一尺單車徑原來已經消失咗，巴士站亦都做緊工程向外移

之後就係咁踩吓踩吓去到坪輋，估唔到一開始就已經係一條接近四十五度嘅斜路
結果就我哋就全部齊齊推車上山，大約用咗一個鐘，全部人終於上到山頂啦



圖中最右邊架雞車就係小弟架車

正所謂「上山容易落山難」，落山先係後續各種惡夢嘅開始

落山嘅時候完全明白咩係叫做 Force of gravity，好似落幾多brake架車都唔識停咁
有驚無險，大家都叫做齊齊整整落晒山

之但係，去到新圍軍營附近，圖中右邊黑色架車個後brake wire線鬆脫
經過一輪修理，勉強喺唔拿死後轆嘅情況下繼續回程

但係，黑仔嘅嘢又點會淨係得一單??
之後同一架車就喺上水警署出面發生咗最唔想見到嘅事，就係後轆爆肽，仲要係外肽內肽一齊爆
結果個位朋友亦只可以踩住架爆肽單車繼續返屋企

最後返到大埔都七點半了

---

送啲山頂相上比大家

北區


巨鹿