香港巴士論壇

話說呢，離地鐵站超過400米，但又唔夠800米嘅地方就好尷尬嘅，落咗地鐵之後話近唔近，話遠又唔遠，但又唔想俾超過$5搭一兩個站巴士，行過去又行成差唔多10分鐘。小巴本來正正就係地鐵最好嘅拍擋，但係佢啲垃圾服務真係令我不快。我今日去咗兩個呢啲尷尬地方，第一係觀塘碼頭，離觀塘站約700米：

我由旺角去觀塘碼頭，如果堅持要去到碼頭廣場400米範圍內才落車，就會2A->11D/40（有優惠），但係市區巴士又慢又疏，我趕時間當然唔搭啦，善用港鐵學生優惠搭地鐵，到觀塘站落車。好似觀塘碼頭呢啲地方，離地鐵站唔近嘅，總會有架小巴入去呀卦。係有呀，22A囉，重有分段添！不過真係俾個班次激死，20分鐘先一架，都唔知開黎做乜，唯有直接行入碼頭啦，果然行到入去都唔見小巴嘅影。條九巴23又衰嘅，15分鐘先一班。都唔知嗰度返工啲人搭乜出入，點講我都唔會信嗰啲人係用74X來接駁地鐵囉。

之後我要由觀塘碼頭去藍田地鐵站，直線只有約1.1公里，竟然一架直車都無（如果你要雞蛋裏挑骨頭嘅話，T277囉，不過嗰陣無服務），要兜返出觀塘轉車，出得觀塘黎我已經行咗超過一半啦。於是我行過去茶果嶺道交界，希望截到架23C小巴上去，我喺個路口見到架唔記得咗係咩字母嘅23號小巴（又B又C又M我鬼記得咁多，我只係認住係23車頭寫藍田站或者匯景花園就上車），點知我截佢唔停，行埋到麗港城總站對開都唔見有23C小巴（係成個23系列都無影），結果咪行天橋上藍田站囉，都唔知嗰幾條小巴線係咪得鬼搭，影都唔見，係見到部去藍田山嘅E22巴士有幾個人上囉，不過又貴又兜我先唔上呀，除非我要上山。

到下晝，我要去港大二村，離堅尼地城站直線距離約300米，但係實際要行600米蒲飛路，重要係1:6上山路段（對班港隊而言，用來練爆山跑一流，不過，當我連跑一段350米嘅1:10斜路都搞到我對腳差唔多想抽筋咁滯時，要爆上呢段600米1:6重得了？！）。我係A出口出，見到有部23小巴，問上薄扶林道價錢，超過$5唔上，再等13小巴。13小巴係我印象中唔算疏車，點知我又截佢唔停：客滿。今次真係被佢玩完啦，焗爆段1:6。結果我行到上頂，行到上氣不接下氣，全身出晒汗，先見到下部13小巴。

都唔知啲人成日話搭小巴做乜，又話巴士被小巴打殘。啲小巴服務咁垃圾，疏嘅就行到目的地都無架嚟，密嘅就嚟架爆嘅，靠佢開工真係死得人多啦。

講開23B/C/M號小巴 截佢唔停，其實佢地啲服務真係幾差。
明明運輸處講好咗可以係站外上落客，啲司機都照樣唔理你，試過好多次停正紅燈前想上車，啲司機照唔理你指你去下個站搭。
有時仲要禁錯分段等你一個唔留意又比多一毫（宜家仲要加價添）；麗港城短程來往匯景 唔小心上多咗個客就尤你照企就算；
（以上衹針對23B/C/M，其他小巴線我就唔敢講）
其實我住咗10年麗港城都分唔清23B/C/M/S......

