話說上個星期係間房搵野，打開電腦枱下面個紙皮箱，無意中發現左一部Nikon F70D嘅相機盒。小弟感到非常驚奇，打開佢我發現原來係一部單反，旁邊仲夾住一張28-200mm嘅長鏡說明書。

我心諗部野係邊個架啦？阿媽？唔係啊佢連Nikon都唔知係乜啦。阿爸？冇可能嘅，佢英文白痴，手機都唔識玩，有乜理由會係阿爸嘅呢？
然而當我再深入搵嘅時候，我發現左呢部80年代出產嘅萬能達單反，一切令我感到更加迷惑。

我諗起阿爸曾經講過佢八十年代成日去旅行，所以我就抱住半信半疑嘅心態，碌左去問佢
得出嘅結論係……佢話八十年代已經玩相機…係呢刻我用我所僅有的相機知識，問我阿爸，佢表示快門，感光，光圈通通冇難道……佢表示單反唔用M mode係唔好玩嘅
呢一刻真係………