>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<
老友鬼鬼遊白芒．林蔭陡澗任我闖～～～
![[sosad]](https://hkbf.org/images/smilies/icon_sosad.gif "So Sad"){kind=icon}
驚死班友行唔掂，所以早兩日就上網問定有關難度，其實以石澗黎講白芒石澗都算易行
對朋友唯一最大既問題，相信都係跣，跣，同埋跣！
其實好多年前，班老友都已經一齊行山，想當年靠一份地圖同指南針，仲未熟悉山野地方
靠自己既能力去到紅石門都已經係件「巧威威」既事，更加曾經出生入死過，共患難過
真係成班友既共同回憶黎！
之後幾年，大家似乎各有各忙，要約齊腳行山幾乎係不可能既任務冇行山成年既老友，今次一黎就連升幾個LEVEL，從未接觸過石澗，第一次就玩坑澗
原來有遠足根底既人某程度上唔駛指點都識得自己搵路線上，見到大家玩得掂，我都放心晒啦！
![[flowerface]](https://hkbf.org/images/smilies/flower.gif "丁香丹桂茉莉 都覺得可愛")
起白芒村側邊小橋落澗，一開始已經可以澗水行，夏日炎炎真係暑氣全消，對朋友而言相信都係件新鮮事
下游算係幾易行，好快就上到龍涎潭，如此天氣下緊係要齊齊浸水啦！龍涎潭上有一條大煞風景既水管
但係似乎人人都將水管視為平衡木，越過龍涎潭，就可以靠水管橫過，或者係起側邊山路上
朋友第一次玩都係叫晒大家行山路算啦！
之後繼續平緩澗途，先係半壁潭，潭前既淺水溪流真係同網上睇既一樣咁靚，潭後瀑邊亦有石室
不過似乎要游過去先去到，再黎就係龍簾瀑，其實網上話會好易錯過既龍簾瀑，實際情況係明顯易見
最好玩既係，瀑布底既跌水潭非常淺，可以直接去到瀑布底，由頭淋到落腳，龍簾瀑實在太好玩
一玩就大半個鐘，喂！行喇，真係催都唔肯走！
再上開始就進入林澗路途，起如此列日底下浸下水，再加個林蔭閉天就更加涼快
悶左一少段，過埋因山泥傾瀉後變成石河區既一段路，上段開始澗途越上越陡，澗道亦收窄左唔少
之後就係連環群瀑既開始，真係幾步就有一瀑，好精彩，但對好少攀爬經驗既朋友黎講
呢段真係辛苦晒佢地啦！
前段玩得太hea，後段較多攀爬量既澗途，要追返ｄ時間都冇乜可能啦最後澗末仲要「打大佬」，要攀一幅斷崖直壁，壁中岩岩好生左棵樹比大家借力，如果冇埋相信難度會高好多
一直溯澗到源頭，就係冇咁出名既爛書壁，同對面山峽北龍源頭既天書壁真係相映成趣
最得意既係同天書壁一樣，可以走到壁頂，甚有特色，過埋爛書就可以出澗，好輕鬆就去到郊遊徑落山
一條小澗竟然可以朝早玩到天黑，盡興到爆呢！
後記：
朋友初玩石澗，我就唔知佢地體唔體驗到玩澗既樂趣啦，但一開始就已經玩條小澗仔
相信第時再玩ｄ大澗就難唔到佢地了！！
ＴＨＸ ＦＯＲ ＲＥＡＤＩＮＧ ．
![[photo]](https://hkbf.org/images/smilies/Photo.gif "傾偈無圖無偈傾")