做咩港大學生呀 , 不吐不快都打錯

論壇板務訊息

【注意】#20539　#鯊魚食魚翅 p2723158.htm#p2723158 " 【論壇通用規則】 14.6 不得向任何人士、團體、事物作出沒有合理理據的批評、不禮貌之評論、言語上之為難或發出帶有歧視性質之信息 違例者最高處分：每篇違規文章凍結戶口 60 天；有關第 14.6 條處分額度之限制參見〈處分、上訴及投訴板務人員〉第 1.3(e) 條 " 感謝　閣下在本論壇發表文章，唯請留意以上規則，謝謝合作！ 如有疑問，歡迎與當值板務人員聯繫、在板務討論分板提出或電郵本壇。

_________________


@47xkwaishingeast on Web | on Instagram

既然你唔鐘意行上山，又知道要轉車，點解唔喺多好多選擇嘅中上環轉，而係要去地圖上最近個地鐵站轉？

_________________
Favourites: FS1819 FR7911 FR7570 FF3170 GK4058 PH4712 CR4882 DZ1845
------

第一，做咩港大學生呀 , 不吐不快都打錯 x2

第二，平路 800 米距離行下都唔得？同一段路程有巴士可以揀，自然唔會有競爭路線。

第三，GMB 班次係由運輸署決定， 班次規定 20 分鐘一班都無辦法，只要佢係限時內加/少開一班車都可能畀人投訴。同樣，如果運輸署定明 5 分鐘一班既車，你見佢 1 分鐘內開兩班車都可以向 1823 投訴。

第四，GMB 政策上係按固定路線、班次和收費提供服務，乘客需要係指定車站上車，唔知政策幾時修改成可以「可以係站外上落客」？至少運輸署資料顯示無批准上述幾條路線容許在指定車站以外地方上客。

第五，路線編號由運輸署決定，有路線試過手痕加個 M 字都畀運輸署出警告信；如果覺得路線編號難記，可以向當區區議員反映，及後在區議會交通及運輸委員會轄下工作小組會議作跟進。

第六，有車你自己嫌貴唔上，與人無怨；亦唔代表該段路無交通服務。另一方面，無人迫你「爆上」果段 600 米路，可以 1 分鐘慢慢行 10 米，60 分鐘剛剛好行完。

第七，13 號路線容許 5 至 10 分鐘一班車，你步行的時間超過 10 分鐘了嗎？

最後，GMB 係政策上只係 Feeder Service，並不是 Point to Point，小巴服務有幾垃圾？4,350 架車面對如何問題？你懂嗎？如果你覺得唔想行，可以揮揮手截的士；如果嫌的士細架，又或唔夠位上車的話，仲有「鑽的」可以幫到你。

論壇板務訊息

【注意】#12570　#<MAX p2723210.htm#p2723210 " 【論壇通用規則】 14.6 不得向任何人士、團體、事物作出沒有合理理據的批評、不禮貌之評論、言語上之為難或發出帶有歧視性質之信息 違例者最高處分：每篇違規文章凍結戶口 60 天；有關第 14.6 條處分額度之限制參見〈處分、上訴及投訴板務人員〉第 1.3(e) 條 " 感謝　閣下在本論壇發表文章，唯請留意以上規則，謝謝合作！ 如有疑問，歡迎與當值板務人員聯繫、在板務討論分板提出或電郵本壇。

_________________
‧ Simutrans - Hong Kong Workshop 香港工作室 ‧ Euro Truck Simulator 2 ‧

<MAX on 2015年1月7日 01:58:31:第四，GMB 政策上係按固定路線、班次和收費提供服務，乘客需要係指定車站上車，唔知政策幾時修改成可以「可以係站外上落客」？至少運輸署資料顯示無批准上述幾條路線容許在指定車站以外地方上客。

有無咁寫要睇過服務詳情表先知，我夠膽講絕大部分路線都可以喺沿途非限制區處上落客

小可愛智智 on 2015年1月6日 21:50:30:...
我由旺角去觀塘碼頭，如果堅持要去到碼頭廣場400米範圍內才落車，就會2A->11D/40（有優惠），但係市區巴士又慢又疏，我趕時間當然唔搭啦，善用港鐵學生優惠搭地鐵，到觀塘站落車。好似觀塘碼頭呢啲地方，離地鐵站唔近嘅，總會有架小巴入去呀卦。係有呀，22A囉，重有分段添！不過真係俾個班次激死，20分鐘先一架，都唔知開黎做乜，唯有直接行入碼頭啦，果然行到入去都唔見小巴嘅影。條九巴23又衰嘅，15分鐘先一班。都唔知嗰度返工啲人搭乜出入，點講我都唔會信嗰啲人係用74X來接駁地鐵囉。...

