現時使用嘅紅磡站1-4號月台，將來沙中綫通車就唔會再用。
咁既然有路軌，有月台，至少可以泊黃頭同將來退役嘅烏蠅頭，M-train咁，畀大家睇吓。
月台有埋Toilet tim，用得唔好嘥
而大堂某部分可以留作放置展板，文物咁
重可以賣紀念品，即係增加非客運收益
宜家嘅入閘機都可以改造將來嘅博物館閘機，有特色又順便收錢（如果港鐵負責營運嘅更加會收貴尐 ）
一嚟宜家個鐵路博物館太細，似鐵路公園多尐
二嚟紅磡喺市區，貼住尖沙咀，交通方便可吸引更多鐵路迷同遊客去
三，地方夠大，想搵位擺埋前地鐵嘅嘢都得
四，規模夠大，可以收錢，如果港鐵肯自己做更加可以收貴尐，增加非客運收益，港鐵咁識賺錢
五，有地方展出黃頭，鐵路迷一定開心

個人好希望呢樣可以實行 ，大家又開心，港鐵又賺得開心

唔知大家點睇呢

歡迎討論

有D可能(太1999 )可以考慮但最後應該唔會做(冇人會去，會同移家個蚊之公園一樣拍烏蠅)
P.S.小弟有諗過自己去(果個蚊之公園)，但因為果度冇咩好睇就冇去

得四個月台，展出得少少野，我就唔會咁樣袋住先攞

MM@! on 2015年6月20日 19:59:09: 得四個月台，展出得少少野，我就唔會咁樣袋住先攞

咁香港嚟緊會有幾多款車退役先？
MLR同M-train，都係2款，加埋何東樓黃頭都係三款。你唔好同我講西德車同辛奇車會喺呢十幾年內退役wor

PJ5022 on 2015年7月3日 23:46:05:

MM@! on 2015年6月20日 19:59:09: 得四個月台，展出得少少野，我就唔會咁樣袋住先攞

咁香港嚟緊會有幾多款車退役先？
MLR同M-train，都係2款，加埋何東樓黃頭都係三款。你唔好同我講西德車同辛奇車會喺呢十幾年內退役wor

其實四個月台都已經好夠
放到盡都係放三抽 或者龜鐵公司可以會斬件放 分分鐘得頭卡或幾卡
所以四個月台係點都夠用 再放埋迪士尼東涌機場千九都得

放唔放得曬係事在人為姐 況且要咁大個真係有咁多嘢展出？

搞個月台商場，又有扶手電梯，又可以收返啲租金，點計都賺多過博物館？

根據港鐵呢間地產公司嘅logic，都係重建做商場加賣樓算架喇。遲多幾年可能會出現「樓下一線10分鐘直達CBD」嘅樓盤廣告

Leo113 on 2015年7月4日 14:08:43: 根據港鐵呢間地產公司嘅logic，都係重建做商場加賣樓算架喇。遲多幾年可能會出現「樓下一線10分鐘直達CBD」嘅樓盤廣告

但係個月台位唔易拆嚟起樓，最多都係喺月台上面平台發展，要發展都唔駛等月台停用
要拆平台唔易，何況1-4月台隔離重有直通車月台

將來1-4月台好大機會都係空置，與其空置不如利用吓佢咁啫

唔知當紅磡貨場改咗做列車停放處之後仲有冇啲地方剩，唔係可以用埋黎做博物館用地
我都覺得紅磡站月台係一個比較易說服龜鐵既選址，因為本身個格局都喺晒度，佢改裝下就可以轉做博物館

大埔墟嗰個可以繼續保留，主要展示九鐵英段電氣化前既歷史，博物館側線附近有少少空地，整理埋就可以將茶果嶺卡車搬埋過去，甚至留多部柴頭放入去應該都得。

而紅磡站就展示電氣化後至近年龜鐵年代既歷史，我假設一邊月台放3款車，每款車3卡，4個台都可以放到12款車

當然都仲有其他選址既，例如粉嶺有個洪嶺站，同埋整新館最緊要留位俾未來擴展用
個博物館係整得好既話，收返少少入場費都可以接受

HV9990@211 on 2015年7月5日 02:07:15: 唔知當紅磡貨場改咗做列車停放處之後仲有冇啲地方剩，唔係可以用埋黎做博物館用地
我都覺得紅磡站月台係一個比較易說服龜鐵既選址，因為本身個格局都喺晒度，佢改裝下就可以轉做博物館

睇完呢句，證明大家對博物館認知唔夠深。

博物館係需要好多人力物力去營運，最簡單擺張歷史車票係博物館度，長期係一個不恰當溫度下歷史車票好大機會會被損毀，所以要長開冷氣控制溫度，更何況紅磡站月台個冷氣？即使你擺抽黃頭係度，都需要大量資源去保養，唔係既話只會被年月時間損毀⋯⋯

再加上博物館定位係應該陳列「過去知識經驗」，定係「啟發知識」都好重要，如果唔係又只會好似大埔墟咁淪為左一個婚紗拍攝場地多過一個博物館。