講真玩巴士模型黎黎去去當然都係巴士迷，要買既自然會識得自己搵，
九巴開咁多 CS 我亦都唔係好見會有街客會特登入去買模型，
而 18 樓都見過連外地人都識得自己上黎 (我見過 Dave Rogers 都上過去)，
PR 有無問題呢，其實係睇巴士公司有無當呢D「另類業務」係重要，
如果覺得唔重要，當然唔會投放咁多資源入去啦！
真心黎講，其實如果工廈黎講金龍都算係整齊企理，又有時租車位，附近幾座都有西餐廳，野食都ok添
相比觀塘幾間工廈模型店，我覺得已經算係同商業大廈有得比。
同埋鄰近地鐵站，交通亦算方便，地鐵行過去同上環/尖沙咀等80米舖，腳程都係差唔多
仲有冷氣通道，其實真係唔覺得地點有咩問題。反而老店和x3反而仲難行，朗豪坊自動梯都轉到你死。
另外，有一個問題都係好想問大家：
「究竟想模型店，將主要資金投放係好多貴租既舖位開分店，然後整D錯漏百出、重複又重複既模型；
，定係要一個較低租金而鄰近地鐵站既樓上舖，將主要資金投放去推出一D精緻既巴士模型呢？」
同埋究竟方唔方便呢，就其實個個人都唔同既，假設我住沙頭角，80米任何一間分店對我都好唔方便，
而九巴月輪總部都有好多巴士去葵芳，車程連腳程都係10幾20分鐘
順道想修正翻樓上，根據18樓個 FB page，依家好似平日開 13:00 - 19:00，朝早其實仲可以個別預約上去，
而且如果係比模型客人做紀念品的話，新城自己都會留翻D貨直接係寫字樓送比客啦
唔通同個客講，哎呀我D貨係晒葵芳某某某工廈到啊，你自己搭車過去買啦
以我所知，九巴自己都收埋好多模型，12.8米記者會就送左好多端午AV比在場記者們，
況且我從來未見過新城宣傳過任何模型。
而新城既乘客聯絡會議以我所知，都係響巴士上面開~