其實如果真係想轉巴士入觀碼....
係觀塘市中心大把車入去.... 74X / 80 / 80X / 268C / 269C 等等密密運走.....
返工時間落雨實有人咁搭

_________________
歡迎黎到：沙田巴士迷天地
沙田巴士迷天地（Sha Tin Bus Fans' Paradise）是一個集巴士、鐵路、照片等多元化交通資訊的個人興趣網站，並有全港獨家的巴士個別分站有用資訊（包括停站路線、上車分站、轉乘計劃等等）

小可愛智智 on 2015年1月6日 21:50:30:到下晝，我要去港大二村，離堅尼地城站直線距離約300米，但係實際要行600米蒲飛路，重要係1:6上山路段。

在金鐘站轉新城啦！

_________________
城記19勁！

我3次都想用小巴做 feeder service﹙1 觀塘站去觀碼 2 茶果嶺道去藍田站 3 堅尼地城站去薄扶林道﹚都做唔到，係咪政策失敗先？

小可愛智智 on 2015年1月7日 12:21:35:我3次都想用小巴做 feeder service﹙1 觀塘站去觀碼 2 茶果嶺道去藍田站 3 堅尼地城站去薄扶林道﹚都做唔到，係咪政策失敗先？

觀塘站去觀碼小巴你咪搭103，不過多謝你$6.1

btw 點解仲係不討不快

_________________


|||

話說呢，離地鐵站超過400米，但又唔夠800米嘅地方就好尷尬嘅，落咗地鐵之後話近唔近，話遠又唔遠，但又唔想俾超過$5搭一兩個站巴士，行過去又行成差唔多10分鐘。小巴本來正正就係地鐵最好嘅拍擋，但係佢啲垃圾服務真係令我不快。

800 米真係咁唔好行?
你既然去得離地鐵站比較遠嘅地方跟住又要搭地鐵就預多啲時間行啦

我今日去咗兩個呢啲尷尬地方，第一係觀塘碼頭，離觀塘站約700米：
好似觀塘碼頭呢啲地方，離地鐵站唔近嘅，總會有架小巴入去呀卦。係有呀，22A囉，重有分段添！不過真係俾個班次激死，20分鐘先一架，都唔知開黎做乜，唯有直接行入碼頭啦，果然行到入去都唔見小巴嘅影。

22A 只係九巴 28A 同 224M 重組後補償方案
28A 本身都唔密, 20 分鐘就差唔多啦
而且觀碼循環點黎點解會有小巴停係度

條九巴23又衰嘅，15分鐘先一班。都唔知嗰度返工啲人搭乜出入，點講我都唔會信嗰啲人係用74X來接駁地鐵囉。

行/搭直達車囖

之後我要由觀塘碼頭去藍田地鐵站，直線只有約1.1公里，竟然一架直車都無（如果你要雞蛋裏挑骨頭嘅話，T277囉，不過嗰陣無服務），要兜返出觀塘轉車，出得觀塘黎我已經行咗超過一半啦。於是我行過去茶果嶺道交界，希望截到架23C小巴上去，我喺個路口見到架唔記得咗係咩字母嘅23號小巴（又B又C又M我鬼記得咁多，我只係認住係23車頭寫藍田站或者匯景花園就上車），點知我截佢唔停，行埋到麗港城總站對開都唔見有23C小巴（係成個23系列都無影），結果咪行天橋上藍田站囉，都唔知嗰幾條小巴線係咪得鬼搭，影都唔見，係見到部去藍田山嘅E22巴士有幾個人上囉，不過又貴又兜我先唔上呀，除非我要上山。

