警告：石澗路線帶有危險性．遠足安全最重要！以下遊記只屬分享性質．新手勿試！
>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<

---

大澗隱於林中．飛瀑始於大腦

闊落既澗道，配上林蔭閉天既環境，今日一次過遊走黃涌，大腦，老鼠田三條石澗，三條澗都同樣有著獨特既澗容，
縱使藤蔓處處，但係澗床夠闊落，多位亦易走，陽光光線大部份時間都透唔到落澗，溪水感覺特別清涼，
即使係如此炎熱既天氣都行得非常舒服。然而三澗當中，稱得上十分可觀既瀑布就只有一開始既大腦飛瀑，
同埋最尾臨出澗前老鼠田坑既不知名瀑布，可謂首尾呼應ＸＤ


出發既地點：界咸，一個從未接觸過既名字，唔知仲會唔會有戒油鹽糖，戒三高咁上下既名呢？
入澗位就起小巴站對上水壩側邊，一落澗就已經係幽深既環境，初段為平流區，幾日前既大雨，到今日黃涌依然都有強勁水流，
小型流瀑都變得好強勁。上溯一段就會見到右邊有一支流匯入，此時就要離開黃涌轉入支流，此支流就係大腦石澗，
一入澗道就即時急升，攀升一少段就到達今日第一個大瀑布．大腦飛瀑，瀑布分兩層跌入石台再流入水潭，
所以又係一個可以走到瀑底既瀑布，瀑底更加出現彩虹，大玩後就起左邊攀上瀑頂，咁快就出現是日最險既位置，
沿石隙拉樹上攀，值3.5星難度既一步咁多，比起大圓飛猿崖佢又真係3.5既初級版，瀑頂後再接一個石坡板，雖然有晒繩輔助，
但其實靠鞋咬住上仲穩陣，上攀之後就接回大腦古道，越過宗祠後接另一支流落返黃涌石澗。









返回黃涌繼續上溯，澗道開始攀升，終於都出現一個較闊既瀑布，攀上後就有一個長廊瀑潭，
就黃涌而言我自己覺得呢個長廊配上周圍昏暗既環境，比瀑布更加靚，而長廊之上過多一組疊瀑就到達人參瀑
但其實流勢都係麻麻地，大休後再上，反而人參瀑上面另一個瀑布更加得到大家垂青，過後澗道開始收窄，
即刻變到好似ｄ荒坑咁款，唔算難行但都幾難搞下，沿澗直出麥４山路，一出就係花心坑既路口，可以沿路落山到黃泥頭！








時間尚早，最終玩埋老鼠田坑，起山路邊搵個超唔明顯既穿林山路落澗，先係一段小荒坑，
落一大段後就接返老鼠田坑主流，水量即時大增，沿澗下降實在唔易行，所以全程都包尾，
最後一個大瀑布似乎係全日最靚既一個，但係瀑布無名無姓真係幾可惜，玩完晒出澗就即刻接返村路到巴士站，
完全冇機會比衫褲曬乾就落山又係第一次，濕立立咁搭車走人，勁怪相．．．





後記：
其實黃涌石澗之前起網上睇過相係完全提唔起興趣去玩的，可能都係林澗既關係啦
不過行完又對佢改觀左不少，真係一條唔錯既林澗！

ＴＨＸ　ＦＯＲ　ＲＥＡＤＩＮＧ ．