警告：溯澗帶有危險性．遠足安全最重要！以下遊記只屬分享性質．新手勿試！
>>>>今次路線>>>>
＞＞＞＞更多圖片＜＜＜＜
>>>>更詳盡的遊記在此<<<<

---

水豐水枯同享受．東涌鳳凰三澗遊

搞搞下，竟然咁快就已經兩個星期冇玩過山水，澗季接近尾聲，係時候比ｄ心機再玩多兩三條澗。
今次山友好遲先開團，但聽到三澗，除左第一時間諗係「三間adidas」之外 ，當然唔好諗咁多一於跟啦！
今次既行程，除左我未聽過既鳳彌同彌東之外，竟然會有一條我有認知，但又未玩過既曹溪，亦即係地塘仔坑，又可以慳返一次專登去既時間啦！

今次起步同完都係起石門甲，一下子就行到鳳彌澗口水壩入澗，大嶼山真係好正，正在一落澗就可以落水，
ｄ潭真係不能相信的清，落水降一降溫之後，竟然冇乜水流，出事啦，唔會係乾坑掛，會死的！
好彩佢乾唔晒，不斷都有小潭可以浸，一段攀黎攀去既澗途後就到分源位，冇睇到資料就行，我就實在唔知自己起邊到，
帶頭既話係已經到左彌東坑，心諗唔係掛，咁快？鳳彌澗乜景都冇既？原來大家都搞錯左，去到一個瀑布前面仲笑笑口話係彌東飛瀑，
上網同朕check下先知原來鳳彌石澗仲未完，眼前既瀑布係鳳彌主瀑，瀑左上攀睇落好似一級級咁，
但有個位都幾考人，手位真係幾唔掂，不過都算係有驚無險！






瀑頂之後再見分源，右邊先係真正既彌東坑，一轉入彌東坑就即時急升，係咁爬爬下就到真正既彌東飛瀑，
可能真係近源頭啦，幾乎一ｄ水都冇，得一塊濕壁滴滴下，睇過相大水時其實真係好正架，不過呢ｄ野冇得強求的
上攀其實左右都有路，左邊都難難地，右邊就見到都覺得險，上到瀑頂，感覺虛無又恐怖，但上望可以見到成座羅漢塔，
呢個地方個景都唔錯喎！再上行乾坑直接上到彌勒山郊遊徑出澗，人人都得熱到返半條命了！







出郊遊徑後接入法門古道落山，條路都好耐冇行過啦，一大段水泥路後接入地塘仔坑，
個源頭其實起北天門，好似都唔多同一條澗會分兩個名，最後行既呢一段澗又係玩落澗，
落澗我真係唔掂呢，繼續全程包尾，真係麻煩晒大隊既等待。地塘仔坑真係舊舊石都好大，
好多位置都唔易搞，但好彩水量夠，到下游最後既三疊潭瀑，可謂今日行程中最精彩既瀑布
瀑布靚都算，仲有一個大潭要靠水管棧道橫過，驚驚地但超好玩，最後又係一道水壩，出澗，禮成！










後記：
今年勁玩澗，但屬於鳳凰山既澗竟然去到季尾先有機會玩，可能真係時機問題啦，
同側邊大東水系相比真係相差得好遠，不過睇黎要再玩鳳凰水系都要等出年啦！

ＴＨＸ　ＦＯＲ　ＲＥＡＤＩＮＧ ．