既然你都講得出小巴只係輔助地鐵咁點解唔會係搭小巴出觀塘呢
你估觀塘工業區真係多客到接唔晒咩, 係真嘅就唔洗搬返 15A 出去觀塘市中心啦

做下功課先講野啦

_________________

The Pavilia Farm 柏傲莊
LIVE BEYOND WELL

茶果嶺道要出地鐵站係出藍田站啩。點知條23_小巴影都無。

平路800米我都算啦，斜路600米都叫人行上去，我真係唔知港島條4S同九龍條23S開來做乜。﹙講緊港島13嗰單﹚

nokia_hk_fans on 2015年1月6日 23:00:18:講開23B/C/M號小巴 截佢唔停，其實佢地啲服務真係幾差。
明明運輸處講好咗可以係站外上落客，啲司機都照樣唔理你，試過好多次停正紅燈前想上車，啲司機照唔理你指你去下個站搭。
有時仲要禁錯分段等你一個唔留意又比多一毫（宜家仲要加價添）；麗港城短程來往匯景 唔小心上多咗個客就尤你照企就算；
（以上衹針對23B/C/M，其他小巴線我就唔敢講）
其實我住咗10年麗港城都分唔清23B/C/M/S......

咁你要試下等新界405,
我試過好幾次係小巴站有幸見到車黎, 遞哂手仲要係咁揮舞,
但佢無論係睇到定扮睇唔到, 佢都係飛站...
尤其去到長青/美景都係吉車既時候~~

另外我想問下 新界111係咪已經偷雞減班?
話說我好幾次假日晚上6:30係碧海樓等91M等左半個鐘, 都唔見有111影子,
我想轉投都唔得~

小可愛智智 on 2015年1月7日 18:39:13:茶果嶺道要出地鐵站係出藍田站啩。點知條23_小巴影都無。

平路800米我都算啦，斜路600米都叫人行上去，我真係唔知港島條4S同九龍條23S開來做乜。﹙講緊港島13嗰單﹚

23S 朝早7點幾排哂龍架, 好多都係唔想行既白領人士...

_________________

ccicoltd on 2015年1月7日 08:32:33:

<MAX on 2015年1月7日 01:58:31:第四，GMB 政策上係按固定路線、班次和收費提供服務，乘客需要係指定車站上車，唔知政策幾時修改成可以「可以係站外上落客」？至少運輸署資料顯示無批准上述幾條路線容許在指定車站以外地方上客。

有無咁寫要睇過服務詳情表先知，我夠膽講絕大部分路線都可以喺沿途非限制區處上落客

睇過一間公司既服務詳情表，的確同居民巴士服務一樣有註明核准上落客地點。

_________________
‧ Simutrans - Hong Kong Workshop 香港工作室 ‧ Euro Truck Simulator 2 ‧

小可愛智智 on 2015年1月6日 21:50:30:...到下晝，我要去港大二村，離堅尼地城站直線距離約300米，但係實際要行600米蒲飛路，重要係1:6上山路段（對班港隊而言，用來練爆山跑一流，不過，當我連跑一段350米嘅1:10斜路都搞到我對腳差唔多想抽筋咁滯時，要爆上呢段600米1:6重得了？！）。我係A出口出，見到有部23小巴，問上薄扶林道價錢，超過$5唔上，再等13小巴。13小巴係我印象中唔算疏車，點知我又截佢唔停：客滿。今次真係被佢玩完啦，焗爆段1:6。結果我行到上頂，行到上氣不接下氣，全身出晒汗，先見到下部13小巴。

堅民地城站同迪士尼站直線距離只係 10 公里，但實際要搭車搭足 27 公里路先到，重要過隧道又過橋，重要轉次車先到。如果你唔係搭直升機，你用直線距離黎計我睇唔到有咩意義。

如果要去港大二村，如果你認為 1:10 對你有難度，點解唔係港大 C1 出行過去？Google map 話重少 100 米，時間少 1 分鐘。

btw，宜家現代人原來行 1 - 2 公里都會覺得遠要搭車，似乎北角行去銅鑼灣、旺角行落尖沙咀呢 d 就黎要列為創舉。