講緊既就係下面呢堆由2GB去到32GB不等既ＳＤ卡，有大有小，容量眾多，形象百變
![[sosad]](https://hkbf.org/images/smilies/icon_sosad.gif "So Sad"){kind=icon}
當然下圖唔止有ＳＤ卡，仲有ＤＤ卡，ＡＬ卡，ＸＦ卡，ＭＬ卡，ＤＳ卡等等．．．
（救命，個ＧＡＧ又爛又唔好笑
）
睇下！呢到乜卡都有．每張＄１００．一轉手賺幾萬倍架 sosad
帶大家睇完記憶卡，以下就係各記憶卡既生產証書
記得自己簽完帶埋出街，話比人知自己擁有呢架野！
賣比人果陣又可以介紹自己比人識，識女仔曬一曬張証出黎，即刻冧死萬千少女，話唔埋搭巴士曬一曬張証都可以免費上車架
笑到肚痛既証書！唔通要我搵名星去簽名？
好喇好喇！爛到爆既野講完啦，正式今次既主角，得3GB容量既中巴ＳＤ３
以下將以寫實既回憶模式廣播，記得幾多既就講幾多啦
（請不要介意以下文章將會很用力地踩！ 
）起好耐好耐以前，傳說中既太子80rn仲起聯合廣場既年代
想當年！仲係中學生既我其實有兩大巴士既蒲點，就係沙田地底80rn同埋呢間聯合80rn
想當年！沙田係吹水聖地，而聯合就係新礦物模型既發現地，每當有新模型推出，最早公佈既一定係聯合
想當年！公佈新模型除左貼相起牆上之外，聯合經常都會有初模，或者成品擺左出黎吸引大家
起今時今日資訊發達既年代，再冇一間80rn有如此既特別服務，有既都只係一張黑白相，憑相落訂
某年，某月，某日！案發地點：聯合80rn．．．當日，一名年約十幾歲，瘦身材既香港藉男子，經過聯合80rn櫥窗外
突然發現轉盤上又有一架新模型，全車只上左淺啡色，所有車窗都係磨砂狀態，但「眼光毒到」既香港藉男子一眼就看穿
「統治者！呢架一定係中巴統治者！」由於該男子家境清貧，一時三刻實在拿唔出當年索價＄３２８既訂購金額
老實講，係一百都冇．．．只能夠在櫥窗外等待著時光的飛逝！
日子一天天的過，終於櫥窗外既啡色初模就變成一架上色完成品．．．
「咪住！！咩黎架，呢架究竟係咩黎架！」我心裡不禁瘋狂的責罵「垃圾！垃圾中既垃圾！！
」但同時亦興奮地舉起勝利既手勢「好彩先前冇錢訂咋！」上色後既「傑作」，細節位全部出晒黎，但全部都係對中巴迷既挑釁，侮辱！
一個向上尖起既車頂，一個變形既車頭，一組組似十足小學生畫風既特粗銀色窗框，即使自己幾喜歡中巴，但實在拿唔出勇氣去購買
「至少都要保住一個中巴迷少少既尊嚴！」．．．
初模的確係好吸引．但係上色之後．惡夢降臨．樣衰到喊既車頭．恨不得想搵手鎚扑爛佢
車頭都算．車尾都叫做得幾傳神．．．咪住！車頂發生咩事．呢架明明係一架巴士．點解個頂變成一間中式別墅既屋頂？瓦片收埋晒起邊？
除左車頭．車頂都頂佢唔順．當年仲好意思賣＄３２８(印象中的原價)．好彩當初冇錢訂
隨後幾年，ＳＤ３特價賣＄９９，我為了錢，出賣了尊嚴，本著「當係玩具車」既心態，敗給ＳＤ３
一放入櫃，顯然同側邊所有模型都格格不入，此一刻我極之後悔，原來出賣尊嚴係要付出代價，結果，ＳＤ３又比我放售左
從此，統治者之名就成為黑名單上既一份子，我發誓，此生此世，都不會再敗給ＳＤ３
![[banghead]](https://hkbf.org/images/smilies/icon_banghead.gif "我撞牆死左佢算啦！"){kind=icon}
時光又再飛逝，轉眼間我已經係一個事業無成既痴線佬，對巴士感覺淡左好多，發嗡瘋講廢話既時間亦多左
（睇睇我篇篇野都打咁大篇就知我係痴線架啦
）起一個機緣巧合既夜晚，無意間發現「改車製作中心？我而家先聽過呢個名咋！」，比佢一架LF106，送來一架LF32，表現出眾，值得信賴
同日，我極辛苦地尋回失落了的ＳＤ３，儘管尊嚴很值錢，但看透了的我已經再無牽掛，給他一擲二百金的競投返黎
再一擲千金的送佢到「妙手仁心」整容，一個多月後，拆線！他終於都變成了真正的她(so gay?)，她終於都可以有自信地站立於人前啦
位於韓國既ＤＢＭ巴模整容中心．為醜陋既ＳＤ帶來一張新面孔
一個全新既車頭．真車既感覺完全返晒黎
１５號既其中一款主力車型．冇理由唔改埋
車尾．雖然改變不大．但冇左個尖頂亦都順眼不少
起我屋企影返落街．見到新型既ＳＤ３．車頂由尖變圓．相信係改呢架車最大既難題之一
另一邊車尾．值得留意車牌其實我都要求改埋．原車牌真係太樣衰
全新既車頭．全新既感受
尋日先有時間取車愛回家．同日第３架改車亦交到ＤＢＭ手中．期待
本廠第２架改裝車進場！！！！！！！！！！！
最後．．．板友們既反應相信就只有「痴線架，呢個人打咁多野都係講廢話一定係痴線架！」
文末再附上轉載既資料：ＤＢＭ既精華製作過程１．２．３
仲有中巴一少眾ＳＤ真車既珍貴相片，今時今日除左呢個網以外都幾難搵到中巴相
＊「小多」呢個名好耐都冇聽過啦
ＴＨＸ ＦＯＲ ＲＥＡＤＩＮＧ ．
![[flowerface]](https://hkbf.org/images/smilies/flower.gif "丁香丹桂茉莉 都覺得可愛")
)
又不知在那兒找回來 
