嚴重警告：此為劇毒，小心落坑 霸氣，又點止係「+1」咁少？
除左坦克之外，路面上最有機會又最容易接觸到既巨無霸，非工程車輛莫屬
甚麼挖土機打樁機之類既東西，話佢係車但佢地又唔係一架車既形狀，極其量只可以話佢地係一件大型工具
但係工程工具當中都有一啲款仲睇得出係一架車形！又要有份量，又要似車，咁就只有全地面式重吊符合呢個條件啦
今次極為破費地去入手既主角，如果呢兩三日內大家有上去飛機兄鋪頭上面，可能都會發現櫃內冇左一架藍色「大野」．．．
唔駛驚，冇鬼既，架野起我到
![[sosad]](https://hkbf.org/images/smilies/icon_sosad.gif "So Sad"){kind=icon}
呢架就係屬於香港其中一家重型吊運公司：力營重運有限公司旗下最重型既吊機
最高吊重達到５００噸既 利勃海爾 LIEBHERR LTM1500-8.1
相信就算你對重吊冇認識，冇興趣都好，如果有一架起你身邊出現，經過，你既目光都會比佢極度既霸氣吸引，點都望兩望
好可惜我自己咁耐都只能起相到「認識」呢款車啦，因為要見一下真身真係冇得預
去相
第一次買咁貴既玩具，第一次玩具有咁大盒
開盒了，堅興奮！
模型本身比其他國家既同型號車少一截主臂，原因係力營一直都將所有截數既臂長期跟車
ＷＳＩ忠實地將現況反映落模型到，亦因為咁，起盒到就留左個空白既位置
極豐富既內容，包括主體一架，三個唔同吊重既吊勾，梯，配重塊，墊板，用於fly jib及承載配重既後置纜機
超起臂(TY)，收放纜線既鎖匙，懸吊物，一大埋螺絲橫栓，仲有六角匙同安裝工具，當然唔少得說明書
三個唔同噸位既勾，只知中間同右邊係320t 同500t 既勾，第一個同真車最細果個有ｄ出入，唔肯定就唔亂講啦
但個勾跟真車跟到十足，中間有數支橫鐵，大大增加穿線既難度，結果細勾穿左一小時有多，中勾都穿左大半小時，大勾，我算了
上勾，正式落地
全車共８條車軸，模型上所有轆都有避震，由於模型重量十足，今次既避震比上次架SCANIA硬得多
真車第1,2,3,4 同第7,8 既車軸都有轉向，模型並未為轉向製作連動
其實咁樣唔係壞事，因為最尾兩軸除左可以做反方向轉向之外，其實所有車軸都可以作同一方向轉向，如果整連動就做唔到呢樣
軸心較闊既車輪為動力擔，此車動力擔為第1,2,4,5 車軸，即係16X8，要推動呢架怪物其實並唔誇張
此模型其中一個通病，避震彈弓長短唔一致，導致不能所有車輪都貼起地面，呢個問題起買之前已經知，所以接受到
此圖可細心「欣賞」個勾，滑輪外既橫鐵非常阻礙穿纜線，但係真實又真係有呢幾條鐵
車輪上方既黑色位係軟膠，架車咁重既情況下要掂住佢拎起真係幾驚會爛
未裝超起前一攝，影埋就裝超起臂啦
車尾，真車原本放枕木既位置，模型就變左金屬箱，而LTM1500 最有特式既一個位就係置於車尾，可活動既控制室
安上超起臂
未見過真車安裝超起既方法，但模型安裝就好簡單，兩支橫栓，兩粒十字螺絲，兩支超細既六角通關螺絲，搞掂
先黎少少既特寫
LTM1500 一架車有兩部引擎，一部係８汽缸驅動行駛既引擎，另一部６汽缸就係負責吊臂工作台既
另一邊，散熱口造工非常好，唔會有多餘漆油留起孔到
個控制室咁高，點上去好呢？模型就有條梯可以放落去啦
工作狀態，控制室就會好似機動遊戲咁由車尾轉向前，控制室入面都係非常仔細，不過冇近影到
香港車，難得中文字就只有車頭兩隻，唔似中國果Ｄ成堆中文字咁老土，成件事好似高級左好多
開始工作模式
伸出支撐腳
升起，架車真係太重，支撐腳感覺好唔紮實，只能勉強撐起全車
升起超起臂
支超起本身都係好重，兩支油壓筒都唔夠力撐起，至於主臂我就唔擔心會跌，因為有六角螺絲鎖死
配重塊，一塊１５噸，所有配重安裝上車就有１５０噸，而模型上既配重塊並非「做樣」，所有配重塊模型加埋有1.5KG
開始吊裝配重塊，有趣既係即使真車，配重塊都係由自己組裝，唔駛靠人，但當然運送配重塊就要出動好幾架拖頭
先放底碼上車
之後將配重串起
呢到次序上有Ｄ出錯左，正常方型既配重唔係呢個時候裝
方型配重，要另外搵桿串起
承載配重既後置纜機，應該係裝先過方型配重
之後轉台背向配重
後置纜機同配重就會有「積」降到轉台之上，配重安裝完成
配重太重，都係放低架車先
工作中
小開一下主臂，咁就出事啦，每一截臂都有掣固定，打得開一截，就要打開埋第２截先禁到粒掣，意味住要全開之後先收到
全開，真車有84米，模型都有17xCM高，高過我自己，連屋企人都嘩嘩聲，少可買野玩會講埋一份
纜組特寫，後置纜組只開主臂就用唔著啦，要用到佢就要另外買fly jib
控製室起主臂全開下亦可升高
ＴＹ特寫
車頭，要升起支臂先可以睇佢全相
（未發現前攝）裝上配重後架車應該超過５ＫＧ，支撐腳真係頂唔順，影完呢張相一睇，快快手拆配重放返低架車先
中勾．霸氣
結果上面全開之後，收拾殘局又搞左大半晚
價錢呢，一個索到哭笑不得既索價，唔係勁放１／１８，根本唔會捨得買
（雖然都係自己錢 ![[banghead]](https://hkbf.org/images/smilies/icon_banghead.gif "我撞牆死左佢算啦！"){kind=icon}
）最後放多條片上黎，真車自組配重，裝fly jib同工作狀態
ＴＨＸ ＦＯＲ ＲＥＡＤＩＮＧ ．
![[photo]](https://hkbf.org/images/smilies/Photo.gif "傾偈無圖無偈傾")
