唔好意思．又而家先出到篇遊記．．．

---

警告：石澗路線帶有危險性．遠足安全最重要！以下遊記只屬分享性質．新手勿試！
>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<

---

雨後放晴好天色．雨後山洪襲大城．．．


藍天白雲再加高溫天氣，當然係行澗既好時機！
貴為九大石澗之一，一心諗住難度唔高既大城石澗，大雨後都過左兩日
以為水量一定足夠，景色有保證，誰知兩日時間實在太短，山洪依然強勁
下段坦途基本上係冇可能涉水而行，只行龍泉谷後既中段，但水流依然急湍
更莫講係後段原本計劃行既主菜．一條龍石澗．．．
一條咁易行既大澗竟然都落得敗走既田地，只因起程計劃時太過輕視大城既水量吧！

大城石澗．相信有玩澗既朋友都好熟啦，但自己卻係第一次行，由於網上幾乎都講佢難度唔高
所以自己亦冇左平時玩澗果份緊張感！灰橋前入澗，下段既大城其實平位都幾多
但當開始涉水時就心知不妙了，雙腳發力都難以抵抗強勁水流，勉強行左一少段
襯仲可以安全撤退，都係放棄下段，由側邊山徑直上龍泉谷。



山路直達龍泉谷後再次入澗，水流雖然較下段弱，但依然不能輕視，基本上可以唔落水都盡量唔落
但原來大城好多段都係要落水先行到，由龍泉谷上溯到一條龍石澗呢段，其實都算係下游既精華所在
精彩瀑景不絕，最重要係的確唔難行，當然係除左今日既水流啦。
上到一條龍澗口，原本諗住一條龍係支澗，水量應該會收歛一下．．．
不過呢．．．我實在係太過輕視大城既威力啦
結果為安全起見，兩丁友齊齊帶著意猶未盡既心情提早出澗離開！
唔緊要啦，寧願今次玩唔晒而後悔，都唔好搞到有人出事先黎內疚吧！

















後記：
一次深灣石河，今次大城石澗，連呢Ｄ中低難度層次既路線都要敗走，今年究竟搞咩呢？
大城既一條龍，再加個北坑同西南坑，呢個復仇計劃又有排諗啦！

ＴＨＸ　ＦＯＲ　ＲＥＡＤＩＮＧ ．